LEU KACHENG 31:30 - Khumi Common Language Bible

³⁰ Paleung ka-dawn apei vui na pa-rei, apu parai naichi py tama pajau. Na i py Areng ai jei kaji naimy tahm khai nai neampachy ai ly palo ai ataing nai ne.

LEU KACHENG 31:30 ပူးပေါင်းရင်းမြစ်များ

2 SAMUELA 14:25

Abasalom ly Israela pri y mo-cha hawi parai nai deaungkho y, ni kamta amyn amthang nai khumi leaungrei py by y; ni ly lu dengdairei kheu kadeaung khrairei, chehra by y nai ne.

SAM 112:1

Areng ai palo u! Areng ai jei kaji naimy tahm khai iy, Reita leuchi kry ai nai ngai keh nai khumi ly taham hawi.

SAM 147:11

Na i py mymy ai jei naimy tahm khai naichi, khaw parai nai tamen naira ai ym nai khumichi ai aly ngai nai ne.

LEU KACHENG 1:7

Areng ai jei kaji naimy tahm khai nai ka-dawn ly tau cheng naira i pakeung sangum ne. Khumi hawi y naichi ly cheng naira ai tahm khai u y; amtiu ai nai py ngai u y.

LEU KACHENG 11:16

Pahen naira awm nai neampachy ai ly amichi my tahm khai reng. Na i py neampachy kamleaung ly kangji nga reng nai ne. Khumi napjangchi ly mana khala py, tangka ko ai ny y; na i py angjeng nai khumi ly nang ai.

LEU KACHENG 11:22

Nithun mo dawn pany thai y nai neampachy i mo-cha hawi nai sai ly eu i notareu y tai nai muku kano hawi atawm.

LEU KACHENG 22:4

Areng ai jei kaji iy paleung apanem reng nai khumi ly nang chawn ai; tahm awm iy heng sau ai.

LEU KACHENG 31:29

Ni i juvo my, “Nang ly kahawi sa kawp nai aju, neampachy neangneangchi theung y, nang ly kawp keh,” nanai palo bo.

LEU KACHENG 31:31

Huna nai sa nai neampachy ai tahm pasang ba. Ni ly khumi luteng my tahm khai ai ataing nai khumi ne.

LEU KACHENG 6:25

Nang ly huni neampachychi i mo-cha kahawi ai paleungno moh. Nichi i ngai tahau nai deaungra y man moh sy.

LEU KACHENG 8:13

Areng ai jei kaji naimy tahm khai nai ly hawi y naira ai amso ngai nai py ne. Kai ly paleung len nai hawi amlyh nai, hawi y nai lam y tako nai hawi ka-chawi thui nai leuchi ai niu ngai y nai ne.

Parip nai leu 12:13

Hina nai kathui chum baly thui bi ai nai leaungsai harei awm khyh bo. Nang ly Tameuh ai jei kaji naimy tahm khai iy, mymy i reita leu pei naichi kry ba; ati mana nai mo nabaly hini leaungsaichi sa hai ai nai Tameuh ly khumi ai sa nai ne.

Parip nai leu 7:18

Hini amjy nyhrei ai amkyn ba. Nang ly Tameuh ai jei kaji nai khumi ne baly, ati py ne sy, eaung naira nga ai.

Ezekiela 16:15

“Na i py nang ly nangmy i mo-cha hawi nai hawi, amthang nai sai y a-ym iy bima lawm bo. Nang ly nang teng y ang jeu nai khumi ngiereichi hawi i ahawi nai ne. Nangmy i mo-cha kahawi py apasai y.

LUKA 1:6

Nini leaung nyhrei ly cheh ai nai by y pa-rei my Areng i leu pei nai hawi reita bawibawi patawm iy, Tameuh i mei ka-niu y awm nai sai hawi parai nai ne.

ROM AVANGCHI TENG Y PAWLA I CHA PA NAI 2:29

Na i py paleung theung y Juda khumi ne nai ly Juda tatang ne; naibaly lengkhym takip tatang nai ly paleung y takip nai ne, cha-iu leu y ny y naimy, phailo y ne; huni ly khumi i palo naira ngo y naimy, Tameuh i palo naira nga lawh.

I KORINTH 4:5

Hunaibaly Areng jeu y ryrei ly neng y rai khala y ati sai py chih u moh; mymy ly kaveng i atiti leu kangviuchi ai ly kangvang y patheu iy, paleung y tau naichi ai py amteng hai ai; huna nai neng khala y ly khumi leaung leaungrei ly Tameuh teng y amymy i nga ai nai kamlau palo naira nga ai.

JAKOB 1:11

Kani si iy ali bi ho nai aho i, acha ai ly jei hai; naibaly pau ly tla i, awm nai sai apu nai ly tama; hunai kamta teang, khumi kanang ly ni i tako naira y rawm ai.

I PETERA 1:24

“Khumi bawibawichi ly acha kangheng kamta ne, Huni i apu nai sai ly acha pau kamta ne. Acha kangheng ly jei iy, Pau ly tla reng,

I PETERA 1:7

Isu Krista amteng nai khala y ly palo naira hawi, nang parai naira hawi, tahm asang naira py lawn thai ai nai, kra y nai sala y parawi naira cheaungkhang deaungkho y nangchi ly paleung mawn u rai.