LEU KACHENG 19:23 - Khumi Common Language Bible

²³ Areng ai jei kaji nai khumi ly heng sau ai. Amtheaung nai ryrei awm thai ai i, patang naira avum ai ny y.

LEU KACHENG 19:23 ပူးပေါင်းရင်းမြစ်များ

SAM 103:17

Na i py Areng ai jei naimy tahm khai naichi i vui y, mymy i tamen nai ly deungtasarei khaw jo nai ne.

SAM 19:9

Areng ai jei kaji naimy tahm khai nai ly hawi parai nai ne i, deungtasarei khaw jojo ai. Areng i tara chih nai sai y teng parai nai ne i, deungtasarei adyh adawi nai ne.

SAM 25:13

Nichi ly nang chawn u jojo ai i, nichi i cho chanauchi py pri amtym u ai.

SAM 85:9

Mymy ly mymy ai jei kaji naimy tahm khai nai khumichi ai atleu takengkei ai nai ly angchi yb nai ne.

SAM 90:14

Kaichi ly heng nai ryrei, khulym thui naimy amo theu u pajau ai nai, khawn tleirei kaichi ai nang i khaw parai nai tamen naira avum hai kyh ba.

SAM 91:10

nang ly ka-jeira avum ai ny y, nang i yhm sahawi y py, patang naira ati sai py tym ai ny y.

SAM 91:16

Kai ly nichi ai heng sau hai iy atleu ai,” nanai leu pei bo.

LEU KACHENG 10:27

Areng ai tahm khai; naibaly nang ly heng sau ai. Khumi hawi y naichi ly mymychi i neng tym y naimy dei u ai.

LEU KACHENG 11:19

Kateng sa nai khumi ly hengra nga ai; na i py kateng so y nai khumi ly tlang tem ai.

LEU KACHENG 12:21

Khumi kahawichi ly mani mo taham kasi py avum ai ny y; na i py khumi hawi y naichi ly patang naira naini avum reng nai ne.

LEU KACHENG 19:22

Ngaiphi ala nai ly kaji ai hawi. Khumi kamawn nai ly ka-chawi thui nai khumi tleaung y hawi keh.

LEU KACHENG 22:4

Areng ai jei kaji iy paleung apanem reng nai khumi ly nang chawn ai; tahm awm iy heng sau ai.

LEU KACHENG 3:24

Nang ly i angvyn nai khala, jeira awm ai ny y; vumtorei py i nem ai.

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

MATTHAI 5:6

“Hawi naira nga ai nai kajeu kanglam tui kanghai dawn y pa-rei hau naichi ly taham hawi: nichi ly bym pa-rei nga ai.

AMTAW 9:31

Hunaibaly Judai pri y hawi, Kalili pri y hawi, Samari pri tengtang y py palau takhra kamkawm ly khaw ryh khaw ryh i awmnem bo; naibaly Areng ai tahm khai naimy Phailo Kachai i awmnem naira y awm iy peung ryh peung ryh bo.

ROM AVANGCHI TENG Y PAWLA I CHA PA NAI 8:28

Naibaly Tameuh ai tamen nai keung mymy i khai rym nai kamta palau naichi i vui ly ati py tym sy, mymychi i vui hawi ai naira theu hai reng, nanai achi pany.

I TIMOTHEI 4:8

Naibaly Tameuh ai dawn ryhryh ai nai apatiu reng: tlang mang y atho nga ai nai amjy teaung nai ly chawn mang ly chawn: na i py Tameuh ai dawn ryhryh nai ly vai i awm angchi nai hengra hawi, vai tym ai nai hengra molam y atiti adeu naira nga nai deaungkho y lam cheaungkhangra y chawn nai ne.

II TIMOTHEI 4:18

Areng my ly kai ai hawi y sa naira bawibawi i nai ang tleaung hai ai i, mymy i kani pri y peang naira tym pa-rei chymme naimy ang paheng ai; mymy teng y deungtasa khrairei nang parai naira awm sy. Amen.