LEU KACHENG 20:3 - Khumi Common Language Bible

³ Khumi ka-khum ly ka-jo ka-thuira tym hai reng. Ka-jo ka-thui ngai nai khumi hawi abi y pa-rei awm thai nai khumi ly tahm awm nai khumi ne.

LEU KACHENG 20:3 ပူးပေါင်းရင်းမြစ်များ

ATITI AWM ANGCHEI NAI 13:7

Naibaly Abram i tawnbawi kry nai keungchi hawi, Lota i tawnbawi kry nai keungchi ly ajo u nai ne. (Huni neng khala huni meingtym y ly Kanan hawi Perizi chengchi awm u yb nai ne.)

ATITI AWM ANGCHEI NAI 13:8

Naibaly Abram my Lota teng y, “Kai i khumi hawi nang i khumi sala y ajo nai awm moh sy; ani ly amjo amnau ne.

2 ARENG KEH 14:9

Na i py samrang Jehoasa my, “Vaichi khala Lebanon mawi saleung y aleng keung harei my saitleang keung teng y, ‘nang i chaniu ai kai i chapo teng y deaung paseng ba,’ nanai leu pei. Na i py sahawi mang aleaung nai mawi kasi ly huni aleng keung ai chiu piupa vui bo.

LEU KACHENG 14:17

Paleung dawi nai khumichi ly ka-khum kalopchi sa reng; cheng nai khumichi ly paleung amkyn thai.

LEU KACHENG 14:29

Paleung amkyn thai reng nai khumi ly kacheng ne; na i py paleung dawi nai khumi ly mymy i hawi y nai sai patei nai ne.

LEU KACHENG 16:32

Neaung kham pajau nai khumi ly sa thai naira awm nai khumi tleaung y hawi keh. Amy i paleung ai peang ajau nai khumi ly mary puichi ai peang nai khumi tleaung y hawi keh nai ne.

LEU KACHENG 17:14

Leu ka-ei i kamteaung ly tui kathang leaung fau angchei nai hawi atawm nai deaungkho y, huni ai anawn ai nabaly anawn hai ba.

LEU KACHENG 18:6

Leu ka-ei amteaung nai khumi ka-khum ly pakhau nai amteng ai ngai nai khumi ne.

LEU KACHENG 19:11

Pany thai naira awm nai khumi ly my i kado theu nai amkyn ai. Ami my kado theu hai nai ai dawndan pi y nai ly khumi kahawi i kaja ne.

LEU KACHENG 21:24

Paleung asang nai khumi nanai ly amlyh am-e nai khumi, paleung len nai khumi, kapahenra by y nai khumichi ne.

LEU KACHENG 26:17

Amy hawi amtawn abi y nai kalopra y abawi iy a-ei reng nai khumi ly lam y aleaung iy ui i kano theih nai khumi hawi atawm.

EPHESI 4:32

Naibaly ako leungtang nai neaung hawi nai awm u ly, Tameuh my Krista y ang pahen nai kamta ly apahen u.

JAKOB 3:14

Naibaly nangchi paleung y paleung ano naira khota nai hawi aei naira awm baly, leu meitang ai am-e hai u lawh moh, paka ai nai py ka-chawi thui u moh.

JAKOB 4:1

Nangchi theung y atiu naira hawi aei naira ly ma mang i dengdairei theu nai mo? Nangchi i tlang kangprei y atiu nai nangmychi i ngai phi teng y naira i dengdairei theu nai ny y a?