LEU KACHENG 24:12 - Khumi Common Language Bible

¹² Hini kalop ly kai hawi ati sai py abi y leang, nanai nang thui ai. Na i py Tameuh ly nang i paleung ai pany i ang chih ai. Mymy ly nang ai ang kry nai deaungkho y, nang i paleung ai pany. Hunaibaly mymy ly nang i kabo kaja hawi nai, hawi y nai kamlau ang pei ai.

LEU KACHENG 24:12 ပူးပေါင်းရင်းမြစ်များ

JOBA 34:11

Mymy ly khumichi ai mymychi i sa nai kamlau, hawi nai hawi y nai pei iy, nichi nga ai ataing nai ryrei, avum hai reng nai ne.

SAM 121:3

Mymy ly nang ai atleu iy atlym hai ai ny y; nang ai ama hai nai keung ly i vai y leang.

SAM 121:8

Mymy ly nang i chei naira tleirei y vai i dengdairei deungtasa khrairei ama hai ai.

SAM 17:3

Nang ly kai i paleung pany; vum y kai teng jeu iy kai i paleung awm nai sai hawihai palai cham nai khala, hawi y nai sai niu y.

SAM 44:21

meitang khyp, nangmy pany ai nai ne. Ati mana nai mo nabaly, nang ly khumichi i dawn paviu nai katauchi pany nai deaungkho y ne.

SAM 62:12

Aw Areng, nang ly nangmy kypkyp naimy, khumi bawibawichi ai mychi i atiti sa naira y hawi nai, hawi y nai vang pei pi nai ne.

SAM 66:9

Mymy ly achi ai dei hai y naimy, tlang heng ai nai ang pei bo; achi ai atlym hai y nai ne.

SAM 7:9

Nang ly Tameuh meitang ne; khumichi i dawn tau naichi hawi ngai nai paleungchi py chih pi nai ne. Khumi hawi y naichi i sa tamang nai paka pi ly khumi kahawichi ai hawi naira pei pi kyh ba.

SAM 94:9

Achi i kanochi sa pi nai keung ly thai pajau nai ny y a? mei sa pi nai keung ly niu pajau nai ny y a?

LEU KACHENG 12:14

Khumi ly mymy i sa nai, katheu naichi molam y kawn vang nga; amy i sa nai molam y, hawi nai hawi y nai amtym ai.

LEU KACHENG 16:2

Khumi ly amy i sa nai ngiereichi ly teng, nanai dawn reng; na i py Areng ly khumi i patyp naichi ai chih pi nai ne.

LEU KACHENG 21:2

Nang ly nangmy i sa nai ngiereichi teng, nanai athang khai reng; na i py Areng ly nang i dawn pasym naichi ang chih pi ai nanai pany jo ba.

LEU KACHENG 5:21

Areng ly nang i sa nai ngiereichi ai, ang niu pi se nai ne. Mymy ly nang i chei naira tleirei y, khen patawm jo nai ne.

LEU KACHENG 5:22

Khumi hawi y nai i sa nai kamngochi ly deaung hawi atawm; huni khumi ly my i kamngo paleupy ra y man reng nai ne.

Parip nai leu 5:8

Pri peang nai keungchi my khumi kamawnchi ai ana nai py, nichi i nga ai avo nai pei pi y nai hawi ka-dyh ka-dawi so pi y nai py, nang niu nai khala rengrang ti moh. Miteaung kehchi malawn py mymychi tleaung y len nai khumichi i ama hai nai anui y awm u nai ne.

JEREMIA 17:10

Kai Areng ly khumi i paleung awm nai sai khen patawm thai. Paleung ka-dawn ai py cham reng nai ne. Kai ly khumi bawibawichi ai nichi i sa nai molam y mychi i ka-tan hawi nai hawi y nai pei ai,” napi.

JEREMIA 32:19

Nang i ka-dawnchi ly lyh ai hawi parai iy, sa naichi py len parai tlai nai ne. Nang ly khumichi i sa nai ngiereichi ai niu nai ne i, nichi ai mychi i sa nai kamta kawn vang pei pi bo.

TANGAM NAI LEU 3:36

Jeung y tara chih nai sai tamang piupa nai thym khala py, mymy ly pany.

DANIELA 5:23

Nang ly kani pri mang i Areng ai ka-awi sa iy, Achura yhm theung i muku khauchi la hai lawh bo. Nang hawi vanrei, nang i bangtangchi, samrangnuchi, samrangnu i aheaung apaichi ly huni muku khauchira y kreip hangchi tleng iy nei chum baly, mei niu y, kano thai y, ati sai py pany y nai muku, tangka, kheupaja, tamo, dengkeaung, lengseaungchi hawi sa nai tameuhchi ai palo u bo. Na i py nang ly nangmy i tlang ai py, nangmy i sa nai bawibawichi ai py, peang nai keung Tameuh ai ly palo y lawh.

MATTHAI 16:27

Naibaly Khumi i Chapo ly mymy i kani pri i amtaw thau naichi hawi Ampo i nang parai naira apu naimy ang jeu ai, hunai khala y ly khumi leaung leaungrei ai ni i atiti sa nai kamta heung teang ai.

AMTAW 17:28

mymy deaungkho y achi heng py heng, angto py angto, awm py awm nai teu; nangmychi i khulym paseang kakawp amichi mo py, ‘Kaichi py mymy i kangpreang ne teang, nanai thui nai kamta ly.

ROM AVANGCHI TENG Y PAWLA I CHA PA NAI 2:16

mymychi i hawi nai hawi y nai pany naira my pany hai iy mymychi i dawn naira my apasum py apasum lawh ai, ti y baly akhi py akhi hai lawh ai.

ROM AVANGCHI TENG Y PAWLA I CHA PA NAI 2:6

Mymy ly khumi leaung leaungrei ai mymy i atiti sa nai kamta chih pi ai;

I KORINTH 4:5

Hunaibaly Areng jeu y ryrei ly neng y rai khala y ati sai py chih u moh; mymy ly kaveng i atiti leu kangviuchi ai ly kangvang y patheu iy, paleung y tau naichi ai py amteng hai ai; huna nai neng khala y ly khumi leaung leaungrei ly Tameuh teng y amymy i nga ai nai kamlau palo naira nga ai.

II KORINTH 5:10

Achi bawibawi ly tlang y atiti sa naichi, hawi nai hawi y nai achi i sa nai kamta nga bawibawi thai ai nai, achi ai ly Krista i tara chih nai atehra mo y amteng hai bebe ai nai tla.

AMTENG HAI NAI 1:18

“Jei moh; kai ly kangman keh nai hawi kangkhym keh nai hawi, heng nai keung py ne; kai ly dei i, na i py khen cham, deungtasarei i vui y kai ly heng teang nai ne, deira hawi tavaukho i sawchi py kai teng y awm.

AMTENG HAI NAI 2:18

“Naibaly Thuatira avang palau takhra kamkawm i kani pri i amtaw thau nai teng y hinai kama tajiu: ‘Mymy i mei ly mai ka-veaung kamta awm nai, mymy i kheu ly kheupaja amchai nai kamta awm nai keung, Tameuh i Chapo i leu thui nai ly hini ne he:

AMTENG HAI NAI 2:23

Naibaly mymy i chanauchi ai ly kapadei khyp ai; naibaly kai ly dawn naira hawi paleung khen patawm nai keung ne, nanai palau takhra kamkawm bawibawichi ly pany u ai; naibaly nangchi leaung leaungrei i atiti sa nai kamta kaimy kang heung ai.

AMTENG HAI NAI 22:12

Khen cham, kai kang jeu praw ai; khumi cheaungkhangchi i atiti sa nai kamta khyp my pei ai nai, kai i kawn nai vang ly kai teng y awm.

1 SAMUELA 16:7

Na i py Areng my ni teng y, “Hini khumi i jeng asang nai hawi, mo-cha hawi nai ly khen moh; kai ly khumi kamta chih nai ny y; huna nai y kai aly ngai y; khumi ly angam mang i awm nai sai khen reng; kai ly paleung ai khen nai ne,” napi.

1 SAMUELA 2:3

Areng ly ati cheaungkhang pany nai sai angym nai ne iy, khumichi i sa nai ngierei tara chih pi i, nangchi ly aeu iy amlyh u moh. Labeaung mang paleung len nai leu theu moh sy.

1 SAMUELA 2:6

Areng ly dei nai hawi heng nai py, mymy i khumichi ai tavau pri y tha nai hawi palau teang nai py sa nai ne.

1 SAMUELA 25:29

Khumi leaung leaungrei ly nang ai tiu iy padei ai nai atho sa lawh teu baly, khumi ly vang kateng vawnsai ai kryme reng nai kamta, Areng ly nang ai chymme naimy ang kry ai. Nang i paleung ka-echi ai ly khumi my lengseaung akawi ai lijai hawi ko nai kamta, palo parai naira mang y nangmy aphi vui ai.