LEU KACHENG 21:6 - Khumi Common Language Bible

⁶ Leu ka-chawi hawi nga nai yhmtheaung katui ly tui kamhui kamta tamo y rai khala, nang ai dei kho mang y ang vum hai reng nai ne.

LEU KACHENG 21:6 ပူးပေါင်းရင်းမြစ်များ

LEU KACHENG 10:2

Li-tapawp iy nga nai yhmtheaung katuichi ly nang i vui kamran by y. Na i py neaung hawi naira my ly nang i hengra atleu pajau.

LEU KACHENG 13:11

Rai y naimy nga nai yhmtheaung katuichi ly rai y naimy khei kang dudu reng; ko rypsy nai yhmtheaung katui ly peungra peungra reng nai ne.

LEU KACHENG 20:14

Vawnsai van nai khumi ly vawn vang len parai, nanai avawrei thui nai ne. Na i py vawn van chum nai khala ly my i vawn van kawp nai sai ai amlyh hai reng.

LEU KACHENG 20:21

Angchei y rai y naimy nga nai yhmtheaung katui ly kangkhym y taham si ai.

LEU KACHENG 22:8

Adyh adawi y nai ti hei nai khumi ly patang nai amti amjangchi pakym achu ai. Huna nai khala ni ly ami i tlang tleaung y ana nai sai anawn ai.

LEU KACHENG 30:8

Kai i labeaung mang ka-chawi thui hai moh ba. Naibaly kai ai nang ai nai py, kamawn lawm ai nai py pei moh kyh ba. Hunaibaly kai i teicha teinei ngai nai ryrei phai pei ba.

LEU KACHENG 8:36

Kai ai hau iy niu y nai khumi ly amymy ai no patang hai nai khumi ne. Kai ai niu ngai y nai khumi ngiereichi ly dei areng ai khrei nai khumichi ne.

JEREMIA 17:11

Teng y nai lam hawi paisa tangka ko nai khumi ly amy kadui y nai kaduichi ai oh nai tavo hawi atawm. Ni ly hawithym hawisai khala my, yhmtheaung katuichi phra iy, kangkhym y ly khumi ka-khum lawm lawh nai ne.

Ezekiela 18:31

Nangchi i sa reng nai kamngochi khai su iy, paleung kangtha hawi paleung ka-dawn kangtha mang y amtlau u. Aw Israela chengchi awi, nangchi ly ati mana nai y dei ai nai ngai u lawh mo?

TITA 1:11

nichi ly kamran hau reng i patiu ngau y nai leu patiu iy, dengtheung vereichi ai atlym hai.

II PETERA 2:3

Naibaly nichi ly yhmtheaung ai paleung no nai deaungkho y leu ka-chawi y nangchi ai ang teaung iy kamrancha ai; na i py jangni i dengdairei mymychi i tlang tleaung y leu atlym nai ly kyh chawn y iy, mymychi ai tama hai naira py i ngym y leang bo.