LEU KACHENG 31:9 - Khumi Common Language Bible

⁹ Nichi i vui katheu pi iy, leu meitang y tara chih pi ba. Khumi kamawn kateuchi i, nga ai avo naichi ai amo hai ly kry pi ba.

LEU KACHENG 31:9 ပူးပေါင်းရင်းမြစ်များ

2 SAMUELA 8:15

Davida ly Israela pri verei peang iy, adyh adawi naimy awm ai nai sa bo.

JOBA 29:12

Khumi kamawnchi, jeaungmang nai nuro nukai chochi vo hang nai khala, kai ly kasabawm nai ne.

SAM 82:3

Khumi kamawnchi hawi nurochochi i nga ai avo nai mang y ama hai ai nai tla; kamawn katichi hawi jeaungmang nai khumichi i vui leu meitang tara chih pi ai nai tla.

LEU KACHENG 16:12

Samrangchi ly hawi y sa nai ai niu ngai y; ati mana nai mo nabaly adyh adawi khala naini, peang nai sai khaw ai nai ne.

LEU KACHENG 20:8

Samrang ly tara bailangra y ateh iy, hawi y nai ngiereichi ai chih i, pany thai nai ne.

LEU KACHENG 29:7

Khumi kahawi ly khumi kamawnchi i nga ai avo naichi pany pi thai. Na i py khumi hawi y naichi ly huni amjychi pany thai y leang.

ISAIA 1:17

kahawi so u. Ana piupa naira avum nai khumichi ai sabawm iy, nuro nukai chochi hawi lumai cheaungtichi i nga ai avo naichi ai ama hai nai hawimy, tara leu reita my peang nai awm pa-rei so u,” napi.

ISAIA 1:23

Nang i miteaung kehchi py langmeang thau naichi, kangviu ai atho pei naichi lawm u bo. Nangchi ly un langseaungchi la u teu i py, Tara jeungra y nuro nukai chochi ai amo hai u y. Lumai cheaungtichi i ka-jo ka-thuichi ai py, tangai iy chih pi y.

ISAIA 11:4

Khumi kamawnchi ai leu meitang naimy tara chih pi iy, tahm anem naichi i nga ai avo naichi ama hai ai. Ni i pei nai leu haiho hawimy, khumi mipuichi ly pajeng naira avum u ai. Khumi hawi y naichi py dei u ai

JEREMIA 22:3

“Kai Areng ly nangchi ai leu meitang naimy kahawichi sa u ai nai leu kang pei. Nangchi ly katapawpra avum nai khumichi ai amo hai u. Cheng takhrachi, nuro nukaichochi, ti y baly neampachy lumaichi ai teng y nairachi hawi ana nairachi py so u moh. Hini kachai meingtymra y kamngo by y nai khumichi ai padei u moh.

JEREMIA 23:5

Areng my, “Davida i hawi nai katu chanau leaungrei ai samrang y palyn nai neng tym takengkei ai. Huni samrang ly cheng parai naimy peang iy, pri verei y leu meitang adyh adawi naimy sa pi ai.

JEREMIA 5:28

Bym pa-rei cha ai nai nga iy veung py hawi u bo. Nichi ly hawi y naichi ai tem-ma by y pa-rei sa u nai ne. Nuro nukaichochi ai nichi i nga ai avo nai phychi py pei pi y. Pahyp y naimy ana naira avum naichi ai py, adyh adawi hai y.

DANIELA 4:27

Hunaibaly samrang awi, kai i tau pei nai tangai ba. Kamngo so bi moh ly kahawi so ba. Khumi kamawnchi ai pahen ba. Huna nai sa baly nang ly yhmtheaung katui peung ai,” napi.

Levi 19:15

Ka-jo kahmchi ai leu meitang naimy chih pi ai nai tla. Khumi kamawn ai patleh takhra moh; kanangchi ai ly meimai khen moh.

ZEKHARIAH 7:9

“Jangni y kai ly kaimy i khumichi teng y, ‘Nangchi ly leu meitang adyh adawi iy, leaung leaungrei apahen leungtang ai nai tla.

ZEKHARIAH 9:9

Zion mary i khumi bawibawichi awi, amo theu u, amo theu u! Nangchi Jerusalem mary i khumichi awi, amo theu naimy aeu u! Khen u; nangchi i samrang ly nangchi teng y ang jeu bo! Huni samrang ly eaung naira nga i, atleu ai nai ang jeu nai ne i py, paleung apanem naimy keaungngo kano kasau nu i cho, keaungngo kano kasau cho tleaung y, atang naimy ang jeu bo.

JOHAN 7:24

Salo y khen phriu naimy chih moh, na i py hawihai palai dawn iy chih u,” nanai pathang.

Leu Thui Nai 1:16

“Huni neng khala kai ly luchi teng y, “Nangmychi cheng theaung tengtawi ka-jo ka-thuichi hawi, nangchi hawi vanrei awm nai cheng takhrachi hawi ka-jo ka-thui ngiereichi py adyh adawi pa-rei chih pi u.

HEBRAI 1:9

Nang ly hawi naira ai ly ngai i, hawi y naira ai ly nang ly niu ngai y; hunai deaungkho y Tameuh, nang i Tameuh ly nang i ahawichi tleaung y ly nang i tlang tleaung y amo theu nai rimui khri pa-rei ang thi nai bo he,” napi.

AMTENG HAI NAI 19:11

Naibaly kani am-eaung iy khen cham, keaungngo kangleung hawi, huni tleaung y atang nai Ka-ym hawi Kateng nanai keung ai ly kaniu ; ni ly teng parai naimy tara chih iy atiu lawh.

1 SAMUELA 19:4

Jonathan ly ampo Sawla teng y, Davida ai palo naimy thui pi nai ly “Samrang awi, nang i miseaung Davida i tlang tleaung y tamang naira so moh; ni ly nang ai mana khala py, tamang vai y leaung; nang ai py tiu vai y leang. Ni i sa nai ngiereichi ly nang i vui kasabawmra lawm nai ne.

1 SAMUELA 20:32

Jonathan my, “Ati mana nai dei ai nai tla mo? ni ly ati sa lawh i bo?,” nanai thui baly