LEU KACHENG 4:23 - Khumi Common Language Bible

²³ Nang ly mana dawn mo, nanai adawn patyp ba. Nang i dawn naichi my, nang i vui khym taham kahawi sa pi reng nai ne.

LEU KACHENG 4:23 ပူးပေါင်းရင်းမြစ်များ

2 ARENG KEH 10:31

Na i py Jehu ly Israela chengchi i Areng Tameuh i reita leu pei naichi ai paleung hawi verei so y naimy, Israela chengchi ai kamngo sa ai nai lam patei nai Jeroboam i lam y abang nai ne.

LEU KACHENG 11:16

Pahen naira awm nai neampachy ai ly amichi my tahm khai reng. Na i py neampachy kamleaung ly kangji nga reng nai ne. Khumi napjangchi ly mana khala py, tangka ko ai ny y; na i py angjeng nai khumi ly nang ai.

LEU KACHENG 13:3

Leu amkyn nai khumi ly amy i hengra ai akry nai ne. Leu katheu ngaulau reng nai khumi ly phra ai.

LEU KACHENG 16:17

Khumi kahawichi ly hawi y naira lam mang y tako vai y; na i py amy i tako ai nai lam dawn ryhpatyh nai khumi ly mymy tlang ai akry nai ne.

LEU KACHENG 22:5

Khumi hawi y naichi i lam ly deaungchi hawi humchi awm ma mang nai ne. Tau cheng nai khumi ly hunichi ai en vui ai.

LEU KACHENG 23:19

Deang awi, tangai ba; cheng naira amtiu iy, nangmy i tako nai lam ai, hawihai palai adawn patyp ba.

LEU KACHENG 28:26

Amymychi i athang khai nai kamta sa reng nai khumi ly khumi ka-khum ne. Khumi kachengchi i thui parip nai ai tangai nai khumi ly ka-jeira avum ai ny y.

LEU KACHENG 3:21

Deang awi, nang i cheng naira hawi dawn pany praw thai nai cheng naira ai ly kry ba. Mana khala py nang hawi amprei hai vui moh.

LEU KACHENG 4:7

Cheng naira ai amtiu manme ba; amtiu nai ngiereichi theung y, pany thai praw nai cheng naira ai amtiu patyp keh ai nai tla.

Parip nai leu 5:13

Hini khaileaung pri y khri pa-rei ka-jei hawi parai nai amjy harei ly hini ne: khumichi ly mo mang i neng y ngai nai khala y teaung ai nai tangkachi pateung u achu reng.

JEREMIA 17:9

“Mani khumi ly khumi i paleung pany pajau mo? Khumi i paleung ly ati cheaungkhang tleaung y py akawi reng. Huni paleungra y kahawi sa iy ngo pajau y nai ang vawi awm.

MATTHAI 15:18

Labeaung i nai theu naichi naini paleung theung i nai theu nai ne; hunichi kypkyp my ly khumi ai chai hai y nai ne.

MATTHAI 15:19

Paleung theung i nai kamngo dawn naichi, khumi ai padei naichi, pajang sa naichi, angai naichi, paviu naichi, seu rumrang naichi, thui tamawm naichi py theu:

MARKA 14:38

Parawi naira y kun u y ai nai ajeng u rym naimy chiu so u; phailo my ly angjeng i, tlang my ly ham y,” napi.

LUKA 6:45

Khumi kahawi ly ni i paleung i yhmtheaung kahawi i dengdairei atiti kahawi patheu reng, khumi kamngo ly ni i paleung yhmtheaung hawi y naira i dengdairei atiti hawi y nai patheu reng: ni i paleung y kawi palai nai ly labeaung y thui reng.

Leu Thui Nai 4:9

Nangchi ly atyp u! Nangmychi kypkyp my niu nai ngiereichi ai, nangchi heng nai ryrei tami y ai nai atyp u. Nangchi i chanauchi hawi katuchi teng y py thui pi u.

HEBRAI 12:15

hawihai palai amkym u, ti y baly ami mo Tameuh i pahenra ai kai y nai awm lawh na i, kho naira tangjyn ampho iy ang khrukhra hai lawh na; hunira y ly khumi neangneangchi ai chai hai y nai awm lawh iy,