LEU KACHENG 29:23 - Khumi Common Language Bible

²³ Amlyh am-e parai nai khumi ly tahm by y ai. Na i py paleung apanem nai khumi ly tahm asang naira nga ai.

LEU KACHENG 29:23 ပူးပေါင်းရင်းမြစ်များ

JOBA 22:29

Tameuh ly paleung len nai khumichi ai tahm anem hai iy, tahm apanem nai khumichi ai atleu ai.

JOBA 40:12

Nichi ai kamjau khai; khumi hawi y naichi ai avum nai meingtym y tamyh pawn ba.

LEU KACHENG 11:2

Amlyh am-e nai khumichi ly kra y naimy tahm anem u ai; paleung apanem nai khumichi ly cheng nai khumichi ne.

LEU KACHENG 15:33

Areng ai jei kaji naimy tahm khai nai ly cheng naira amtiu nai ne. Tahm asang ai nai ngai nai khumi ly paleung apanem ai nai tla.

LEU KACHENG 16:18

Amlyh am-e parai nai ly phra naira mang py, paleung len naira ly atlym naira mang py, pahawi nai ne.

LEU KACHENG 16:19

Paleung apanem nai hawi kamawn lawm nai ly paleung len nai khumichi hawi amkawm iy, lawmra i vawnsai phy nga nai khumi leaungrei tleaung y hawi keh.

LEU KACHENG 17:19

Kamngo ai khrei nai khumi ly ka-jo ka-thui ngai nai ne. Avawrei leu ali len nai khumi ly patang naira hau nai khumi ne.

LEU KACHENG 18:12

Paleung apanem nai khumi naini, khumi takhrachi my tahm khai. Paleung len nai khumichi ly phra nai mang y amhi u nai ne.

LEU KACHENG 22:4

Areng ai jei kaji iy paleung apanem reng nai khumi ly nang chawn ai; tahm awm iy heng sau ai.

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

ISAIA 66:2

Kai ly khusang deaungdu verei sa nai ne. Paleung apanem iy uikheih naichi hawi, kai ai jei hyn naimy kai i leu tangai nai khumichi ai kai ly khrei nai ne.

OBADIA 1:3

Nang i paleung len nai ly nangmy ai ang tapawp bo. Nang i mary pui ly lengseaung hawi sa nai khaw parai nai mary ne i, nang i awm naira ly asang parai nai mawi salo y ne nai deaungkho y, ‘kai ai ami my atheu kathiu pajau ai mo?’ nanai nangmy tlairei katheu reng nai ne.

MATTHAI 18:4

Hunaibaly ami py hini deaungdichy kamta tahm apanem nai ngierei ly huni kypkyp ly kani pri y len keh nai ne.

MATTHAI 23:12

Ami py tahm apasang nai ngierei ai ly tahm panem ai; ami py tahm apanem nai ngierei ai ly tahm pasang ai.

MATTHAI 5:3

“Paleung apanem naichi ly taham hawi: kani pri ly mymychi i ne.

LUKA 14:11

Ami py tahm apasang nai ngierei ai ly tahm panem ai; tahm apanem nai ai ly tahm pasang ai,” napi.

LUKA 18:14

Kang thui pi, huni khumi tleaung y ly hini khumi ly eaung naimy yhm y vawi kathiu bo. Tahm apasang nai ngierei ai ly tahm panem ai, na i py tahm apanem nai ai ly tahm pasang ai,” napi.

AMTAW 12:23

Naibaly mymy ly Tameuh teng y palo naira pei y nai deaungkho y, Areng i kani pri i amtaw thau nai my ly tlenrei khyh my ni ai no hai iy kaleung my cha i dei bo.

Leu Thui Nai 8:16

Daichi ka-vym theung y nangchi i amsi pajochi cho vai y nai Manna tako ang pacho bo. Mymy ly kangkhym y nangchi amtheaungra nga u ai nai molam y, nangchi ai ngari kamtang avum hai bo. Huna nai ngari kamtang avum hai nai ly nangchi ai cham nai ne.

I PETERA 5:5

Hunai kamta ly nangchi cheangthli nangchi awi, miteaung kehchi teng y aau u. Ne, nangchi bawibawi ly asabawm u leungtang ai nai leu anui naira amthyp u; Tameuh my am-e naichi ai ly paka iy, tahm apanem naichi ai ly pahenra nga hai lawh reng.