27 Hawi y nai ai en vui iy, langvawi lamtang angphri y naimy kataw tako ba.
Deang awi, nang ly huna nai khumichi hawi vanrei abang moh; nichi i tako nai lam ly en vui.
Khumi kahawichi ly hawi y naira lam mang y tako vai y; na i py amy i tako ai nai lam dawn ryhpatyh nai khumi ly mymy tlang ai akry nai ne.
Nangchi i paleung chai pa-rei so u. Kai i mo y nangchi i sa tamang naichi anawn u. Hawi y sa naichi anawn iy
Tamen naira ly tapawp naira abawi y nai ne sy. Kamngo mang y ly niu ngai u moh ly; kahawi mang y ly hawihai apatawm u.
“Nangchi teng y kaimy kang thui pi nai ngiereichi so u; panawi py panawi bi moh, pajaw py pajaw moh.
Hunai deaungkho y nangchi ly hini reita leu pei naichi ai paleung hawi verei patawm u ai nai tla; tameuh takhra ai py chiu u moh.
“Israela chengchi awi, nangchi i Areng Tameuh my nangchi teng y leu pei nai ngiereichi so patawm u; mani reitachi py taphra u moh.
Atho sa iy vam parai naimy awm ba. Kai i miseaung Mosi my pei nai reita bawibawichi ai takhawi y naimy kry ba. Reita leu pei nai ngierei ai ati sai py takhawi y naimy kry baly, nang ly nangmy dawn nai kamta eaung ai.