LEU KACHENG 30:4 - Khumi Common Language Bible

⁴ Ami nai ly kani pri hawi amtawn abi nai cheng naira angym pa-rei pany vai mo? Ami nai ly ali ai kiu hawi patiu nai nga vai mo? Ami nai ly tui ai kanih hawi tapau vai mo? Khaileaung pri i khujyh ai ami my pata pi vai mo? Huna nai khumi ly ami mo? Ni i chapo ly ami mo, nang pany a?

LEU KACHENG 30:4 ပူးပေါင်းရင်းမြစ်များ

ATITI AWM ANGCHEI NAI 32:29

Jakob my, “Nang i amyn kai ai thui pi kyh,” napi. Na i py nimy ly “Ati mana nai kai i amyn pany ai nai ngai mo?” napi. Naibaly mymy ly Jakob ai amtheaung hai bo.

JOBA 11:7

Nang ly Tameuh i sa thai naira hawi nang parai nai sai ai pata pajau na a?

JOBA 11:8

Kani khusang malawn py, Tameuh ai pajyh patleh pajau y; na i py nang ly kani mang y tym thai y leang. Tameuh ly tavau pri satang pany; na i py nang ly pany y leang.

JOBA 26:8

Khupanymchi ra y tui kawi hai mang iy, huni tui kaji molam y apeu y ai nai, typ pi nai keung ly Tameuh ne.

SAM 135:7

Mymy ly khaileaung katem mang dengdairei khupanymchi sau hai i, alipui khupui aho ai nai i vui y, amlosadichi sa pi nai ne; ali ai py mymy i yhm theung i nai patheu bo.

SAM 2:7

Samrang my, “Areng i amteng hai naichi kaimy thai hai ai; mymy ly kai teng y, “Nang ly kai i chapo ne; vaini my kai ly nang i ampo lawm bo.

SAM 22:27

Khumi cheng cheaungkhangchi ly Areng ai pany u jo ai. Khaileaung pri meingtym tleirei i khumi cheng bawibawichi ly paleung amtlau iy, nang ai chiu u ai.

SAM 24:2

Mymy ly khaileaung ai khaileaung anui i tui kathiura y langdeng pala bo. Thiu parai nai suida panglichi theung y sangum pala iy sa nai ne.

SAM 68:18

Mymy ly langheng hawi naichi ai hawi iy, asang nai meingtym mang y lyn kalau bo; mymy ly tiu nai khumichi teng i langseaungchi nga bo. Areng Tameuh ly huni meingtym y awm ai.

THEU NAI 15:10

Na i py Areng nang ly tlenrei khyhmy ali hm nai deaungkho y, Aikupta chengchi ai pangli tui my um biu vui bo; nichi ly tui sampyh kalen theung y kima kamta tup nai ne.

THEU NAI 6:3

Abraham, Isaka, Jakob teng y kai ly ati cheaungkhang sa thai nai Tameuh, nanai amteng teu i py, Areng ne, nanai amyn kachai hawi nichi ly kai ai pany u y leang.

ISAIA 45:18

Areng ly kani khusang ai sa; mymy leaungrei naini Tameuh ne na a! Mymy ly khaileaung ai sa palum iy, khaw hai typ nai ne. Mymy ly huni ai khumi angso by y nai meingtym palawn ai nai sa nai ny y. Khumichi awm ai nai meingtym sa pi nai ne. Mymy ly “Kai ly Areng ne; kai ny y baly tameuh takhra by y.

ISAIA 53:8

Khumichi ly ni ai patiu iy, padei ai nai leu pacheang bo. Naibaly padei ai nai pahawi; na i py ni i avum ai nai khym taham ai ly ami py dawndan pi y. Ni ly achi khumichi i kamngochi deaungkho y, padei naira avum nai ne.

ISAIA 7:14

Vai, Areng mymy naimy nang ai rengrang ka-ma-ra harei ang patei pi ai. Neampachy anglo leaungrei ly deaungdi aniu ai i, chapo tapen ai. Ni ly huni chapo ai, “Emmanuela”nanai amyn pathi ai.

ISAIA 9:6

Kaichi i vui deaungdi tapen pi! Kaichi i vui chapo ang pei bo! Ni ly kaichi ai ang peang ai. “Ni i amyn ly rengrang tlai,” “Tau pei nai keung,” “Sathai naira len parai nai Tameuh,” “Deungtasarei Ampo,” “Tlamsa nai samrang i Chapo,” nanai amyn pathi ai.

JEREMIA 23:6

Huni samrang my peang nai thym khala y Juda khumichi ly chymme naira awm ai i, Israela khumichi ly tlamsa naimy awm u ai. Naibaly huni samrang i amyn ly ‘Kaichi ai atleu pi nai Areng,’ nanai palau u ai.

MATTHAI 11:27

Ngaai my ati cheaungkhang bawibawi kai teng y au bo; naibaly Ampo ny y baly ami py Chapo ai pany y leang; naibaly Chapo hawi, ami teng y Chapo my amteng hai ai nai ngai nai ny y baly ami py Ampo ai pany y.

LUKA 10:22

Ngaai my ati cheaungkhang bawibawi kai teng y au bo. Naibaly Chapo ami mo, nanai ly ampo ny y baly ami py pany y; Ampo py ami mo, nanai ly Chapo hawi, ami teng y Chapo my amteng hai ai nai ngai nai ny y baly ami py pany y,” napi.

JOHAN 3:13

Kani pri i dengdairei satla kathiu nai keung ny y baly ami py kani pri y lyn vai y; huni ly Khumi i Chapo ne:mymy ly kani pri y awm nai he.

ROM AVANGCHI TENG Y PAWLA I CHA PA NAI 10:6

Na i py ym naira i hawi naira ly hina nai thui: Nangchi i paleung y, “kani pri mang y ami lyn ai mo?” nanai mo (huni ly Krista ai salo mang i dengdairei pahawi kathiu ai nai, nanai sai ne); ti y baly,

Leu Thui Nai 28:58

“Nangchi ly hini cha-iu theung y tajiu nai Tameuh i leu pei nai bawibawichi ai paleung hawi verei patawm y i py, nangchi i Areng Tameuh i lyh ai hawi iy ka-jei hawi nai amyn ai tahm khai y i py,

Leu Thui Nai 30:12

Nangchi my, ‘Achi ly huni reitachi patawm ai nai ami nai kani mang y lyn kalau iy achi i vui ang jeu kathiu hai ai mo?,’ nanai deng ai nai pa-rei huni reita leu pei nai ly kani mang y awm nai ny y leang.

AMTENG HAI NAI 19:12

Mymy i mei ly mai ka-veaung kamta ne, mymy i lu y ly areng lukhym neangneang awm; naibaly mymy harei khyh ny y baly ami py pany y nai amyn tajiu angchi khai nai ne.

TARA CHIH NAI KEUNGCHI 13:18

Kani pri amtaw thau naimy, “Ati mana nai y kai i amyn pany ai nai ngai mo? huni ly lyh ai hawi parai nai amyn ne,” napi.