LEU KACHENG 31:26 - Khumi Common Language Bible

²⁶ Ni ly jypjypchy naimy cheng nai leu kahawi katheu iy, meitang naimy parip kawp nai ne.

LEU KACHENG 31:26 ပူးပေါင်းရင်းမြစ်များ

ESTHER 4:4

Esther i miseaung neampachychi hawi tli chum naichi ly. Modekai i sa nai saichi Esther teng y amti pi. Naibaly Esther ly khri pa-rei paleung mawn khrukhra nanai ne i, Modekai teng y paisiu amchiu y ai nai ateaungchi tha pi iy py ngai pi y nai ne.

ESTHER 5:8

“Samrang nang ly kai i hnei nai aly pei ai na baly, khawndam mang y samrang nang i vui kaimy sa pi rym nai dym biu cha pawira y Haman hawi vanrei jeu bi ba; huni neng khala y kai i hnei ai ngai nai aly kang thui pi ai,” napi.

LEU KACHENG 10:31

Khumi kahawichi ly cheng nai leuchi katheu u reng; na i py hawi y nai leu katheu reng nai labeaung ai ly tamym vui ai.

LEU KACHENG 12:18

Adawn chumchi y naimy katheu nai leu ly haisau kamta tamo aneng hai pajau; na i py khumi kacheng i katheu nai leu ly tamo kalemchi ai hawi hai pajau nai ne.

LEU KACHENG 16:24

Pahen reng nai khumichi i leu ly khawi hang kamta tui iy tlumtlang ai noso aho hai reng nai ne.

LEU KACHENG 19:14

Khumi ly yhm hawi yhmtheaung katui ai, amhm ampo teng i amtym pajau. Na i py cheng naira awm nai aju ai Areng my vui pi khala naini, nga pajau nai ne.

LEU KACHENG 25:15

Paleung sau parai naimy thui pi rypsy nai leu ly paleung tang nai khumi ai paleung nau hai pajau. Samrangchi ai malawn py, pany hai pajau nai ne.

LEU KACHENG 31:27

Ni ly pjang nai py by y. Kalop sa nai tarawi y, my i yhm dengtheungchi i ngai naichi py, nga ai nai dawn ryhpatyh pi jojo.

Solomon i khulym 2:14

Nang ly lengseaung sala y abyh nai amprym buhu hawi atawm. Khrei ai hawi parai nai nang i meimai khen kyh rai si; raawi kahawi tangai kyh rai si.

Solomon i khulym 4:11

Kai i paleung pathym tlawn na pa-rei khrei nai awi, nang i labeaungteng ly khawi byn kamta leaung na bo; nang i palai ly kai i vui y sikanu hawi khawi hang kamta ne. Nang i ateaung alangchi ly Lebanon mawi i mui katui hawi amseaung nai ne.

MALAKHI 2:6

Nichi ly leu kateng thui u; teng y naichi thui u y. Nichi ly kai hawi adyh adawi pa-rei awm u iy, mychi kypkyp ly kateng sa u nai bo y; khumi takhrachi ai py hawi y naira so u y ai nai sabawm bo.

LUKA 1:38

Naibaly Mari my, “Khen cham, kai ly Areng i miseaung nu ne, nang i leu kamta kai i tlang tleaung y tym sy,” napi. Naibaly kani pri i amtaw thau nai my ly mymy ai khai su bo.

AMTAW 18:26

naibaly mymy ly achura yhm y vam parai pa-rei leu thui amteaung bo. Hunaibaly Priskila nini Akuila ly mymy i leu thui nai ly thai i, myni i yhm y pahawi iy mymy teng y ly Tameuh i reita chai tleaung y chai ra nai thui pi pachai bo.

AMTAW 6:15

Naibaly tara chih nai keung ateh naichi bawibawi ly Stephana ai khen ryry i, mymy i meimai ly kani pri i amtaw thau nai i meimai ka-tawm niu u.

EPHESI 4:29

Leu hawi y nai ly nangchi i labeaung y den py theu moh sy, tangai nai keungchi ai pahenra nga hai thai ai nai, aeang nai kamta khaw hai ai nai leu kahawi ngierei phai thui sy.

KOLOSA 4:5

Ka-vo sa pi nai ly pasum u y iy, angam mang i khumichi teng y ly cheng parai naimy awm u.

I PETERA 3:1

Hunai kamta ly nangchi ajuchi awi, amy i juvochi i ngaingai awm u; hunaibaly nichi theung y ami py leu tangai y teu i py, nangchi i tahm khai nai sai hawi amhi amtlau nai sa kahawi py khen nai,

TARA CHIH NAI KEUNGCHI 13:23

Na i py aju my,” Areng ly ani ai dei hai ai nai ngai lawh teu baly, ani i talam naichi kawn pi ai ny y; hina nai leuchi py, hini neng khala ang thui pi ai ny y,” napi.