LEU KACHENG 4:18 - Khumi Common Language Bible

¹⁸ Khumi kahawichi i tako nai lam ly khutawi phang nai kangvang sangso, khawn kani si nai hawi atawm.

LEU KACHENG 4:18 ပူးပေါင်းရင်းမြစ်များ

2 SAMUELA 23:4

kani nai chum nai bo y khupanym aheang pawn i, khutawimo neng khala achachi kangvang sadi hai nai kanito hawi atawm.”

JOBA 11:17

Nang i heng nai ly kanithun teng nai kani tleaung y malawn py, angvang keh ai. Veng nai neng py khutawi mo kamta, angvang phang ai.

JOBA 17:9

Amychi ai tahm awm, nanai thui naichi ly mychi mang kateng ne, nanai ymra ymra u bo.

JOBA 23:10

Na i py Tameuh ly kai i kheukanchi niu nai ne. Mymy ly kai ai cham lawh baly, kai teng y kamngo by y, nanai pany ai.

SAM 84:7

Nichi ly tako nai tarawi y atho nga u ra nai ne; Zion mawi salo y tameuhchi i Tameuh ai niu u ai.

SAM 97:11

Khumi kahawi tlang tleaung y amo theu naira hawi, paleung hawi nai khumichi tlang tleaung y amo theu naira py tym hai nai ne.

LEU KACHENG 13:9

Leu meitang teaung nai khumichi ly angvang teaung nanai kangvang hawi atawm; khumi hawi y naichi ly jumryh jumryh reng nai maisi yhm hawi atawm.

LEU KACHENG 15:24

Khumi kachengchi ly salo mang y chei nai, hengra lam y tako u reng; khaileaung anui tavau pri lam y ly tako u vai y leang.

LEU KACHENG 2:20

Hunai deaungkho y nang ly khumi kahawichi i awm nai sai amtiu iy, hawi nai leaungsai hawi heng ai nai tla.

LEU KACHENG 2:9

Nang ly kai i leu tangai baly kateng lam, meitang nai hawi adyh adawi nai i awm nai sai pany ai. Amy i sa ai avo nai sai py pany ai.

ISAIA 26:7

Aw Areng, nang ly khumi kahawichi i lam taw hai bo; nichi i tako nai khuleaung lam py, adyh parai nai ne.

DANIELA 12:3

Lu sa nai khumi kachengchi ly kani mang i kangvang kamta, angvang phang na ai. Khumi neangneangchi ai teng nai kalopchi sa ai nai, thui parip pi nai khumichi py, ka-si taukichi kamta deungtasarei angvang ai,” napi.

HOSEA 6:3

Achi ly Areng ai pany ai nai atho so u sina. Khawn khutawi reng nai kamta, nicho neng khala khaileaung salo y kani nai hai reng nai kamta, mymy ly achi teng y ang jeu takengkei ai,” nanai thui u bo.

MATTHAI 5:14

“Nangchi ly khaileaung pri i kangvang ne. Mawi saleaung y awm nai avang ly heu pajau y.

MATTHAI 5:16

Nangchi i kangvang ly khumichi i mei ka-niu y angvang sy, hunaibaly nangchi i atiti kahawi sa naichi ly nichi niu ai i, nichi ly Ngampo kani pri mang y awm nai ai palo thai ai.

MATTHAI 5:45

Ngampo kani pri mang y awm nai ly khumi kamngo hawi khumi meitang i tlang tleaung y kani si hai i, khumi kahawi hawi khumi hawi y nai tlang tleaung y kani nai hai teang.

JOHAN 8:12

Naibaly Isu my nichi teng y leu thui bi i, “Kai ly khaileaung pri i kangvang ne; ami py kai teng y abang nai ly kavengra y tako ai ny y i, heng naira kangvang nga lawh ai,” napi.

II KORINTH 3:18

Na i py achi bawibawi ly meimai amym y naimy dengkhang apui kamta Areng i nang parai naira angvang hai nai, nang parai naira i dengdairei nang parai veangveang naimy, achi ly huni kamta vanrei atawm khyp nai awm ai nai, takhra hai dudu nai awm bawibawi, Areng, Phailo napi nai i dengdairei nga nai kamta.

PHILIPI 2:15

jo sei naira hawi aei naira by y naimy ati cheaungkhang so u; hunichi theung y ly heng nai leu amteng hai nai, khaileaung pri y angvang hai nai keungchi kamta amteng u reng;

II PETERA 1:19

Naibaly kaichi ly thui rym nai leu khaw nai tleaung y khaw ra nai nga nai bo; khutawi iy khawn tempo ly nangchi i paleung y si y ryrei ly kaveng meingtym y angvang nai maisi ai dawn pi u nai kamta, huni ai dawn pi u ai nai aly len parai:

II PETERA 3:18

Huni ny y naimy achi i Areng hawi Paheng Keung Isu Krista i pahenra y hawi pany naira y py veang u. Vai hawi deungtasa tym pa-rei py mymy teng y nang parai naira awm sy. Amen.

AMTENG HAI NAI 21:23

Naibaly huni avang pui ai angvang hai ai nai ly kanito mo, lo mo aly ngai y leang; Tameuh i nang parai naira ly angvang hai nai ne, huni i maisi py Beram Cho ne lawh.

AMTENG HAI NAI 22:5

Vum, nanai ly awm ali ai ny y ; nichi ly maisi kangvang hawi kanito kangvang py aly ngai u y ai; Areng Tameuh my ly nichi ai angvang hai ai i, nichi ly deungtasarei peang u jojo ai.

TARA CHIH NAI KEUNGCHI 5:31

Aw Areng, nang i paleung ka-e bawibawichi ly hina nai kamta sum u sy; na i py nang i ahawichi ly achaw deaung nai kani si nai kamta, angvang phang sy! Naibaly Kanan pri y saneng vui palyh ryrei tlamsa nai ne.