LEU KACHENG 29:1 - Khumi Common Language Bible

¹ Thui parip nai avaw avawrei avum i py, paleung kyhchaw asai nai khumi ly kanirei nai khala atlym ai i, ang thau ali teang pajau ai ny y.

LEU KACHENG 29:1 ပူးပေါင်းရင်းမြစ်များ

1 ARENG KEH 17:1

Kilead pri Tishbe mary y awm nai amo Elija ly samrang Ahad teng y, “Kani nai ai, nanai kaimy kang thui pi ali y ryrei ly mo mang saneng nyh, saneng thomrei sala y kani khang ai. Kadam py tla ai ny y, nanai kai i chiu nai Tameuh kangheng Areng i amyn y kang thui pi,” napi.

1 ARENG KEH 18:18

Elija my, “Patang hai nai keung ly kai ny y, patang hai nai keungchi ly nang hawi nangmy i ampo naini ne. Nang ly Areng i leu pei naichi tangai y naimy, bala i mynchi ai chiu bo.

1 ARENG KEH 20:42

Amo my py, “Areng my, ‘paleung ka-e ai tleh ai nai kaimy leu kang pei i py, ni ai patleaung veng nai molam, ni i jeng y nang i tlang heung ai nai tla ai; nang i tavaimi kamkawm my py, huni paleung ka-e i tavaimi kamkawm ai tleaung hai vui nai deaungkho y, nangchi ly taphra naira avum ai,’ nanai ang thui pi bo,” napi.

1 ARENG KEH 22:28

Mikha ly aeu naimy, “Nang chymme naimy tym teang lawh ai nabaly, kai i thui nai leuchi ly Areng i leu pei naichi ny y leang bo! Aw, mipuichi awi, kai i thui nai leu tangai u! " napi.

2 NENG SATANG 25:16

Huna nai khala y Amazia my, “Kaimy nang ai mana khala samrang ai tau pei nai keung y kang khai mo? Nang ly awm pypy, ti y baly kang padei vui ai!” napi. Amo my ly “Nang ly hini atitichi sa iy kai i tau pei nai dawndan y lawh baly, Tameuh my nang ai padei ai nai dawn yb nai vai ly kai pany bo,” nanai thui chum baly sai py katheu y naimy awm pypy bo.

2 NENG SATANG 33:10

Areng my Manase hawi khumi mipuichi ai pany hai pi teu i py, nichi ly tangai u y.

2 NENG SATANG 36:13

Zedekiah ly samrang Nebukhadnezar ai tiu. Nebukhadnezar ly mymy tlang tleaung y ka-ym awm ai nai, ni ai athorei my Tameuh i amyn y, vaineng abeu hai bo. Zedekiah ly paleung tang i uikheih y. Israela chengchi i Areng Tameuh teng y ali teang y naimy awm bo.

NEHEMIA 9:29

Nang ly nangmy i parip nai leu nichi tangai ai nai pany hai bo; Reita leu pei nai patawm nai ly mymychi tlang hengra lam ne i py, nichi ly amlyh am-e naimy nang i leuchi khai u su nai ne. Nichi ly khri pa-rei paleung tang nai y, nang i leu tangai y naimy awm u.

JOBA 9:4

Tameuh i cheng naira hawi sa thai naira ly len parai nai deaungkho y, ami py mymy ai tiu pajau ai ny y.

THEU NAI 9:7

Samrang ly Israela chengchi teng y khumi pato i, tawnbawi harei py dei y, nanai pany bo. Na i py samrang ly paleung tang rara i, Israela chengchi ai chei ai nai pei y bi nai ne.

LEU KACHENG 28:14

Areng i leu tangai nai khumi ly amo theu ai. Paleung kyhchaw nai khumi ly patang naira avum ai.

LEU KACHENG 28:18

Kahawi sa reng nai khumi ly ka-jeira avum y ai. Ka-kawi paleung awm nai khumi ly vaimy atlym ai.

LEU KACHENG 28:28

Khumi hawi y naichi sa thai naira nga nai khala, mipuichi ly aheu u reng nai ne. Na i py huni khumichi sa thai naira by y vui nai khala ly khumi kahawichi my peang u ali teang ai.

LEU KACHENG 6:15

Hunai deaungkho y khri pa-rei ka-jeira ly pany pacha y naimy tym i, nichi ly phra u ai.

ISAIA 28:22

Ati cheaungkhang sa thai nai keung Areng ly pri verei taphra pawn ai nai leu pacheang chum veng bo, nanai kathai. Nangchi ai kaimy kang pany hai nai ly panui hai u moh. Panui hai u lawh baly nangchi ly dei ai naira i, law tleaung ai nai khri pa-rei rai u ai.

ISAIA 48:4

Nangchi ly tamo kamta tang naimy kheupaja kamta khri pa-rei tang iy, paleung tang u ai, nanai kapany.

JEREMIA 14:19

Aw Areng, nang ly Juda pri ai khai su angchi khyp nai bo a? Kaichi i no-na hawi sa ai nai ngo y na pa-rei nang ly ati mana nai y kaichi ai khri pa-rei tamo kalem nga hai lawh mo? Kaichi ly amo theu naira kadeaung u teu i py, atyhtyh teu bo. No-na hawi ai nai athang khai u teu i py, jei hynra naini avum u nai ne.

JEREMIA 17:23

Nichi i amsi pajochi ly kai i leu tangai u y. Nichi ly paleung tang naimy kai i leu ngai u y. Kai i parip nai py ngai u y.

JEREMIA 36:31

Nangchi i sa tamang nai kamngochi deaungkho y, kai ly nang hawi nang i katu chanauchi ai, nang i bangtangchi hawi vanrei kapajeng ai. Nang hawi Jerusalem mary i khumichi, Juda khumichi ly kaimy pany hai naichi ai tahm khai u y. Hunai deaungkho y kai ly kaimy kang pajei, kang pahyn nai ka-jeira ai nangchi i tlang tleaung y kang tym hai ai, nanai leu pei nai amti pi,” napi.

HABAKKUK 2:7

Ka-vo ka-leang malawn py pany y naimy, amichi ai tiu iy eaung nai nangchi ly kalai awm i, athorei my katy pe hai ai nai avum ai. Paleung ka-echi ly jeu iy nangchi ai kaso tahyn theu hai ai. Nangchi ai tiu iy lawm u ai.

JOHAN 13:18

Kai ly nangchi bawibawi i satang thui nai ny y leang; kai i vawi naichi ai ly kaimy pany, na i py ‘Kai hawi biu cha nai khumi my ni i kheu patui y tapi vui bo,’ nanai Tameuh i cha-iu leu tym hai ai nai.

JOHAN 13:26

Naibaly Isu my, “Kaimy tako sei padeung pi iy pei nai keung ne ai,” nanai pathang. Hunaibaly tako sei iy padeung nai bo y la i, Iskariota Simon i chapo Juda teng y pei.

AMTAW 1:18

(Huni khumi ly my i kamngo vang y meingtym harei van; naibaly tla amkhiuh iy sala y apeu phiu ryp i tavi theu bebe.

AMTAW 1:25

hini krykeung kalop hawi amtaw thau nai kalop i jeng y awm ai nai, hinini khumi leaung nyhrei ai nangmy mani ai vawi mo, nanai kaichi ai pany hai kyh ba,” napi.

I THESALONIKA 5:3

Khumichi ly, “Awm nem naira hawi chymme naira awm bo,” na naichi i thui nai thym khyp khala y ly, neampachy i chanau tapen ai nai no nai kamta ly tlenrei khyh my tama ai naira ly nichi i tlang tleaung y tym ai i, tleaung ai naira pipi ngo y ai.

1 SAMUELA 2:25

Khumi tengtawi tamang naichi ai Areng my ama hai pajau teu i py, Areng i tlang tleaung y tamang nai khumi ai ly ami my ama hai pajau ai mo?,’ nanai parip bo. Na i py nini ly ampo i parip nai leu tangai hawi y; ati mana nai monabaly Areng my nini ai padei ai dawn yb nai deaungkho y ne.

1 SAMUELA 2:34

Nang i chapo leaung nyhrei Hopheni hawi Phineha nini ly kanirei my dei hawi mei nai khala, kai i thui pi nai ngiereichi ly teng khyp nai nang pany ai mang.