LEU KACHENG 24:7 - Khumi Common Language Bible

⁷ Khumi kachengchi i katheu nai leuchi ly khumi hawi y naichi pany thai y leang. Nichi ly aly len nai leaungsaichi arum nai khala, labeaung pakhym u reng nai ne.

LEU KACHENG 24:7 ပူးပေါင်းရင်းမြစ်များ

JOBA 31:21

Kai ly tara jeng y eaung ai, nanai pany iy, nurocho leaungrei ai li-tapawp lawh teu baly,

JOBA 5:4

Nichi i cho chanauchi ly mana khala py, tlamsa naira ngo pajau y. Tara jeng y nichi mang y asa hai nai khumi awm ai ny y.

SAM 10:5

Khumi aso y naichi ly sa naira tleirei y eaung nai deaungkho y, Tameuh i tara chih naichi ai pany thai y leang. Paleung ka-echi ai py panui hai reng nai ne.

SAM 127:5

Hunai kamta thailiho chyn neangneang awm nai khumi ly taham hawi; ni ly paleung ka-echi hawi tara chih nai jeung y avum nai khala sum y ai.

LEU KACHENG 14:6

Paleung asang nai khumichi ly mana khala py, khumi kacheng lawm pajau y; na i py tau cheng nai khumichi ly rai y naimy amtiu thai nai ne.

LEU KACHENG 15:24

Khumi kachengchi ly salo mang y chei nai, hengra lam y tako u reng; khaileaung anui tavau pri lam y ly tako u vai y leang.

LEU KACHENG 17:16

Khumi ka-khum ly cheng naira by y nai deaungkho y, pasa tangka hawi cheng naira hau thai y leang.

LEU KACHENG 17:24

Tau cheng naira awm nai khumi ly cheng naira ai mo patheung reng; na i py khumi ka-khum i mei ly meingtym tleirei y khen aki prei reng nai ne.

LEU KACHENG 17:7

Tahm awm nai khumichi ly ka-chawi leu thui vai y. Khumi ka-khumchi ly leu kahawi katheu vai y leang.

LEU KACHENG 22:22

Khumi kamawn i kamawn nai molam y, ni i vawnsai lawm moh. Tara jeung y jeaungmang nai khumi ai ano moh.

LEU KACHENG 28:5

Khumi hawi y naichi ly adyh adawi naira i, awm nai sai pany u y. Na i py Areng ai chiu nai khumichi ly huni ai pany thai nai ne.

LEU KACHENG 31:23

Ni i juvo ly mary ai lu sa nai keung leaungrei ne i, amyn amthang nai khumi ne.

ISAIA 29:21

Tameuh ly ami ai kangji pei naichi, reita taphra nai khumi ai pajeng naira avum y pa-rei sa vui naichi hawi, khumi kahawichi my ka-dyh ka-dawi tara chih nai lei amcheang y ai nai, ka-chawi naimy pany hai nai khumichi ai tamyh ai.

ISAIA 32:6

Khumi ka-khum ly ka-khum leu katheu iy, hawi y nai atitichi sa ai nai dawn pasym reng. Ni i sa nai kalop hawi ni i katheu nai leuchi ly Areng ai khumi aniu y nai sa nai ne. Ni ly kajeu alam naichi ai mana khala py pacho y; tui ahai naichi ai mana khala py tui panei y.

AMOS 5:10

Tara jeungchira y teng y nai ai thui tamawn iy, leu meitang katheu nai khumichi ai naini, nangchi ly niu ngai u y lawh.

AMOS 5:12

Nangchi ly mana tanrei kamngo sa tamang iy, nangchi i kamngo ly mana tanrei jei ai hawi na mo, nanai kai pany. Nangchi ly khumi kahawichi ai ana iy, un tangka cha u. Khumi kamawnchi ai kateng chih y naimy, nichi ai tara jeung i dengdairei patheu u nai ne.

AMOS 5:15

Hawi y nai ai niu ngai moh ly hawi naira ai ly paleung apei ba. Tara jeungchira y leu meitang awm ai nai akry u. Kani pri tavailuchi i Areng ly hini khumichi theung i heng rai nai khumi phyreichi ai, pahen tan pahen lym ai.

I KORINTH 2:14

Tlang mang y asa nai khumi ly Tameuh i phailo mang i atitichi ai ly kawn y leang; ni i vui ly pathu naira ne; hunichi ai Phailo mang y dawn pasym nai ne nai deaungkho y mymy ly pipi pany pajau y.