LEU KACHENG 3:1 - Khumi Common Language Bible

¹ Deang awi, kai i patiu pi naichi tami moh; kai i leu pei naichi pany jo ba.

LEU KACHENG 3:1 ပူးပေါင်းရင်းမြစ်များ

SAM 119:11

Kai ly nang i tlang tleaung y kamngo so y ai nai, kaimy i paleung theung y nang i reita leu ai kapateung me bo.

SAM 119:153

Kai i patang nai saichi khen pi cham ly atleu kyh ba; ati mana nai mo nabaly kai ly nang i reita leu dawn y naimy awm ai ny y.

SAM 119:16

Kai ly nang i reita tanynchi ai ngai; kai ly nang i leu pei naichi tami ai ny y.

SAM 119:176

Kai ly tama nai beram kamta lam tamang bo; hunai deaungkho y jeu ly nang i miseaung kai ai hau kyh ba; kai ly nang i reita leu pei naichi ai tami y leang.

SAM 119:34

Nang i reita kai ai thui pi kyh ba; huni ai kai ly tangai ai; paleung hawi verei atyp ai.

SAM 119:61

Khumi hawi y naichi ly kai i vui deaung pateung u; na i py kai ly nang i reita leu pei naichi tami y ai.

SAM 119:93

Nang ly reita leuchi saho y kai ai heng hai nai deaungkho y, kai ly hunichi ai mana khala py dawn y nai awm ai ny y.

SAM 91:16

Kai ly nichi ai heng sau hai iy atleu ai,” nanai leu pei bo.

THEU NAI 20:6

Na i py kai ai tamen iy kai i reita patawm nai khumichi ai ly deung kangthau sang ho khrairei katamen ai.

LEU KACHENG 1:8

Deang awi, nang i ngamhm ngampo my thui nai leu ai dawn ryhpatyh naimy tangai ba.

LEU KACHENG 16:31

Heng sau nai ly khumi kahawichi i, nga reng nai kawn vang ne. Sam pau nai ly tahm awm nai areng lukhym ne.

LEU KACHENG 2:1

Deang awi, kai i patiu pi nai tangai ba; nang ai kaimy kang thui pi nai kamta, sa ai nai mana khala py tami moh.

LEU KACHENG 23:26

Deang awi, kai i leu dawn ryhpatyh iy tangai ba. Kai i heng nai kucha amtiu ba

LEU KACHENG 31:5

Nichi ly mhm-rah nei cha u nai khala, tara leu reita ai tami vui iy, khumi kamawnchi i nga ai avo naichi ai, dawndan pi y lawh nai ne.

LEU KACHENG 4:2

Kai i patiu pi naichi ly hawi nai deaungkho y, hunichi ai tami u moh.

LEU KACHENG 4:21

Hunichi ai mana khala py nangmy hawi amprei mo ly pany jo iy nang i paleung theung y pateungme ba.

LEU KACHENG 4:5

Cheng naira hawi pany thai praw nai cheng naira ai amtiu! Kai i thui nai leu tami moh; athang khai y naimy awm moh.

LEU KACHENG 8:1

Tangai cham! Cheng naira my ang palau. Pany thai nai cheng naira ly my i raawi khumichi thai ai nai aeu nai ne.

LEU KACHENG 9:1

Cheng naira ly my i vui yhm sa iy, huni yhm i vui leungcheng saryhrei hleng bo.

ISAIA 51:17

Aw Jerusalem mary, anglaw jau! Amymy ai apalaw ly ang thau jau! Areng my kado theu nai deaungkho y, nang ai pei nai khaura i pajeng nai kreip hang nang ly nei bo. Huni ai nei nai deaungkho y pavui tapai nai ne.

JEREMIA 31:33

Nichi hawi kai asa nai Leu Maikawm kangtha ly hini ne. Kai ly kaimy i reita leu ai nichi i paleung theung y kapakun pi ai. Kai ly nichi i Tameuh lawm iy, nichi ly kai i khumichi lawm u ai.

HOSEA 4:6

Kai i khumichi ly kai ai pany u y nai deaungkho y, pajeng naira avum u ai. Nangchi pathyp pi nai keungchi ly kai ai pany y i, kai i thui pi nai leu ai py tangai u y nai deaungkho y, kai ly nangchi ai kang khai su bo. Nangchi i chapochi ai py, pathyp pi nai keungchi ne, nanai kang palawn pi ai ny y.

Leu Thui Nai 4:23

Nangchi i Areng Tameuh my nangchi hawi asa nai Leu Maikawm ai ly pany jo ba. Mymy i leu phai tangai u, nangchi i vui y takhra mynchi so u moh.

Leu Thui Nai 4:9

Nangchi ly atyp u! Nangmychi kypkyp my niu nai ngiereichi ai, nangchi heng nai ryrei tami y ai nai atyp u. Nangchi i chanauchi hawi katuchi teng y py thui pi u.

Leu Thui Nai 5:16

“ ‘Nangchi teng Areng my pei nai pri y nangchi nang chawn iy, heng sau thai ai nai, nangchi i Areng Tameuh my leu pei nai kamta, ngamhm ngampo ai tahm khai u.

Leu Thui Nai 5:33

Nangchi peang ai nai pri y tlamsa naimy awm u jojo pajau ai nai, hini leu pei nai bawibawichi tanga iy so patawm u.

Leu Thui Nai 8:1

Areng my nangchi i amsi pajochi teng y pei ai adeu nai pri peang iy peung naimy heng u thai ai nai, vaini nangchi teng y kang pei nai reita bawibawichi ai ka-ym awm naimy atyp u.