LEU KACHENG 27:20 - Khumi Common Language Bible

²⁰ Tavau saleaung y ly mana khala py, khumi kadei kawi vai y nai kamta, khumi i ngai naichi py, mana khala py angym bo, nanai by y.

LEU KACHENG 27:20 ပူးပေါင်းရင်းမြစ်များ

JOBA 26:6

Tavau pri ly Tameuh i mo y tleangkhym by y; daihaulau naimy awm.

LEU KACHENG 15:11

Tavau pri y tym nai leaungsaichi malawn py, Areng i mo y tamym pajau y baly, khumichi ly mychi i paleung ka-dawnchi ai, Tameuh teng i dengdairei mana heu vui thai ai mo?

LEU KACHENG 23:5

Nang i paisa tangkachi ly pakhi sai iy, ahm i angkheang nai kamta, mei amsynrei sala y tama pajau nai ne.

LEU KACHENG 27:19

Khumi ly tui theung y amy i meimai niu nai kamta, amy i paleung theung y py, amymy ai niu teang nai ne.

Parip nai leu 1:8

Ati cheaungkhang ly thui pachai ai nai ngo y na pa-rei paleih ai hawi na bo. Achi i mei hawi khen nai ly kheih pajau y, achi i kanochi py thai nai paleung tui bym pajau y.

Parip nai leu 4:8

Khumi ami mo leaungrei ly mymy tlairei awm; ni ly chapo py by y, amjo amnau py by y; na i py ni ly kalop sa jojo. Mymy teng y awm nai yhmtheaung katuichi hawi mana khala py paleung anyp vai y. Ni ly huna tanrei atho sa iy amo theu naira y py paleung apei y naimy awm nai ly ami i vui mo? Hini py atyhtyh teu, paleung phra ai hawi nai heng nai sai py ne.

Parip nai leu 6:7

Khumichi ly kajeu ka-rei i vui kalop sa u teu i py, mana khala py kajeu kawi pajau y.

ISAIA 5:14

Tavau pri ly nichi ai pajawn ai ngai nai deaungkho y, my i labeaung ly ang pachaka na bo. Jerusalem mary i bangtangchi ai py, khru nganglang naimy kadosum nai khumi kanghu puichi hawi raurei, pajawn vui nai ne.

JEREMIA 22:17

Na i py nang ly amy i vui dawn khyh nai paleung hawi, amy hawi ai naira naini paleung apei khyh nai ne. Kamngo by y nai khumichi ai padei iy, amy i chengchi ai khrikhri pa-rei ana, nanai Areng my thui bo,” napi.

HABAKKUK 2:5

Nang chawn nai ly li-tapawp reng; ngai phi ala naichi ly paleung len amlyh iy, paleung khaw y. Nichi ly dei areng kamta, mana khala py paleung anyp vai y. Hunai deaungkho y nichi ly pri harei bo baly pri harei ai tiu iy peang vui reng nai ne.

HAKAI 1:9

“Nangchi ly amti amjang neangneang pakym achu ai nai nga u ai, nanai athang khai i py, maidenreichy naini nga u khyh nai ne. Yhm y syn u nai khala py, kai ly hunichi ai kang hm pi pan vui bo. Ati mana nai y kai ly hina nai sa mo na baly, nangchi bawibawi ly nangmychi i yhmchi sa nai hawimy, kalop nawi ala iy, kai i Achura yhm ai ly phra seaungkhrang naimy awm hai jo nai deaungkho y ne.

I JOHAN 2:16

Khaileaung pri y awm nai bawibawi ly tlang i ngai phi teng y naira hawi, mei i ngai phi teng y naira hawi, heng nai sala i tahm apasang naira py Ampo teng i nai theu nai ny y leang, khaileaung pri i nai theu nai teu.