LEU KACHENG 29:18 - Khumi Common Language Bible

¹⁸ Tameuh i lam patei nai ai tangai y baly, huni pri ly phra seaungkhrang reng nai ne. Tameuh i leu pei nai ai atyp nai khumi ly khri pa-rei taham hawi na a!

LEU KACHENG 29:18 ပူးပေါင်းရင်းမြစ်များ

2 NENG SATANG 28:19

Juda samrang Ahazi ly khumichi i nga sang naichi sum hai iy, Areng i tlang tleaung y ka-ym by y nai deaungkho y, Areng ly Juda pri ai patangra tym hai bo.

SAM 106:3

Ka-dyh ka-dawi sa iy kateng sa jojo nai khumichi ly taham hawi u nai ne.

SAM 119:1

Areng i Reita leu ai sa patawm iy, kamngo by y pa-rei heng nai khumi ly taham hawi.

SAM 119:2

Mymy i thui parip naichi ai sa patawm iy, leu pei naichi ai paleung hawi verei tangai nai khumichi ly taham hawi.

SAM 19:11

Mymy i miseaung kai teng y huni tara chih nai saichi my pany thai ai nai pei. Kai ly hunichi ai tangai nai ne i, hawi nairachi kanga bo.

SAM 74:9

Kaichi i reita leaungsai ka-ma-ra bawibawichi py by y bo; amochi py by y pawn bo; huna nai tym nai ly mana tanrei kra ai mo, nanai ami py pany khyp pajau y.

THEU NAI 32:25

Israela chengchi ly tengpang sahawi i paleung ka-echi my cheh ai naira lawm i, Aron my atho sa hai nai molam y, pakym paka lei y na pa-rei lang lengleang, nanai Mosi ly niu nai ne.

LEU KACHENG 19:16

Tameuh i leu pei naichi tangai nai khumi ly heng sau ai. Hunichi ai dawndan y nai khumi ly deung dawi ai.

LEU KACHENG 29:19

Nang ly nangmy i miseaung ai leu hawi parip khyh nai ly ngo pajau y leang. Ni ly nang i leu ai pany thai teu i py, tahm ang khai pi ai ny y.

LEU KACHENG 8:32

“Hunai deaungkho y deaungdichi awi, kai i leu tangai u. Nangchi ly kaimy kang thui pi nai kamta, sa u baly taham hawi ai.

HOSEA 4:6

Kai i khumichi ly kai ai pany u y nai deaungkho y, pajeng naira avum u ai. Nangchi pathyp pi nai keungchi ly kai ai pany y i, kai i thui pi nai leu ai py tangai u y nai deaungkho y, kai ly nangchi ai kang khai su bo. Nangchi i chapochi ai py, pathyp pi nai keungchi ne, nanai kang palawn pi ai ny y.

MATTHAI 9:36

Na i py mymy ly khumi mipuichi ai niu iy typ nai keung by y nai beramchi kamta patang nai hawi ahei nai deaungkho y khrikhri pa-rei pahen bo.

LUKA 11:28

Na i py ni my ly, “Ne, na i py Tameuh i leu thai iy patawm naichi ly taham hawi keh,” napi.

JOHAN 13:17

Nangchi ly huni atitichi pany iy sa baly taham hawi ai.

JAKOB 1:25

Na i py ami py angym nai reita, miseaung alaw nai reita y khen nai awm jo baly, thai nai ly tami ryp y nai, patawm iy sa jo nai keung lawn nai ly, huni khumi ai ly ni i atiti sa naira y amtheaung hai ai.

AMTENG HAI NAI 22:14

Heng naira dengkeaung y tym ai nai nga thai ai nai hawi, apai katheu mang avang pui y kun thai ai nai py nichi i kanih pasiu naichi ly taham hawi.

1 SAMUELA 3:1

Deaungdi Samuela ly Eli i pacheang nai anui y Areng i kalop sa naimy awm; huni neng khala ly Areng teng i amo leu thai nai py di parai, amteng hai naichi py khri pa-rei di parai nai ne.