LEU KACHENG 2:6 - Khumi Common Language Bible

⁶ Cheng naira pei nai keung ly Areng ne. Cheng naira hawi pany thai naira ly mymy teng i dengdairei ang tym nai ne.

LEU KACHENG 2:6 ပူးပေါင်းရင်းမြစ်များ

1 ARENG KEH 10:24

Naibaly khaileaung pri verei i khumichi ly samrang teng y Tameuh my pei nai cheng nai leu katheu naichi tangai ai nai tym u bo.

1 ARENG KEH 3:12

nang i hnei nai kamta kang sa pi ai. Nang ny y rai khala i ami py ngo vai y nai, nang i bo y py nga ai ny y nai cheng naira hawi pany thai naira ly nang ai kaimy kang pei ai.

1 ARENG KEH 3:9

Hunai deaungkho y nang i khumichi ai leu meitang adyh adawi naimy peang kawp ai nai hawi, hawi nai hawi y nai khawilang thai nai cheng naira pei kyh ba. Huna nai pei y ai nabaly, kai ly huna tanrei nawi nai nang i khumichi ai mana peang pajau ai mo?” nanai hnei takeng bo.

1 ARENG KEH 4:29

Tameuh ly Solomon teng y lyh ai hawi nai cheng naira hawi lulip pany nai cheng naira py, dawn pajau y na pa-rei pany thai naira py pei pi nai ne.

1 NENG SATANG 22:12

Nang i Areng Tameuh ly nang ai mymy i leu pei nai kamta, Israela pri y peang kawp ai nai pany thai praw nai cheng naira hawi tau cheng naira pei na sy.

EZARA 7:25

Nang, Ezara ly nang teng y Tameuh my ang pei nai cheng naira ai teaung iy Euphrat tavo pui nidym ka-peangra y, nang i Tameuh i leu tangai u nai khumi bawibawichi ai peang ai nai molam y, peang nai keungchi hawi tara chih nai keungchi ai khai takhra ba. Nang ly huni reita leu pany y nai khumichi ai patiu pi ba.

NEHEMIA 7:5

Mipuichi, nichi i luchi hawi peang nai keungchi ai angym hai iy, yhmdeaung charangchi la ai nai Tameuh my kai i paleung y pacheang bo. Naibaly langheng hawi nai khumichi theung i, vawi ali manme nai khumi charangchi hina nai kamta kaniu nai ne.

JOBA 12:16

Tameuh ly sa thai naira haiho len parai nai deaungkho y, eaung naira nga hai jojo. Tapawp nai khumi hawi, katapawpra avum nai nini leaung nyhrei malawn py, mymy i kiu tleaung y awm.

JOBA 22:22

Mymy i parip nai leu tangai ly leu pei nai ai paleung theung y dawn cheng ba.

JOBA 32:8

Na i py khumichi ai cheng naira pei nai keung ly ati cheaungkhang sa thai nai Tameuh i phailo ne.

SAM 119:104

Kai ly reita leuchi theung i cheng naira nga nai deaungkho y, amhi amtlau nai sai hawi y nai ngiereichi ai, kaniu ngai y bo.

SAM 119:34

Nang i reita kai ai thui pi kyh ba; huni ai kai ly tangai ai; paleung hawi verei atyp ai.

SAM 119:98

Nang i reita leu ly kai hawi vanrei awm jo nai ne; huni reita leu saho y kai ly paleung ka-echi tleaung y cheng keh.

SAM 19:7

Areng i leu ly angym be pa-rei hawi nai deaungkho y, paleung hawi phailo ai kangtha lawm hai reng nai ne. Areng i patiu pi nai saichi ly ym ai hawi parai nai ne i, pany thai y naichi ai pany hai bo.

SAM 19:8

Areng i reita leaungsaichi ly teng parai nai ne i, tangai nai khumichi i paleung y amo theu hai reng. Areng i reita leu pei naichi ly leu meitang ne i, paleung y cheng naira pei reng nai ne.

SAM 51:6

Nang ly leu meitang ai khrei nai deaungkho y, kai i paleung y cheng naira kawi angym hai bo.

SAM 94:10

Khumi cheng cheaungkhangchi ai parip nai keung ly nichi ai pajeng y ai a? khumi bawibawichi ai cheng naira patiu pi nai keung ly pany thai naira awm nai ny y a?

THEU NAI 31:3

Ni ly muku, tangka, kheupajachi ai khen hawi iy ka-pu sa kawp nai, vang kateng lengseaungchi kata iy palum kawp nai, dengkeaung mawi o-pangen kawp nai, napi nai huni kalopchi kawp katlen hai ai nai, kai ly ni teng y sa thai naira kapei nai ne.

LEU KACHENG 6:23

Reita leuchi ly maisi yhm kamta ne i, nichi i ang thui pi nai leuchi ly kangvang hawi atawm. Nichi i thui parip nai leuchi ly nang heng ai nai lam patei pajau.

Parip nai leu 2:26

Tameuh ly cheng naira, pany thai naira hawi amo theu naira ly mymy khrei nai khumi ai pei nai ne. Na i py mymy ly kamngo sa nai khumichi ai patang parai naimy kalopchi sa hai iy, nichi i nga nai yhmtheaung katuichi ly mymy ai kawn hai nai khumichi teng y pei. Huni bawibawichi py atyhtyh teu, ali ai patiu nai kamta ne.

ISAIA 54:13

“Nang i khumichi ai kaimy thui parip ai. Nang i cho chanauchi ai nang chawn nai hawi tlamsa naira pei ai.

ISAIA 8:20

Huna nai khala nangchi my, “Areng i leu pei nai tangai u! Nichi thui nai leuchi ly nangchi i vui kamran by y,” nanai thui pi u.

DANIELA 1:17

Tameuh ly huni thawndeang kacheng leaung palyhreichi ai, cha hawi cheng naira cheaungkhangchi kawp ai nai pei bo. Huni bo y Daniela teng y paleung mei y niu nai satang hawi amangchi thui pachai kawp nai, sa thai naira py pei pi nai ne.

DANIELA 2:21

Mymy ly neng hawi kani lo kamtlehchi ai peang nai ne. Mymy ly samrangchi ai palyn py palyn, pala py pala. Khumichi teng y cheng naira hawi pany thai naira pei bo.

DANIELA 2:23

Kai i amsi pajochi my chiu nai Tameuh, Nang ly kai ai cheng naira hawi sa thai naira pei iy, kai i hnei nai kamta, samrang i amang pany hai pi nai y, kawn nai leu kang thui,” napi.

LUKA 21:15

Nangchi i paleung ka-e bawibawichi my paka iy ei thai y ai nai, labeaung hawi cheng naira kang pei ai.

JOHAN 6:45

Amochi i cha-iu y ly, ‘Tameuh my nichi bawibawi ai patiu ai,’ nanai tajiu nai ne. Ami py Ampo i leu thai iy amtiu nai ngierei ly kai teng y ang jeu.

JAKOB 1:17

Atiti pei nai kahawi hawi, atiti pei angym nai bawibawi ly salo mang i dengdairei, kangvangchi i Ampo teng i nai ang kathiu nai ne; mymy y ly takhra naira hawi ami nai pa-pui den py awm thai y.

JAKOB 1:5

Na i py nangchi theung y ami py cheng naira avaw baly, khumi bawibawi teng y jo y nai hawi pasai y naimy pei reng nai keung Tameuh teng y hnei sy, naibaly ang pei takengkei ai.