LEU KACHENG 25:6 - Khumi Common Language Bible

⁶ Nang ly samrang i mo y angdo nai khala, amymy ai amlyh am-e moh; aly len nai khumi amlawn moh.

LEU KACHENG 25:6 ပူးပေါင်းရင်းမြစ်များ

SAM 131:1

Aw Areng, kai ly paleung len amlyh nai ai khai su bo; tahm apasang nai py khai su nai ne. Kai ly khri pa-rei kalop kalenchira py, pany ai nai rai parai nai leaungsaichira py, paleung apei y leang bo.

THEU NAI 3:11

Na i py Mosi ly Tameuh teng y, “Kai ly vang y nai khumi ne. Aikupta pri samrang teng y chei iy Israela chengchi ai mana kapatheu thai ai mo?” napi.

LEU KACHENG 16:19

Paleung apanem nai hawi kamawn lawm nai ly paleung len nai khumichi hawi amkawm iy, lawmra i vawnsai phy nga nai khumi leaungrei tleaung y hawi keh.

LEU KACHENG 25:27

Khri pa-rei palo naira nga ai nai atho sa nai khumi ly khawi hang ai nei cha ala nai kamta, hawi y parai nai ne.

LEU KACHENG 25:5

Hawi y nai tau pei nai khumi ai ly samrang teng i dengdairei patheu vui; hunaibaly samrang ly mipui i kangai peang ai.

LEU KACHENG 25:7

Amy tleaung y tahm asang nai khumi leaungrei ai, meingtym aheng pi ai nai leu ang pei nai tleaung y ly tahm asang keh nai meingtym y ateh ai nai leu ang pei nai ly hawi keh nai ne.

LEU KACHENG 27:2

Nang ly amymy ai apalo moh. Khumi takhra my, ti y baly apany vai y nai khumi my naini nang ai palo na sy.

LUKA 14:10

Hunai deaungkho y ang heang nai khala ly atehra hawi y kehkeh naira y phai ateh; hunaibaly nang ai heang nai keung my jeu iy nang teng y, ‘Nai awi, tahm asang kyh naira asyh ba,’ napi iy, nang i biu o hai naichi i mei ka-niu y my nang ai ang palo ai.

LUKA 14:8

“Aju palyn nai pawi y biu cha ai nai ami my mo ang heang nai khala y ly atehra kahawi keh y ateh u moh: ti y baly nang tleaung y khumi len keh nai ai heang vui ai i, nang ai ang heang nai keung my ly, ‘Hini atehra ly aheang pi,’ ang napi lawh ai;

1 SAMUELA 15:17

Samuela my, “Nang ly nangmy ai ati sai py ny y nai khumi, nanai apalawn i py, nang ly Israela chengchi ai lu sa nai keung lawm bo. Areng ly nang ai Israela chengchi i samrang lawm ai nai asitui ang lei pi bo.