LEU KACHENG 22:23 - Khumi Common Language Bible

²³ Areng ly nichi i mang y asa hai ai. Nichi i heng nai ai pajei pahyn nai khumichi ai Areng my pajei pahyn teang ai.

LEU KACHENG 22:23 ပူးပေါင်းရင်းမြစ်များ

SAM 103:6

Areng ly ana patang naira avum naichi mang y asa hai iy, tara chih pi nai deaungkho y, nichi i nga ai avo naichi pei pi nai ne.

SAM 12:5

Areng my, “Na i py khumi kamawnchi ly ana pumpi naira avum u nai py, ana piupa naira avum nai khumichi ly no patang naira hawi tangam u nai deaungkho y, kai ly vaimy jeu praw ai. Nichi i kadeaung nai law tleaung naira ai, nichi teng y kaimy kapei ai,” napi.

SAM 12:6

Areng i adeu nai leuchi ly ym ai nai hawi; mai theung y tlen saryhrei patlawn chum nai tangka tangcheng kamta, ka-ym awm nai ne.

SAM 140:12

Aw Areng, nang ly khumi kamawnchi i hawi naira hawi, kamawn katichi i vui nga sang naichi ai ama hai, nanai kai ly pany bo.

SAM 140:13

Khumi kahawichi ly nang ai meitang khyp naimy palo ai; nichi ly nang i mo y awm ai nai nga u ai.

SAM 35:1

Aw Areng, kai ai ka-awi sa nai khumichi ai ka-awi so teang ly kaichi ai tiu nai khumichi ai tiu teang ba!

SAM 35:10

“Nang hawi ami atawm mo? Ami nai ly nang kamta, atho di nai khumi ai atho awm nai khumi my patang hai naira i nai py, ngari kamtang avum nai khumi ai ana nai khumi teng i nai py, ami my ama hai mo,” nanai Areng teng y kaimy i avum nai ka-dawn hawimy amti pi ai.

SAM 43:1

Aw Tameuh, Kai teng y kamngo by y, nanai amthang hai kyh ba. Tameuh ai pany y nai khumichi ai ka-awi sa iy, kai mang y amo hai kyh ba. Tapawp nai hawi khumi hawi y naichi kiu i nai kai ai atleu kyh ba.

SAM 68:5

Achura yhm kachai y awm nai Tameuh ly nurochochi ai kry iy, neampachy lumaichi ai ama hai nai ne.

THEU NAI 22:22

Neampachy lumai hawi nurochi ai ana ai nai tlo y.

THEU NAI 22:23

Nangchi ly huni khumichi ai ana nai deaungkho y, nichimy kai teng y kasabawmra hnei lawh baly, Kai Areng my pathang pi ai.

LEU KACHENG 21:7

Khumi hawi y naichi ly mymychi i khrukhra naichi molam y, pajeng naira avum u ai. Nichi ly kateng sa ai nai ngai u y.

LEU KACHENG 23:11

Areng ly sa thai naira hawimy nichi ai ama hai ai i, mymy ly nang ai ka-awi sa iy, nichi mang y asa ai.

ISAIA 33:1

Achi i paleung ka-echi ly taham si! Amychi ai ami py tiu y, vaineng taphra u teu i py, nichi my tiu iy vaineng takan u lawh bo. Na i py nichi my tiu iy vaineng taphra nai neng kani kheih nai neng tym ai. Huna nai khala y nichi ly tiu nai hawi vaineng taphra nai avum u ai.

JEREMIA 30:16

Vai ly nangchi ai ang pajawn nai khumi bawibawichi ly pajawn naira avum u iy, nangchi i paleung ka-e bawibawichi ai py, langheng y hawi u vui ai. Nangchi ai pahyp y naimy ana nai khumi bawibawichi ly mychi naimy pahyp y naimy ana naira avum u iy, nangchi ai tiu nai khumi bawibawichi py, tiu naira avum u ai.

JEREMIA 50:34

Na i py nichi ai atleu ai nai keung ly atho awm parai nai ne. Ni i amyn ly ati cheaungkhang sa thai nai keung Areng ne. Mymy kypkyp ly nichi ai ama hai iy, huni pri y tlamsa naira tym hai ai. Na i py Babulon khumichi ai ly khrukhra naira tym hai ai,” napi.

JEREMIA 51:36

Hunai deaungkho y Jerusalem mary i khumichi teng y, “Kai ly nangchi hawi ai nai molam, vawitheung tha pi ai. Babulon pri i tuikanchi hawi tavo micheaungchi kang hai ai.

MIKHA 7:9

Kaichi ly kamngo sa nai deaungkho y, tanarei ly Areng i kado theu nai avum u ai. Na i py mymy ly kangkhym y kaichi i molam ama hai iy, leu meitang naimy tara chih ai. Mymy ly kaichi ai kangvang mang y pahawi ai. Kaichi ly mymy i atleu nai niu takengkei ai.

HABAKKUK 2:8

Nangchi ly pri neangneangchira i khumichi ai tiu iy lawm u bo. Vai dei kamthum khumichi ly nangchi my khumi ai padei nai molam py, khaileaung pri i khumichi hawi, marychi ai tiu nai molam py, nangchi ai tiu iy lawm u ai.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

1 SAMUELA 24:12

Ani leaung nyhrei theung y ami tamang mo, nanai Areng my chih pi na sy; nang ly kai i tlang tleaung y sa nai saichi molam y, mymy ly nang ai kamngo pajeng na sy; kai ly nang ai maidenreichy py, ka-jeira pei ai ny y.

1 SAMUELA 24:15

Ani leaung nyhrei theung y ami tamang mo, nanai Areng my tara chih pi ai. Mymy ly hini molam y chih pi sy; kai mang y asa nai ne i, kai ai nang kiu i nai atleu pi sy,” napi.

1 SAMUELA 25:39

Davida ly Nabala dei nai satang thai nai khala y, “Areng ly palo naira awm sy! Mymy ly Nabala my kai ai mei aniu y nai sa nai molam y vawitheung tha pi i, mymy i miseaung kai ai py, tamang y ai nai ang paka bo. Areng ly Nabala i kamngo nai molam y ni ai pajeng nai ne,” nanai thui. Huni bo baly Davida ly Abikaila ai pom ai nai, khumi pato iy atli hai bo.