LEU KACHENG 3:17 - Khumi Common Language Bible

¹⁷ Cheng naira ly nang i heng nai deung y tlamsa hai pajau; nang i heng nai jeungrei py, nang ai chymme naimy pahawi ai.

LEU KACHENG 3:17 ပူးပေါင်းရင်းမြစ်များ

SAM 112:1

Areng ai palo u! Areng ai jei kaji naimy tahm khai iy, Reita leuchi kry ai nai ngai keh nai khumi ly taham hawi.

SAM 119:103

Nang i thui parip nai saichi ly kai i palai kadeaung y khri pa-rei tui na; khawi hang tleaung y malawn py tui nai ne.!

SAM 119:14

Kai ly yhmtheaung katuichi tleaung y, nang i leu pei naichi ai ngai keh.

SAM 119:165

Nang i reita leu pei nai ai paleung apei nai khumichi ly khri pa-rei paleung awmnem naira nga u nai ne; mani my py nichi ai atlym hai pajau y leang.

SAM 119:174

Aw Areng, kai ly nang i atleu naira nga ai nai kadeaung jojo! Nang i reita ly kai ai amo theu hai bo.

SAM 119:47

Kai ly nang i reitachi ai ngai parai nai deaungkho y, hunichi tangai naira y amo theu naira awm nai ne.

SAM 25:10

Leu Maikawm hawi Reita leu pei naichi atyp nai khumi bawibawichi ai nang ly tamen naira hawi py, ka-ym awm naira hawi py, lam patei nai ne.

SAM 37:11

Na i py paleung apanem nai khumichi ly pri peang ai i, tlamsa naira hawi chawn pa naira amtym u ai.

LEU KACHENG 16:7

Areng my kawn hai ai nai asa nai khumi ly my i paleung ka-e ai malawn py, ahawi ka-dawi lawm hai pajau ai.

LEU KACHENG 2:10

Nang ly khumi kacheng lawm ai i, nangmy i pany nai molam y, paleung amo theu naira nga ai.

LEU KACHENG 22:18

Hunichi ai dawn patyp iy avawrei thui thai baly, nang i paleung amo theu naira nga ai.

ISAIA 26:3

Aw Areng, nang ly paleung meitang ne i nang ai ym nai khumichi teng y tlamsa naira tatang pei pi bo.

ISAIA 57:19

Israela pri y awm nai paleung si paleung mawn naichi i labeaung mang, kawn nai leu thui u sy. Kamlo kang sa awm nai khumi bawibawichi teng y tlamsa naira kapei ai! Awmnem naira py kapei ai. Kai i khumichi ai no hawi kasa pi ai, nanai Areng my leu pei nai ne.

LUKA 1:79

Kaveng theung y hawi, deira ka-khui y ateh naichi ai angvang hai ai nai hawi, Awm nem naira lam y achi i kheu takan hai ai nai py, Salo mang i dengdairei kani si nai ly achi ai ang de ai,” nanai thui yb.

ROM AVANGCHI TENG Y PAWLA I CHA PA NAI 5:1

Hunaibaly ym naira deaungkho y eaung naira nga iy achi ly achi i Areng Isu Krista i saho y Tameuh hawi aly naira nga bo;