LEU KACHENG 22:7 - Khumi Common Language Bible

⁷ Khumi kamawnchi ly khumi kanangchi i, miseaungchi lawm u bo. Tangka alai nai khumi ly paseng nai keung i miseaung lawm nai ne.

LEU KACHENG 22:7 ပူးပေါင်းရင်းမြစ်များ

2 ARENG KEH 4:1

Amo kamkawm theung i, amo leaungrei i aju neampachy lumai leaungrei ly Elisa teng y chei iy, “Areng awi, kai i juvo ly dei vui bo! Nang i pany nai kamta, ni ly Tameuh ai jei kaji nai khumi ne. Na i py ni ly kalai awm i, kalai keung ly kai i chapo leaung nyhrei ai, ampo i kalai atheu iy miseaung palawn ai nai ang la bo,” napi.

LEU KACHENG 14:31

Khumi kamawnchi ai ana nai khumi ly nichi ai sa nai keung Tameuh ai mei aniu y nai ne; na i py khumi kamawnchi ai pahen reng nai khumi ly Tameuh ai chiu nai ne.

LEU KACHENG 18:23

Khumi kamawn ly tahm khai iy ahui nai leu katheu reng; na i py khumi kanang ly leusi leukho katheu reng nai ne.

LEU KACHENG 22:16

Khumi kanangchi ai langseaung pei nai khumi, ti y baly amy i nang chawn ai nai molam y, khumi kamawnchi ai ana nai khumi ly mymy py kamawn acheangryh acheangryh ai.

LEU KACHENG 22:22

Khumi kamawn i kamawn nai molam y, ni i vawnsai lawm moh. Tara jeung y jeaungmang nai khumi ai ano moh.

ISAIA 24:2

Pathyp pi nai keung hawi khumi mipui, miseaung hawi yhmkeung, vang nai khumi hawi jo nai khumi, kalai la nai khumi hawi alai pi nai khumi, khumi kanang hawi khumi kamawn, khumi bawibawichi ly khym taham harei hawi avum u ai.

AMOS 2:6

Areng my, “Israela khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly kalai pe pajau y nai khumi kahawichi hawi, phainai makengrei vang malawn py kalai pe pajau y nai khumi kamawnchi ai, miseaung y jo u bo.

AMOS 4:1

Atho di nai khumichi hawi khumi kamawnchi ai ana iy, my i juvochi teng y kaichi nei ai nai rah jeu hai, nanai leu pei iy teicha kahawi cha ai nga nai Basan si nuchi kamta, veu hawi nai Samari neampachychi awi, hini leu tangai u.

AMOS 8:4

Nangchi i pri theung y kajeu alam naichi ai chiu piupa iy, khumi kamawnchi ai ana nai khumichi awi, hini leu tangai u.

AMOS 8:6

Vang teng y nai choh pui chomaw ai vang palyn iy jo ai. Kalai kangngym pe pajau y nai khumi kamawn ai hau iy, miseaung palawn ai nai phainai bomrei vang by y nai hawi van ai,” nanai thui u bo.

MATTHAI 18:25

Naibaly mymy ly pei ai ati sai py by y nai deaungkho y yhmkeung my ly mymy hawi aju hawi chanauchi hawi, mymy i ati awm nai bawibawi py jo iy, pe ai nai leu pei bo.

JAKOB 2:6

Na i py nangchi ly khumi kamawn ai tapheaung lawh. Khumi kanangchi ly nangchi ai ana, naibaly tara chih naira yhm y ang ryh reng nai ny y a?

JAKOB 5:1

Khumi kanangchi awi, khen cham, nangchi i tlang tleaung y ngari ang tym dudu nai deaungkho y vo py vo u ly, hang py hang u lengleang.

JAKOB 5:4

Khen cham, nangchi hlau choh tyh tham naichi ai tapawp nai pei y nai vang ly aeu; naibaly choh tyn naichi i aeu nai ly Mipuichi i Areng Tameuh i kano y kun bo.