LEU KACHENG 4:4 - Khumi Common Language Bible

⁴ kai i ampo ly kai ai, “Nang ly kai i leu ai pateungme iy pany jo ba. Mana khala py tami moh. Kaimy kang thui pi nai kamta so; hunaibaly nang heng ai.

LEU KACHENG 4:4 ပူးပေါင်းရင်းမြစ်များ

ATITI AWM ANGCHEI NAI 18:19

Kai i leu tangai iy, atiti kahawi sa ai nai mymy i kangpreangchi hawi, mymy i chapochi ai leu pei ai nai molam y, kai ly mymy ai vawi takhra nai ne. Nichi kahawi sa baly kaimy i leu adeu nai kamta khyp, ni i vui ati cheaungkhangchi sa pi ai,” napi.

1 NENG SATANG 28:9

Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

SAM 119:11

Kai ly nang i tlang tleaung y kamngo so y ai nai, kaimy i paleung theung y nang i reita leu ai kapateung me bo.

SAM 119:144

Nang i thui parip naichi ly teng jojo; kai ai cheng naira pei kyh ba; hunaibaly kai ly heng ai.

SAM 119:168

Kai ly nang i leu pei naichi hawi reita leuchi tangai bo; nang ly kai i sa nai ngiereichi ai niu nai ne.

LEU KACHENG 22:6

Deaungdi teng y ati mana heng ai nai tla mo, nanai patiu pi ba. Hunaibaly ni ly mymy deungrei, thui parip naichi ai tami ai ny y.

LEU KACHENG 23:26

Deang awi, kai i leu dawn ryhpatyh iy tangai ba. Kai i heng nai kucha amtiu ba

LEU KACHENG 3:1

Deang awi, kai i patiu pi naichi tami moh; kai i leu pei naichi pany jo ba.

LEU KACHENG 3:2

Kai i patiu pi nai leuchi ly nang ai heng sau hai iy, nang chawn hai ai.

LEU KACHENG 7:2

Kai i thui pi nai kamta so ba. Huna nai sa baly nang heng ai. Nang ly nangmy i meicho kangvai ai akry nai kamta, kai i parip naichi tangai ba.

ISAIA 55:3

“Kai i khumichi awi, kai i leu tangai iy, kai teng y jeu u. Hina nai kamta sa baly nangchi ly hengra nga u ai! Kai ly nangchi hawi deungtasarei leu maikawm asa iy, Davida teng y adeu nai amtheaung nairachi ly nangchi teng y kang pei ai.

JEREMIA 38:20

Kaimy, “Nang ly nichi i kiu y tym ai ny y. Nang teng y kaimy kang thui pi nai Areng i leu phai tangai iy, sa ai nai kang takeng nai teu. Hina nai kamta sa baly cheaungkhangra hawi ai i, nang ly hengra nga ai.

JOHAN 12:50

Mymy i leu pei nai ly deungtasarei hengra ne, nanai kai pany; hunai deaungkho y kai i leu thui nai ly Ampo my ang thui pi nai kamta kang thui pi nai ne,” napi.

EPHESI 6:4

Naibaly nangchi ampochi awi, nangchi i chanauchi ai kado patheu u reng moh; Areng i thui rip naira hawi parip naira y phai kry u.

Leu Thui Nai 4:9

Nangchi ly atyp u! Nangmychi kypkyp my niu nai ngiereichi ai, nangchi heng nai ryrei tami y ai nai atyp u. Nangchi i chanauchi hawi katuchi teng y py thui pi u.

Leu Thui Nai 6:6

Vaini nangchi teng y kang pei nai reitachi ly mana khala py tami u moh.

II TIMOTHEI 1:5

nangmy i paleung theung y awm nai ym naira tatang kapany jo: huni ly ngamsi Losi paleung theung y hawi, ngamhm Euniki i paleung theung y py awm man nai ne; naibaly vai py nang teng y awm teang, nanai kai pany khyp bo.

II TIMOTHEI 3:15

Krista Isu y ym naira awm nai deaungkho y, heng naira nga ai nai ka-lawh pa-rei ang cheng hai thai nai cha-iu kachaichi ly nang deaungdichy khala i dengdairei pany nai bo.

HEBRAI 5:9

hunaibaly mymy ai ly angym hai iy, mymy i leu tangai nai bawibawichi i vui y ni ly deungtasarei heng naira pakeung lawn bo:

TARA CHIH NAI KEUNGCHI 13:12

Naibaly Manon my ni teng y, “Tumbaly nang i thui nai kamta ne khyp nai khala, huni deaungdi ly ati sa ai mo? " nanai deng.