LEU KACHENG 30:14 - Khumi Common Language Bible

¹⁴ Phyrei khumichi ly kamawn kateuchi tlang tleaung y pahyp y naimy kho sa iy, mychi apacho pajau ai nai sa u reng nai ne.

LEU KACHENG 30:14 ပူးပေါင်းရင်းမြစ်များ

JOBA 29:17

Khumi hawi y naichi i nuh khei vui iy, nichi i kiu y ana naira avum nai khumichi ai atleu pi bo.

JOBA 41:14

Ami nai ly ni i labeaung taai pajau ai mo? Huni labeaung theung y amjyn hyh nai hochi ly ka-jei hawi parai.

SAM 12:5

Areng my, “Na i py khumi kamawnchi ly ana pumpi naira avum u nai py, ana piupa naira avum nai khumichi ly no patang naira hawi tangam u nai deaungkho y, kai ly vaimy jeu praw ai. Nichi i kadeaung nai law tleaung naira ai, nichi teng y kaimy kapei ai,” napi.

SAM 124:6

Achi ai paleung ka-echi my tama hai ai nai pei y nai Areng ai kawn u sina.

SAM 14:4

Areng my, “Huni khumichi ly pany pacha y nai khumichi ne a? Huni khumi hawi y naichi ly pany thai naira by y nai khumichi ne a? Nichi ly kai i khumichi teng i lawm iy, heng u naichi ne. Kai teng y py chiu sa hnei takeng nai by y,” napi.

SAM 3:7

Aw Areng! jeu kyh ba; kai i Tameuh! kai ai atleu kyh ba. Mymy ly kai i paleung ka-echi i ta-beng y tabeang iy nichi i ho py patleu pi vui bo.

SAM 52:2

Nang ly khumi takhra phra ai nai molam dawn tau reng; nang i palai ly sam vau acho kamta chiu parai. Nang ly teng y nai leuchi ai, avawrei phym atyhtyh nai ne.

SAM 57:4

Paleung ka-echi ly khumi ngan cha nai khrangsichi kamta, kai ai ang katanmeuh bo. Nichi i hochi ly tivichi, thailiho chynchi hawi atawm; nichi i palai ly haisau bo nyhrei kamta chiu nai ne.

SAM 57:5

Aw Tameuh, nang i tahm asang nai sai ai kani mang y py, nang i nang parai nai ai khaileaung pri verei y py, amteng hai kyh ba.

SAM 58:6

Aw Tameuh, hini si parai nai khrangsi i nuchi ai khei pi vui ba.

LEU KACHENG 12:18

Adawn chumchi y naimy katheu nai leu ly haisau kamta tamo aneng hai pajau; na i py khumi kacheng i katheu nai leu ly tamo kalemchi ai hawi hai pajau nai ne.

LEU KACHENG 22:16

Khumi kanangchi ai langseaung pei nai khumi, ti y baly amy i nang chawn ai nai molam y, khumi kamawnchi ai ana nai khumi ly mymy py kamawn acheangryh acheangryh ai.

LEU KACHENG 28:3

Khumi kamawnchi ai pahyp y naimy ana reng nai samrang ly amti amjangchi phra hai reng nai alipui khupui hawi atawm.

LEU KACHENG 30:15

Tui amnym teng y chaniu nyhrei awm. Nini i amyn ly “Kai ai pei,” nanai ne. Mana khala py ngai nai paleung tui bym vai y nai amjy palyhrei awm.

Parip nai leu 4:1

Naibaly kai ly hini khaileaung pri i adyh adawi y nai sai kakhen lawh bo. Ana patang naira avum nai khumichi ly vo u; nichi ai sabawm ai nai khumi leaungrei py by y. Ati mana nai mo nabaly nichi ai ana nai khumichi ly sa thai naira awm nai deaungkho y ne.

ISAIA 10:2

Hina nai kamta nangchi ly khumi kamawnchi ai mychi nga ai avo naichi ngo thai y ai nai, nangchi ly reita kateng tara chih ai nai so u y. Lumai cheaungtichi hawi nuro nukai chochi i vawnsaichi py la pi pawn nai ne.

ISAIA 3:14

Areng ly mymy i khumichi theung i miteaung cheng naichi hawi lu sa naichi ai tara chih ai. Nichi teng y mymy ly “Nangchi ly kreip akho baichi lawm u bo. Nangchi i yhmchi py khumi kamawnchi teng i lawm nai vawnsaichi hawimy kawi na bo.

ISAIA 3:15

Nichi teng y kai i khumichi ai ana ai nai, khumi kamawnchi tlang tleaung y neng ka-pe dyp ai nai py sa thai naira by y. Huni ly ati cheaungkhang sa thai nai keung kai, Areng my pei nai leu ne,” napi.

ISAIA 32:7

Ni ly khumi hawi y nai ne i, hawi y nairachi naini sa thai khyh. Khumi kamawnchi i nga ai avo naichi ngo y vui ai nai, li-tapawp iy dawn pasym reng.

Ezekiela 22:6

Nang teng y awm nai Israela cheng lu sa nai khumi bawibawichi ly mymychi i atho a-ym iy khumichi ai padei u nai ne.

Ezekiela 34:3

Nangchi ly kanu nei, beram mui akhiu iy veung hawi nai beramchi tleh u, cha u nai ne. Na i py beramchi ai ly kry u y.

AMOS 2:7

Nichi ly atho di nai khumi hawi jeaungmang nai khumichi ai chiu iy, khumi kamawnchi ai nui u pawn nai ne. Ampo hawi chapo ly miseaung neampachy leaungrei hawi i ahawi mei naimy, kai i amyn kachai ai tahm anem hai bo.

AMOS 4:1

Atho di nai khumichi hawi khumi kamawnchi ai ana iy, my i juvochi teng y kaichi nei ai nai rah jeu hai, nanai leu pei iy teicha kahawi cha ai nga nai Basan si nuchi kamta, veu hawi nai Samari neampachychi awi, hini leu tangai u.

AMOS 8:4

Nangchi i pri theung y kajeu alam naichi ai chiu piupa iy, khumi kamawnchi ai ana nai khumichi awi, hini leu tangai u.

HABAKKUK 3:14

Nang i thailiho chyn ly tavailu areng ai ko nai pri leu vui bo. Ni i tavaimi kamkawm ly ali kamchai kamta, kaichi ai hm pawn ai nai ang jeu u. Nichi ly khumi kamawnchi ai ana pumpi nai khumichi kamta, khri pa-rei paleung ateng hai u bo.

ZEPHANIAH 3:3

Huni pri ai peang nai miteaung kehchi ly khrangsi chochi hawi atawm. Tara chih nai keungchi py khri pa-rei dupha len nai deaungkho y, khawn mang y khrairei hiu harei py aphi su ai ngai y nai kajeu alam nai kasui chochi hawi atawm.

MATTHAI 23:13

“Na i py nangchi Reita patiu nai keungchi hawi Pharisai tapawp naichi awi, nangchi ly taham si! Nangchi ly amichi i vui kani pri my peang naira ly kho hai tawp veng iy, nangmychi py kun u y i, kun ai naichi ai py nangchi my kun ai nai pei u y.

AMTENG HAI NAI 9:8

Naibaly nichi i mui ly neampachychi i sam kamta ne i, nichi i ho ly khrangsi takai i ho kamta ne teang.