LEU KACHENG 19:16 - Khumi Common Language Bible

¹⁶ Tameuh i leu pei naichi tangai nai khumi ly heng sau ai. Hunichi ai dawndan y nai khumi ly deung dawi ai.

LEU KACHENG 19:16 ပူးပေါင်းရင်းမြစ်များ

JOBA 5:2

Paleung kham pajau y nai deaungkho y, amymy ai no patang hai iy, dei nai ly akhum nai hawi ati sai py ny y nai ne.

SAM 103:18

Mymy i Leu Maikawm ai kry iy, Reita leu pei naichi ai ka-ym awm naimy sa patawm naichi i tlang tleaung y, mymy i pahen naira ly katu chanau khrairei tym nai ne.

LEU KACHENG 13:13

Tau kahawi pei nai leu ai akhi reng nai khumi ly ka-jeira ai palau nai khumi ne; tau kahawi pei nai ai tangai reng nai khumi ly chymme naimy awmnem ai nai nga.

LEU KACHENG 15:32

Patiu pi nai ai tangai y nai khumi ly amy ai sum hai nai khumi ne. Thui parip nai ai tangai reng nai khumi ly cheng tleaung chengra ai.

LEU KACHENG 16:17

Khumi kahawichi ly hawi y naira lam mang y tako vai y; na i py amy i tako ai nai lam dawn ryhpatyh nai khumi ly mymy tlang ai akry nai ne.

LEU KACHENG 21:16

Tau cheng nai lam en vui nai khumi ngiereichi ai ly dei areng my ajeng nai ne.

LEU KACHENG 21:23

Patang naira avum ai nai ngai y nai khumi ly labeaung palai amkyn ai nai tla.

LEU KACHENG 22:5

Khumi hawi y naichi i lam ly deaungchi hawi humchi awm ma mang nai ne. Tau cheng nai khumi ly hunichi ai en vui ai.

LEU KACHENG 29:18

Tameuh i lam patei nai ai tangai y baly, huni pri ly phra seaungkhrang reng nai ne. Tameuh i leu pei nai ai atyp nai khumi ly khri pa-rei taham hawi na a!

LEU KACHENG 3:1

Deang awi, kai i patiu pi naichi tami moh; kai i leu pei naichi pany jo ba.

Parip nai leu 12:13

Hina nai kathui chum baly thui bi ai nai leaungsai harei awm khyh bo. Nang ly Tameuh ai jei kaji naimy tahm khai iy, mymy i reita leu pei naichi kry ba; ati mana nai mo nabaly hini leaungsaichi sa hai ai nai Tameuh ly khumi ai sa nai ne.

Parip nai leu 8:5

Nang ly ni i leu tangai nai ryrei ly chymme naimy awm ai; khumi kacheng ly leu tangai ai nai lam hawi neng py pany.

JEREMIA 7:23

Na i py kai ly nichi i Tameuh ne iy, nichi py kai i khumichi lawm ai nai molam y, kai i leu tangai u ai nai reita leu kapei nai ne. Cheaungkhangra y amsym ai nai molam y, kaimy pei nai reita lam y tako u ai nai leu pei nai ne.

Ezekiela 33:5

Ni i dei nai ly mymy i tamang nai molam ne i, ni i thi ly my i lu tleaung y tym nai tla. Ati mana nai mo na baly ni ly pany hai nai ai dawndan y nai deaungkho y ne. Ni ly dawn patyp lawh i khyly, ni ly deira i nai tleaung ai.

MATTHAI 16:26

Ami py hini khaileaung pri bomrei nga iy, amy i hengra tamo lawh sy, mymy i vui ati amran ai mo? Ti y baly ami my mymy i hengra i jeng y ati pei ai mo?

LUKA 10:28

Naibaly ni my ly mymy teng y, “Nang i pathang nai teng parai mang: huna nai sa baly nang heng ai,” napi.

LUKA 11:28

Na i py ni my ly, “Ne, na i py Tameuh i leu thai iy patawm naichi ly taham hawi keh,” napi.

JOHAN 14:15

“Nangchi ly kai ai tamen baly kai i leu pei naichi tangai u ai.

I KORINTH 7:19

Lengkhym takip nai ly ati sai py ny y leang; lengkhym takip y nai py ati sai py ny y leang; Tameuh i leu pei naichi patawm ai nai harei awm khyh.

I JOHAN 3:22

hunaibaly achi ly mymy i leu pei naichi patawm iy, mymy i mei ka-niu y atiti kawn ai awm naichi sa reng nai deaungkho y, achi i hnei nai ngierei ly mymy teng i dengdairei nga jojo.

I JOHAN 5:3

Achi i Tameuh ai tamen nai ly mymy i leu pei nai patawm nai ne; mymy i leu pei nai ly myn kaji pho hai nai ny y leang.

AMTENG HAI NAI 22:14

Heng naira dengkeaung y tym ai nai nga thai ai nai hawi, apai katheu mang avang pui y kun thai ai nai py nichi i kanih pasiu naichi ly taham hawi.