LEU KACHENG 30:10 - Khumi Common Language Bible

¹⁰ Nang ly yhmkeung teng y miseaung i hawi y nai satang preaung nai leu thui lawh baly, huni miseaung my ang pasawi ai i, hawi y naira nga ai.

LEU KACHENG 30:10 ပူးပေါင်းရင်းမြစ်များ

ATITI AWM ANGCHEI NAI 8:21

Apathyp nai mui katui ai Areng ly kawn i, Nova teng y, “Khumichi atiti sa nai deaungkho y khaileaung ai kapasawi bi y leang bo; khumi i paleung dawn naichi ly deaungdichy khala i ka-so hawi y jojo nai kapany; vai i kamta heng nai cheaungkhangchi ai katamyh bi y leang bo.

LEU KACHENG 11:26

Khumichi ly vang kalen ajeng iy, choh pateung achu naichi ai pasawi u reng; pri-chi hawi jo pi nai khumichi ai ly palo u reng nai ne.

LEU KACHENG 28:27

Khumi kamawnchi ai pei talam nai khumi ly kamawn acheang ai ny y. Khumi kamawnchi ai dawn hai y nai khumi ly khumichi my pasawi nai avum ai.

Parip nai leu 7:21

Khumichi i thui nai tleirei y tangai moh. Nang ly nangmy i miseaung my ang thui tamawn nai leu py thai tan thai lym ai.

DANIELA 6:13

Naibaly nichi ly samrang teng y, “Juda pri i langheng y hawi naichi theung i, khumi leaungrei Daniela ly samrang nang ai tahm khai y. Nang i patheu nai leu pei nai ai py tangai y. Ni ly kanirei y tlen thomrei, reita kamta chiu sa jojo nai ne,” napi u.

DANIELA 6:24

Naibaly samrang ly Daniela ai thui tamawn nai khumi bawibawichi ai patiu hai iy, nichi i aju chanauchi hawi vanrei, khrangsi angawm theung y aphi ai nai leu pei bo. Nichi ly khaileaung y tym y rai khala y my, khrangsichi ly achaw iy hiuchi py, taai piupa pawn nai ne.

ROM AVANGCHI TENG Y PAWLA I CHA PA NAI 14:4

Khumi takhra i miseaung ai cheh nai keung nang ly mana nai kha? Mymy i angdo nai hawi atlym nai ly mymy i yhmkeung i vui ne. Ne, ni ai angdo hai takengkei ai; Areng ly mymy ai angdo hai pajau.

Leu Thui Nai 15:9

Kalai palawi pi pyn ai nai saneng kasa teu i py, ni teng y alai ai pei y nai awm moh. Nang teng y huna nai nun-si nai ka-dawn kun moh. Nang ly ni teng y alai ai nai pei y baly ni ly Areng teng y amti pi ai i, nang ly kamngo sa nai tla lawh ai.

Leu Thui Nai 23:15

“Yhmkeung teng i nai preang vui iy nang teng y abyh ai nai ang tym nai miseaung ai ly my i yhmkeung teng y pato ali teang moh.

1 SAMUELA 24:9

hina nai thui. “Kai ly nang i tlang tleaung y ka-jeira tym hai ai nai atho sa, nanai khumichi my thui nai leu ai, nang ly ati mana nai ym lawh mo?

1 SAMUELA 26:19

Tahm awm parai nai samrang awi, kai i thui nai leu tangai pi kyh ba. Nang ai kai hawi paleung ka-e lawm pa-rei sa nai keung ly Areng ne lawh baly, kado theu nai rym hai ai nai kapathypra talam pajau nai ne. Na i py paleung ka-e lawm hai nai keung ly khumichi ne lawh teu baly, nichi ly Areng i amsawi lawi u na sy. Israela chengchi teng y Areng i pei nai khu ka-peang i dengdairei, cheng takhrachi i tameuhchi ai chiu pajau nai khu ka-peang mang y kai ai nichi my patheu u bo.

1 SAMUELA 30:15

Davida my ni teng y, “Nang ly huni khumichi awm naira mang y, kai ai lam patei na a?,” nanai deng. Thawndeang my, “Nang ly kai ai padei y, kai i yhmkeung teng y au y ai, nanai Tameuh i amyn y tau iy leu adeubaly, nang ai lam patei ai,” napi.