LEU KACHENG 23:10 - Khumi Common Language Bible

¹⁰ Mana khala py khaileaung khujyh kangngym ly kasyh vui moh. Nurochochi i khaileaung ly lo pi veng moh.

LEU KACHENG 23:10 ပူးပေါင်းရင်းမြစ်များ

JOBA 22:9

Nang ly lumai cheaungtichi ai sabawm ai nai akhi nai khyh chang y i, nuro nukai chochi ai py tiu, lawm iy, pahyp y naimy ana bo.

JOBA 24:9

Khumi hawi y naichi ly nuro nukai chochi ai, miseaung palawn u bo. Kalai pe pajau y nai khumi kamawnchi i, cho chanauchi la pi pawn.

JOBA 6:27

Nangchi ly nuro nukai chochi ai malawn py, miseaung palawn u ai nai tambe va iy, la ai nai khumichi ne. Amychi nang chawn ai nai molam y ahawi kamrawichi ai malawn py, ka-jo ka-van sa ai nai khumi ne u lawh ly!

SAM 94:6

Nichi ly neampachy lumaichi hawi, nurochochi ai padei u; kaichi i pri y awm nai angvynchi ai py padei u nai ne.

THEU NAI 22:22

Neampachy lumai hawi nurochi ai ana ai nai tlo y.

LEU KACHENG 15:25

Areng ly paleung len nai khumichi i yhmchi taphra pi pawn ai; na i py neampachy lumai i yhm hlau ly kry pi ai.

LEU KACHENG 22:28

Nang i amsi pajochi my, cheaung pi nai khujyh kangngym ly kasyh vui moh.

JEREMIA 22:3

“Kai Areng ly nangchi ai leu meitang naimy kahawichi sa u ai nai leu kang pei. Nangchi ly katapawpra avum nai khumichi ai amo hai u. Cheng takhrachi, nuro nukaichochi, ti y baly neampachy lumaichi ai teng y nairachi hawi ana nairachi py so u moh. Hini kachai meingtymra y kamngo by y nai khumichi ai padei u moh.

JEREMIA 7:5

“Nangchi i amhi amtlau nai sai takhra hai u; vai i sa nai kamta ly so u bi moh. Nangmychi tengtawi amkawm naira y, adyh adawi naimy awm u.

JEREMIA 7:6

Pri takhra chochi, nuro nukai chochi hawi neampachy lumaichi tlang tleaung y kho sa iy, kamran hau u moh jau. Hini kachai meingtymra y khumi kahawichi ai tleh u moh jau. Tameuh takhrachi ai chiu nai ly nangchi ai phra hai nai deaungkho y, huni chiu nai ly anawn u.

ZEKHARIAH 7:10

Neampachy lumaichi, nuro nukaichochi, pri takhrachochi, ti y baly kamawn kateuchi ai ano u moh; leaung leaungrei ai, patang hai ai nai tau u moh,’ napi.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

Leu Thui Nai 19:14

“Nangchi i Areng Tameuh my pei nai pri y, jangni i leng nai, nangchi i yhm deaungpa khujyh leungcheng ly kasyh u moh.

Leu Thui Nai 27:17

“Israela cheng tengtawi i khaileaung khujyh leungcheng kasyh vui nai khumi ly Tameuh i amsawi lawi sy,’ nanai vaineng tauh nai khala, “Khumi bawibawichi my ‘Amen!’ nanai pathang u sy.

JAKOB 1:27

Achi i Tameuh hawi Ampo i mei ka-niu y reita kachai hawi kamngo abawi y nai ly hini he: nurochi hawi neampachy lumaichi ngari patang khala y ly de ai nai hawi, khaileaung pri y kamngo akau y pa-rei akry ai nai py ne.