LEU KACHENG 19:21 - Khumi Common Language Bible

²¹ Khumichi ly ati cheaungkhang adawn pasym pajau; na i py Areng i kangai naini tym ai.

LEU KACHENG 19:21 ပူးပေါင်းရင်းမြစ်များ

ATITI AWM ANGCHEI NAI 50:20

Nangchi my kai i tlang tleaung y hawi y nai sa u teu i py, Tameuh my vaini khumi bawibawichi heng thai ai nai ka-vo sa pi nai teu bo.

2 SAMUELA 17:14

Abasalom hawi Israela cheng bawibawichi my, “Hushai i tau pei nai ly Ahithophela i tau pei nai tleaung y hawi keh,” nanai thui u. Abasalom teng y patang naira tym hai ai nai Areng ly Ahithophela i pei nai tau kahawi ai phra hai vui nai ne.

ESTHER 9:25

Na i py Esther ly samrang teng y kun iy hnei takeng nai khala, samrang my leu pei nai cha patheu pi nai deaungkho y, Haman ly Juda chengchi i vui dawn yb nai deira y, mymy naimy avum nai ne. Mymy hawi mymy i chapo leaung horeichi ly akaeu nai yhmmawmra y dei naira avum u.

JOBA 23:13

Mymy ly mana khala py, paleung ka-dawn takhra vui y. Ami py mymy ai ka-keng ka-awi so pajau y. Mymy i sa ai ngai nai paka pajau y

SAM 21:11

Nichi ly samrang ai padei ai nai hawi y nai ka-dawnchi sa u. Na i py eaung ai ny y.

SAM 83:4

Nichi my, “Jeu u, Israela chengvui jeungrei, deungtasa tama vui ai nai, nichi cheng theaung ai tamyh u pawn sina,” nanai thui u nai ne.

LEU KACHENG 12:2

Areng ly khumi kahawichi ai khrei; na i py hawi y naira ai dawn tau nai khumichi ai ly pajeng nai ne.

LEU KACHENG 16:1

Khumi ly amy i paleung y dawn tau naichi sa pajau; na i py kangkhym y ly Tameuh i kangai naini lawm ai nai tla.

LEU KACHENG 16:9

Khumi ly amy i chei ai nai lam pasym yb teu i py, ni i kheulangchi ai, Arengmy sa pi yb nai ne.

LEU KACHENG 19:22

Ngaiphi ala nai ly kaji ai hawi. Khumi kamawn nai ly ka-chawi thui nai khumi tleaung y hawi keh.

LEU KACHENG 21:1

Areng ly tavo micheaung tui leaung nai ai paka nai kamta, samrang i paleung ai rai y naimy peang nai ne.

LEU KACHENG 21:30

Khumi ly my i cheng naira, sa thai naira, pany thai praw nai cheng nairachi hawimy, Areng ai ly ka-awi so pajau y leang.

Parip nai leu 7:29

Kai i kapany nai ly Tameuh my achi ai kahawi ang sa nai ne i py, achi ly amychi ai khrukhrala nai khumichi lawm ai nai asa u lawh nai ne.

ISAIA 14:24

Ati cheaungkhang sa thai nai keung Areng my vaineng abeu iy leu pei nai ly “Kai i dawn pasym yb naichi ly tym ai. Leu pacheang yb nai kamta ly tym takengkei ai.

ISAIA 46:10

Kai ly angchei khala i dengdairei, leu kangtem kang thuipi yb nai ne. Mo mang y tym ai nai atitichi ai, jangni khala my kang thui pi yb veng bo. Kai i dawn pasym naichi ly mana khala py phra ai ny y, nanai kaimy thui pi yb nai kamta, kai i pasym yb nai atitichi ly sa ai.

JEREMIA 44:29

Kai ly hini meingtym y nangchi ai kang pajeng ai, nanai py nangchi ai kang tamyh ai, nanai kai i leu teng khyp ai, nanai py nangchi teng y kai Areng my pany hai ai.

Ezekiela 20:32

Nangchi ly pri takhrachi kamta py, pri takhra y awm u nai khumichi kamta py, dengkeaung keungchi, lengseaungchi ai chiu u ai, nanai dawn tau u bo. Na i py huni katau ly amcheang ai ny y.

DANIELA 4:35

Mymy ly khaileaung pri i khumichi ai, ati sai py ny y nai niu; mymy ly kani pri amtaw thauchi ai py, khaileaung pri i khumichi ai py, peang nai ne. Ami py mymy i kangai ei vui pajau y, mymy ati mana sa mo nanai py, deng vam y nai ne.

EPHESI 1:11

Ati cheaungkhangra y mymy i kangai tau nai kamta sa nai keung i kangai y ka-vo khai rym nai kamta, kaichi,

I PETERA 2:8

“Atlym naira lengseaung hawi paka naira lengseaung pui py lawn ai,” nanai ne. Ati mana nai mo nabaly nichi ly leu tangai y nai deaungkho y atlym u lawh reng; huna nai kamta awm ai nai nichi ai khai yb nai ne.

JUDA 1:4

Ati mana nai mo nabaly khumi amichi mo ly kangviu y kun lawh i, nichi ai ly hini sum naira nga hai ai nai jangni y khai rym naichi ne; nichi ly Tameuh ai tahm khai y i, achi i Tameuh i pahenra ai ly paleaung naira palawn u iy, achi ai Peang nai Keung hawi Areng leaungrei awm khyh nai Isu Krista ai ly apha u vui.