LEU KACHENG 24:31 - Khumi Common Language Bible

³¹ Hunichira y achachi prau mang iy kabeng alengchi prau mang nai py niu; huni akho bai hawi, li kamki lengseaung apaichi ly anawi seaungkhrang na veng bo.

LEU KACHENG 24:31 ပူးပေါင်းရင်းမြစ်များ

JOBA 30:7

Lymlo kangphochi awm naira y, daichi mawichi kamta hang i, lymlo kangphochi anui y ake chi-u naimy awm u bo.

JOBA 31:40

kai i li y choh hawi chajai keungchi i jeng y, acha keungchi hawi aleng keungchi prau hai sy. Joba i thui nai leuchi ly hinira y tem bo.

LEU KACHENG 13:4

Khumi napjang ly ngai nai sai ho-na teu i py, my i ngai nai ly mana khala py, nga pajau ai ny y; angjeng atyp nai khumi ly mymy i aly ngai nai ngierei nga angym ai.

LEU KACHENG 19:23

Areng ai jei kaji nai khumi ly heng sau ai. Amtheaung nai ryrei awm thai ai i, patang naira avum ai ny y.

LEU KACHENG 20:4

Amy i li thawn ai nai neng tym iy, pjang nai y thawn y naimy awm nai lisama ly choh tyn ai nai neng khala, tyn ai nai choh awm ai ny y.

LEU KACHENG 22:13

Khumi napjang ly yhm angtheung y aeung reng. Ni ly yhm angam mang y theu baly khrangsi my kei ai, nanai thui nai ne.

LEU KACHENG 23:21

Mhm-rah nei ala nai khumichi hawi cha ha ala nai khumichi ly kamawn kateu lawm u ai. Nang ly cha nai hawi, i nai hawi awm khyh lawh teu baly, kra y nai sala y kanih kamawnchi akhiu naimy awm ai.

LEU KACHENG 24:32

Kai ly hunichi ai khen patawm nai khala, amtiu naira kanga nai ne.

Parip nai leu 10:18

Khumi leaungrei ly pjang ala nai molam y mymy i yhm amphu palum y naimy awm lawh baly, huni yhm ly kani leaung ai i, anawi jawn ai.

ISAIA 5:5

“Kai ly huni kreip akhobai ai hina nai kasa ai. Huni akhobai apai taphra vui iy, lengseaung apai py panawi vui ai. Daichi mawichi tlai hai iy chiu hai piupa ai.

ISAIA 5:6

Kai ly huni akhobaira y acha keungchi beng hai kha ai. Kreip changpichi tangam pi y iy, khaileaung py taipi pui ai ny y. Aleng keungchi neangneang prau hai ai. Huni akhobaira y kani nai hai y ai nai, khupanymchi ai kaimy paka vui ai,” nanai thui bo.

JEREMIA 4:3

Areng my Juda mipui hawi Jerusalem mary i khumichi teng y, “Thawn vai y rai nai nangchi i li ly thawn u. Nangchi i choh tichi ai kabeng alengchi theung y hei u moh.

MATTHAI 13:22

Naibaly kabeng aleng theung y hei nai ly hini ne he: mymy ly leu thai bo, na i py khaileaung pri y heng nai khala y dawn nai sai hawi nang naira my tapawp nai saichi my ly leu ai ly achih hai i, athai y bo.

MATTHAI 13:7

Naibaly phyrei ly kabeng aleng theung y tla i, kabeng aleng ly len ryh len ryh i vawi pajeang veng.

HEBRAI 6:8

na i py kabeng aleng awm nai hawi preaung deaungchi patheu baly tapeang i, amsawi lawi naira nga vi iy, kangkhym y ly mai leng ai nai tla lawh veng.