LEU KACHENG 28:8 - Khumi Common Language Bible

⁸ Tangka katy khri pa-rei cha iy, khumichi i tlang tleaung y kho sa naimy nang nai khumi i yhmtheaung katuichi ly khumi kamawnchi ai pahen pi reng nai khumi i kiu y tym vui ai.

LEU KACHENG 28:8 ပူးပေါင်းရင်းမြစ်များ

2 SAMUELA 12:6

Ni ly hina nai pahyp y naimy ana nai molam y, ni i la vui nai beramcho harei i jeng y phy palyhrei heung teang sy,” napi.

SAM 72:13

Patang palai nai khumichi ai tamen iy, nichi i tlang ai atleu bo.

THEU NAI 22:25

“Nangchi ly kai i khumichi theung i mawn keh nai khumichi ai tangka alai ai nai pei baly, tangka paseng nai keung kamta ly ty cho moh.

LEU KACHENG 13:22

Khumi kahawi ly my i katu chanauchi i vui y yhmtheaung khai pi pajau ai; na i py kamngo sa nai khumichi i yhmtheaung katuichi ly khumi kahawichi i kiu y tym vui ai.

LEU KACHENG 14:21

Khumi kamawnchi ai pahen reng nai khumi ly taham hawi; ami ai mei aniu y nai ly kamngo ne.

LEU KACHENG 14:31

Khumi kamawnchi ai ana nai khumi ly nichi ai sa nai keung Tameuh ai mei aniu y nai ne; na i py khumi kamawnchi ai pahen reng nai khumi ly Tameuh ai chiu nai ne.

LEU KACHENG 19:7

Khumi kamawn i amjo amnauchi molam py, ni hawi amkawm ai nai ngai u y; huna nai y ni teng y ahawi ka-dawi by y nai ly lyh ai nai by y. Ni ly khri pa-rei atho sa iy, ahawi kamrawi asa teu i py, ahawi leaungrei py ngo y.

Parip nai leu 2:26

Tameuh ly cheng naira, pany thai naira hawi amo theu naira ly mymy khrei nai khumi ai pei nai ne. Na i py mymy ly kamngo sa nai khumichi ai patang parai naimy kalopchi sa hai iy, nichi i nga nai yhmtheaung katuichi ly mymy ai kawn hai nai khumichi teng y pei. Huni bawibawichi py atyhtyh teu, ali ai patiu nai kamta ne.

Ezekiela 18:13

Ni ly kamran nga ai nai tangka paseng; huna nai khumi ly heng pajau na a? Heng pajau y leang. Ni ly huna nai amso ngai hawi naichi sa nai deaungkho y, ni ly dei ngaw ai. Ni i dei nai ly my i kamngolai ne.

Ezekiela 18:17

Ni ly hawi y naichi amkyn iy kamran nga ai nai tangka py paseng y. Kai i Reitachi sa patawm iy kai i leu pei naichi py tangai. Ni ly ampo i kamngo molam y dei ai ny y, ni ly heng takengkei ai.

Ezekiela 18:8

Ni ly kamran nga ai nai tangka paseng y. Hawi y naichi ai amkyn iy ka-jo ka-thuira y py kahawi padyh padawi pi.

Levi 25:36

Huni khumi ai tangka alai ai nai pei lawh baly, katy cho moh. Tameuh ai jei iy ni ai nang i saleaung khumi palawn ai nai tla.