Reita leu pei nai tangai nai thawndeang ka-cheang ly cheng naira awm nai khumi ne. Ati sai py ny y nai khumichi hawi, ahawi kamrawi asa reng nai chapo ly amhm ampo ai tahm panem iy kangji pei nai ne.
“Kani pri my peang nai ly hlau y yhmtheaung kangviu y up nai kamta atawm; huni ly ami my niu iy heu ra i, kawn nai deaungkho y mymy i awm nai bawibawi jo iy huni hlau ly van.
Hunaibaly mymy ly nini hawi chei kathiu i, Nazaret avang y tym iy, nini i leu tangai jojo. Naibaly amhm my ly huni atiti bawibawi ly mymy i paleung theung y pateung me jo.
Nangchi my, ‘Kaichi ly reita patawm ai nai ami nai pangli suida vai angpeang iy kaichi teng y ang tym hai ai mo?,’ nanai deng ai nai pa-rei, huni reita leu ly pangli suida vai mang y awm nai ny y leang.
Krista Isu ly khumi kamngochi ai paheng ai nai khaileaung pri y ang jeu, nanai ly ka-ym awm i, khrikhri pa-rei ym ai nai hawi; kai ly nichi theung y kamngo keh nai ne he: