LEU KACHENG 29:2 - Khumi Common Language Bible

² Samrang kahawi my peang nai thym khala ly mipuichi ly amo theu u bo. Samrang hawi y naimy peang nai khala ly mipuichi paleung bi u nai ne.

LEU KACHENG 29:2 ပူးပေါင်းရင်းမြစ်များ

ESTHER 3:15

Samrang i leu pei nai kamta Susa mary pui theung y hini cha patheu iy ahei hai bo. Naibaly cha tha nai khumichi ly thai hai nai cha ai, khu ka-peangchi ra y syn u bo. Naibaly Susa mary pui theung y khrukhra nai thym khala, samrang hawi Haman nini ly ateh iy kreip hang nei hawi nai ne.

ESTHER 8:15

Naibaly Modekai ly samrang i ateaungchi, napi nai ateaung kangleung hawi kamngau py, kanih kamsenjeaung py amthyp naimy tahm awm parai nai muku areng lukhym amym iy, samrang yhm i dengdairei theu bo. Huna nai khala y Susa mary verei ly palo nai raawi hawi, amo theu aeu nai raawichi hawimy amsau taw na.

JOBA 34:30

Khumi cheng bawibawichi ly samrang hawi y naichi my peang naira i nai, law tleaung ai nai ati sai py, so u thai y leang.

LEU KACHENG 11:10

Neaung hawi nai khumichi nang chawn nai khala, mary i khumichi ly amo theu u. Khumi hawi y naichi dei nai khala ly amo theu achaw u lengleang nai ne.

LEU KACHENG 28:12

Khumi kahawichi sa thai naira nga nai khala, khumi bawibawichi ly amo theu nai pawi sa u. Na i py khumi hawi y naichi my peang nai khala, khumichi ly aheu pi pawn nai ne.

LEU KACHENG 28:15

Khumi kamawnchi ly hawi y nai samrang peang nai khala ly kajeaung kamang naira avum ai. Hawi y nai samrang ly hang hai nai khrangsi, ti y baly teicha tlai ai nai amki ryry nai tavym kamta, jei ai hawi parai nai ne.

LEU KACHENG 28:28

Khumi hawi y naichi sa thai naira nga nai khala, mipuichi ly aheu u reng nai ne. Na i py huni khumichi sa thai naira by y vui nai khala ly khumi kahawichi my peang u ali teang ai.

Parip nai leu 10:5

Hini khaileaung pri y peang nai keungchi i kateng so y nai saichi kai ly niu.

Parip nai leu 10:6

Cheng naira by y nai khumichi ly sa thai naira kalen nga u iy, khumi kanangchi ly tahm khai y naira avum u nai ne.

Parip nai leu 4:1

Naibaly kai ly hini khaileaung pri i adyh adawi y nai sai kakhen lawh bo. Ana patang naira avum nai khumichi ly vo u; nichi ai sabawm ai nai khumi leaungrei py by y. Ati mana nai mo nabaly nichi ai ana nai khumichi ly sa thai naira awm nai deaungkho y ne.

MATTHAI 2:16

Hunaibaly Heroda ly khumi kechengchi my ni ai tapawp nai pany baly khrikhri pa-rei kado theu, naibaly khumi kachengchi teng y deng nai neng pany khyp nai kamta khumichi ai pato i, Bethlehem avang hawi huni tengtang bawibawi i saneng nyhrei akui neampacho deaungdi kangpen chauchau padei bo.

MATTHAI 2:3

Naibaly samrang Heroda hawi Jerusalem avang i khumi bawibawichi py huna nai thai baly paleung bi u bo.

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.