LEU KACHENG 2:19 - Khumi Common Language Bible

¹⁹ Huni neampachy i yhm y chei nai khumi ly mana khala py vawi ali teang thai y. Ni ly heng nai lam mang y mana khala py ali teang thai y leang bo.

LEU KACHENG 2:19 ပူးပေါင်းရင်းမြစ်များ

SAM 16:11

Nang ly kai ai heng naira lam patei pi ai; nang ly kai i sahawi y awm nai deaungkho y, kai ly amo theu iy deungtasarei paleung tuinem naimy awm bo.

SAM 81:12

Hunai deaungkho y kai ly nichi i paleung kyh chawn nai ly kyh chawn u jojo ai nai hawi, mychi i ngai nai kamta sa u ai nai py kapei pi nai ne.

LEU KACHENG 4:18

Khumi kahawichi i tako nai lam ly khutawi phang nai kangvang sangso, khawn kani si nai hawi atawm.

LEU KACHENG 5:11

Nangchi ly tlum tlang atho bai iy dei ai kasa nai khala, ira tleaung y tangam nai thym khala,

LEU KACHENG 5:6

Ni ly heng nai lam y tako y naimy angphri vui iy, tako reng nai ne. My i sa nai kalop ai mymy pany y.

LEU KACHENG 6:32

Na i py ami i aju chanau ai tamang nai khumi ly pany thai naira pipi by y nai khumi ne; ni ly amymy ai ataphra nai khumi ne ai.

Parip nai leu 7:26

Kai ly dei naira tleaung y hawi y keh nai khumi ly parawi kawp reng nai neampachy ne, nanai kaniu. Ni i ang pei nai tamen naira ly deaung hawi paleupy kamta, nang ai patiu ai. Nang ai ang takawi nai ni i kiuchi py sengkry kamta khaw typ ai. Tameuh i kangai hawi avum nai khumi ly huni neampachy kiu tleaung i lawira nga ai; kamngo sa nai khumi ly tleaung ai ny y.

JEREMIA 13:23

Tlang panum nai khumi ly my i ngan tlang areaung takhra hai tha na a? Ti y baly takaikheng ly my i an mawichi tamo hai thai na a? Nichi ly huna nai sa thai lawh teu baly, hawi y naira naini sa thai khyh nai nangchi py, hawi naira mang y amtlau ai nai sa thai ngau lym ai.

HOSEA 4:14

Na i py kai ly nichi ai kapajeng y ai. Ati mana nai mo na baly nangmychi naimy tameuh takhra ai chiu nai meingtym i bimanuchi hawi amkawm iy, tameuh takhra teng y vanrei, apathyp u nai deaungkho y ne. ‘Tau cheng naira by y nai khumi ly phra ai’ nanai thui achih nai kamta ne.

HEBRAI 6:18

Hunaibaly Tameuh ly ka-chawi thui ai nai vuilam ny y nai, pipi palai lawh thai y naira nyhrei tabom nai deaungkho y, achi, lawi naira hau naichi ly achi i mo y athang khai naira ang khai pi nai ai ly patawn thleng thai ai nai, khri pa-rei khaw hai naira nga thai ai.