LEU KACHENG 22:29 - Khumi Common Language Bible

²⁹ Amy i kalop ra y kawp hawihai nai khumi ly samrang teng y kalop sa ai nai nga ai. Khumichi i kalop ai sa pi ai ny y.

LEU KACHENG 22:29 ပူးပေါင်းရင်းမြစ်များ

ATITI AWM ANGCHEI NAI 41:38

Naibaly samrang ly nichi teng y, “Josepha ly Tameuh teng i cheng naira nga nai khumi ne; ni tleaung y hawi keh nai khumi hau i py achi niu pajau y leang,” napi.

ATITI AWM ANGCHEI NAI 47:6

Aikupta pri ly nichi i pri ne. Kosen meingtym y awm u sy, hawi keh nai khaileaung meingtym py ne. Naibaly nichi theung y sa thai naira awm naichi ai ly kai i tawnbawichi ai kry nai keung y khai,” napi.

2 SAMUELA 2:32

Juaba hawi my i khumichi ly Asahela i veu la iy, Bethlehem mary mymy i yhm dengtheungchi i tapreaung y up nai ne. Naibaly nichi ly vum torei tako u i, khutawi y rai khala y, Hebron mary y tym u ali teang bo.

1 ARENG KEH 10:8

Nang i aju ly khri pa-rei taham hawi na ly! Nang teng y kalop sa nai tarawi y nang i cheng nai saichi thai nai, nang i miseaungchi py khri pa-rei taham hawi na ly!

1 ARENG KEH 11:28

Jeroboam ly kalop angjeng i sa thai naira awm, nanai Solomon my niu nai khala, ni ai Manase hawi Ephraim khu ka-peangchira y, kalop ram sa nai khumichi i lu y khai bo.

1 NENG SATANG 4:23

Josha hawi Sarap nini ly samrang i kalop sa pi nai laawm beu nai keungchi ne iy, Netaim hawi Kaderah marychi ra y awm u bo.

LEU KACHENG 10:4

Khumi napjang ly kamawn acheang ai. Na i py angjeng nai khumi ly nang chawn ai.

LEU KACHENG 12:24

Angjeng atyp nai khumi ly sa thai naira nga ai; khumi napjang ly amichi teng y miseaung achei ai.

LEU KACHENG 23:1

Aly len nai miteaung keh leaungrei hawi ateh iy cha nei nai thym khala, huni khumi ly ami mo, nanai adawn patyp ba.

Parip nai leu 9:10

Nang i sa ai nai kalopchi bawibawira y atho angai naimy so; ati mana nai mo nabaly nang i chei ai nai tavau pri y ly kalop sa nai by y, adawn pasym nai by y, cheng naira by y, pany thai naira py by y nai deaungkho y ne.

DANIELA 1:19

Samrang ly huni khumi bawibawichi hawi leu adeng ahui nai khala y, Daniela, ananiah, Mishaela hawi Azariahchi ly takhra khumichi tleaung y tau cheng nanai niu. Hunai deaungkho y nichi ly samrang teng y kalop sa ai nai nga u bo.

DANIELA 1:4

mo-cha hawi nai, tau cheng nai, ami tleaungtha cheng nai, kiu kheu tabai y nai, kawp nai sai rai y nai, huna nai leaungsaichi hawi angym iy, samrang i yhm y kalop sa pajau ai nai, thawndeang kacheng phyreichi ai vawi takhra ai nai leu pei bo. Nichi ai Babulon cheng leu phain kawp, tajiu kawp ai nai Asapenaza my patiu pi ai nai leu pei nai ne.

MATTHAI 25:21

Yhmkeung my ly ni teng y, ‘Miseaung kahawi ka-ym awm nai, nang i sa nai ly hawi mang; nang ly maiden chy naira y ka-ym awm i, nawi parai naira tleaung y kang khai ai mang; nang i yhmkeung i kawn naira y kawn teang,’ napi.

MATTHAI 25:23

Yhmkeung my ly ni teng y, ‘Miseaung kahawi ka-ym awm nai, nang i sa nai ly hawi mang; maiden chy naira y ka-ym awm i, nawi parai naira tleaung y kang khai ai mang: nang i yhmkeung i kawn naira y kawn teang,’ napi.

ROM AVANGCHI TENG Y PAWLA I CHA PA NAI 12:11

angjeng naira y ly atho si u moh ly; phailo mang y ly hawihai palai dawn u pathyp ly;

II TIMOTHEI 4:2

Tameuh i leu thui; mana khala y py atho so veangveang; kham pajau tanga naimy patiu nai tarawi y parip py parip, preng py preng, pachei py pachei.

1 SAMUELA 16:21

Davida ly Sawla teng y tym nai khala y, my i amtaw thau pi; Sawla my py ni ai khri pa-rei khrei nai deaungkho y, my i tavai ateaung syn pi nai keung y vawi takhra bo

1 SAMUELA 17:31

Khumi phyreichi my Davida i thui naichi thai i, Sawla teng y amti pi, Sawla ly Davida ai palau bo.