LEU KACHENG 27:6 - Khumi Common Language Bible

⁶ Ahawi ka-dawi my, amy ai no-ei pa-rei ang thui nai ly paleung kahawi hawi ang thui nai teu. Na i py paleung ka-e my ang takawi nai khala ly paleung khai takhra ba.

LEU KACHENG 27:6 ပူးပေါင်းရင်းမြစ်များ

SAM 141:5

Khumi kahawi ly kai ai pahen parai naimy pajeng nai hawi parip nai leu thui ai; na i py khumi hawi y naichi i tahm pasang nai ly kai ngai y leang; ati mana nai mo nabaly huni khumichi i kamngo sa nai molam y, kai ly avawrei chiu sa naimy awm nai deaungkho y ne.

LEU KACHENG 10:18

Amy i niu ngai y nai paleung apha vui nai khumi ly ka-chawi thui nai khumi ne. Thui preaung reng nai khumi ly khumi ka-khum ne.

LEU KACHENG 20:30

Achi ly paleung no-ei pa-rei avum khala naini, achi i awm nai sai amtlau ali reng nai ne.

LEU KACHENG 27:7

Kajeu kawi nai khumi i vui ly khawi hang malawn py labeaung palai amlyn y. Na i py kajeu alam nai khumi i labeaung palai ly kho nai teicha teinei malawn py tuirym nai ne.

LEU KACHENG 28:23

Thui parip reng nai khumi ly kanirei nai khala, palo hawp nai leu thui reng nai khumi tleaung y, kawn nai leu thui nai avum ai.

HEBRAI 12:10

Nichi ly avo, nanai dawn nai kamta kani kra y nai sala chy y achi ai ang parip mang ly ang parip; na i py achi ly mymy i chai naira phy nga thai ai nai, ni my ly achi hawi ai nai ang parip nai ne.

AMTENG HAI NAI 3:19

Kai i tamen nai ngiereichi ai ly parip py kang parip, chip py kang chip: hunai deaungkho y atho sa jojo iy, uikhei ly.