3 Samrang i paleung ly mana khala py, achi pany pajau y leang. Ni i dawn nai saichi ly kani i asang nai kamta, suida pangli i thiu parai nai kamta, achi pho pajau y leang.
Tameuh i sa naichi ly thiu parai nai deaungkho y, mymy i nang parai nai ai kaichi palo u nai ne. Samrangchi ly huni thiu parai nairachi ai thui pachai ai nai deaungkho y, nichi ai kaichi my tahm pasang u nai ne.
“Rengrang ka-ma-ra harei patei pi ai nai nang i Areng Tameuh teng y hnei ba. Huni rengrang ka-ma-ra ly tavau pri i dengdairei py, kani pri mang i dengdairei py ne lym ai,” nanai thui hai bo.
atiti awm ai naichi, atiti sa thai nairachi, asang nairachi, thiu nairachi, atiti sa nai takhra lyh lyhchi my py achi i Areng Krista Isu y awm nai Tameuh i tamen naira hawi achi ai taprei thai y leang, nanai kai pany khypkhyp.
Isu Krista amteng nai khala y ly palo naira hawi, nang parai naira hawi, tahm asang naira py lawn thai ai nai, kra y nai sala y parawi naira cheaungkhang deaungkho y nangchi ly paleung mawn u rai.