LEU KACHENG 23:17 - Khumi Common Language Bible

¹⁷ Kamngo sa ala nai khumichi ai paleung no moh. Nangmy deungrei Areng ai jei kaji ba.

LEU KACHENG 23:17 ပူးပေါင်းရင်းမြစ်များ

SAM 111:10

Areng ai jei kaji thai nai ka-dawn ly cheng naira i pakeung sangum ne; Reita leu patawm nai khumi bawibawichi teng y meitang naimy leu pacheang pajau ai nai, mymy ly pei bo. Mymy ai ly deungtasarei palo u jojo sy.

LEU KACHENG 15:16

Areng ai jei kaji iy khumi kamawn lawm nai ly patang naira avum iy nang chawn nai tleaung y hawi keh.

LEU KACHENG 24:1

Khumi hawi y naichi i kucha paleung no moh. Nichi hawi amkawm ai nai py atho so moh.

LEU KACHENG 24:19

Khumi hawi y naichi i molam y paleung bi moh; nichi i kucha paleung no moh.

LEU KACHENG 24:21

Deang awi, Areng ai py, samrang ai py, jei kaji naimy tahm khai ba. Huni Areng hawi samrang ai tiu nai khumichi hawi amkawm moh.

LEU KACHENG 28:14

Areng i leu tangai nai khumi ly amo theu ai. Paleung kyhchaw nai khumi ly patang naira avum ai.

LEU KACHENG 3:31

Khrukhra hai reng nai khumichi i tlang tleaung y, paleung angai y nai awm reng moh. Nichi i sa nai kamta sa ai nai paleung ka-dawn awm moh.

Parip nai leu 5:6

Nang i leu deaungkho y kamngo lawm moh sy; huni katamangra sa ai nai kai, ka-dawn by y leang, nanai Tameuh i pathyp pi nai keung mo y ahui ai nai tlo moh sy. Ati mana nai y Tameuh ai kado theu hai lawh mo? Nang i sa nai kalopchi phra hai ai nai nang ly ati mana nai sa lawh mo?

Parip nai leu 5:7

Nang ly amang neangneang amang nai, ati sai py ny y nai kalop sa nai, leu peung ryry nai ne teu i py, Tameuh ai ly jei ai nai tla.

AMTAW 9:31

Hunaibaly Judai pri y hawi, Kalili pri y hawi, Samari pri tengtang y py palau takhra kamkawm ly khaw ryh khaw ryh i awmnem bo; naibaly Areng ai tahm khai naimy Phailo Kachai i awmnem naira y awm iy peung ryh peung ryh bo.

II KORINTH 7:1

Hunaibaly ngai parai naichi awi, achi ly huni leu adeu naichi awm nai deaunkho y, tlang hawi phailo y chai y naira bawibawi apachai u sina; naibaly Tameuh ai tahm khai nai tarawi y chai naira so u angym sina.

I PETERA 1:17

Naibaly patle naira by y naimy, khumi leaung leaungrei i kalop sa nai kamta tara chih nai keung ai ly Ampo kamta palau u baly, hi y ni awm u nai sala y ly jei naimy awm u;