LEU KACHENG 3:4 - Khumi Common Language Bible

⁴ Nang ly huna nai sa baly, Tameuh i mo y hawi khumichi i mo y meimai nga ai.

LEU KACHENG 3:4 ပူးပေါင်းရင်းမြစ်များ

ATITI AWM ANGCHEI NAI 39:21

Na i py Areng my Josepha ai awm hai nai deaungkho y amtheaung hai; naibaly theaung kry nai keung teng y mymy ly meimai kahawi nga nai ne.

SAM 111:10

Areng ai jei kaji thai nai ka-dawn ly cheng naira i pakeung sangum ne; Reita leu patawm nai khumi bawibawichi teng y meitang naimy leu pacheang pajau ai nai, mymy ly pei bo. Mymy ai ly deungtasarei palo u jojo sy.

LEU KACHENG 12:2

Areng ly khumi kahawichi ai khrei; na i py hawi y naira ai dawn tau nai khumichi ai ly pajeng nai ne.

LEU KACHENG 13:15

Tau cheng naira awm nai khumi ly khumi takhrachi i tahm khai naira avum reng; na i py ka-ym by y nai khumi ly patang naira avum reng.

LEU KACHENG 8:35

Kai ai hau iy niu nai khumi ly hengra py niu ai. Areng ly huni khumi ai khrei ai.

DANIELA 1:9

Tameuh my py Daniela i tlang tleaung y, kapahen paleung awm iy tamen ai nai Asapenaza i paleung ai amtlau hai bo.

LUKA 2:52

Naibaly Isu ly cheng ryh cheng ryh i, len py len ryh len ryh; naibaly Tameuh hawi khumichi khi y ly kawn naira nga.

AMTAW 2:47

Naibaly khumi bawibawichi ly nichi ai kawn hai. Naibaly paheng dudu nai ngiereichi ai ly Areng my kani tleirei nichi teng y panawi hai ryhryh.

ROM AVANGCHI TENG Y PAWLA I CHA PA NAI 14:18

Ami py huni kamta Krista i kalop sa nai khumi ai ly Tameuh my kawn i, khumichi py palo.

II KORINTH 8:21

Ati mana nai mo nabaly Areng i mei ka-niu y khyh ny y naimy, kaichi ly khumi i mei ka-niu y py atiti cheh ai by y nai dawn rym nai ne.

1 SAMUELA 2:21

Areng my Hannah ai amtheaung hai nai deaungkho y, ni ly chapo leaung thomrei hawi chaniu leaung nyhrei sa bo. Deaungdi Samuela ly Areng i kalop sa naimy veangryh veangryh nai ne.

1 SAMUELA 2:26

Deaungdi Samuela ly veangryh veangryh i, Areng i mo y hawi khumichi i mo y meimai nga nai ne.