LEU KACHENG 19:12 - Khumi Common Language Bible

¹² Samrang i kado theu nai ly khrangsi i hang nai hawi atawm. Na i py ni i mo y meimai nga nai ly aly ngai nai neng khala nai pi nai kanitui hawi atawm nai ne.

LEU KACHENG 19:12 ပူးပေါင်းရင်းမြစ်များ

ATITI AWM ANGCHEI NAI 27:28

Tameuh my nang ai kani mang i dengdairei kadam tla hai iy, nang i lichi py khaileaung kahawi lawn sy; mymy ly nang ai amti amjang hawi kreip hang neangneang pei sy.

2 SAMUELA 23:4

kani nai chum nai bo y khupanym aheang pawn i, khutawimo neng khala achachi kangvang sadi hai nai kanito hawi atawm.”

ESTHER 1:12

Na i py samrangnu Vasati ly tli chum naichi my thui pi nai samrang i leu pei nai tangai y i, mymy i mo y tym pi y nai deaungkho y samrang ly khri pa-rei kado theu bo.

ESTHER 7:8

Ni ly ahui ai nai Esther i ira kadang sahawi y ambeu nai thym khala, samrang ly akho i nai tym teang i, dym biu cha nai meingtym mang y kun bo. Naibaly Haman i sa nai sai niu nai khala y samrang my, “Hini khumi ly samrangnu ai samrang yhm angtheung, kai i mo y my pajang ai nai sa lawh a?” nanai aeu bo. Samrang my hina nai kamta thui nai khala y tli chum naichi ly Haman i meimai y tleang u bo.

SAM 133:3

Heramon mawi salo y tla nai kadam ly Zion mawichi salo y tla nai kamta ne. Huni meingtym ly deungtasarei heng naira napi nai amtheaung naira ai Areng my pei nai meingtym ne.

SAM 72:6

Samrang ly li, hlauchi salo y nai pi nai kanitui kamta py, khaileaung salo y tla nai kani amaichi kamta py lawm sy.

LEU KACHENG 20:2

Kado theu nai samrang ai ly hang hai nai khrangsi ai jei nai kamta jei hyn ba. Ni i kado theu ai nai kachyh reng nai khumi ly amymy ai apadei ai hau nai khumi ne.

LEU KACHENG 28:15

Khumi kamawnchi ly hawi y nai samrang peang nai khala ly kajeaung kamang naira avum ai. Hawi y nai samrang ly hang hai nai khrangsi, ti y baly teicha tlai ai nai amki ryry nai tavym kamta, jei ai hawi parai nai ne.

Parip nai leu 8:4

Samrang i sa nai leaungsaichira y sa thai naira abawi; huna nai y ni i ati mo sa naira y deng patumpati pajau y.

ISAIA 18:4

Baw eng nai katyn kano patheung u! Areng my kai teng y, “Amti amjang tyn nai neng i bi pahui nai dym y, kadamchi tla rypsy nai kamta py, khri pa-rei bi nai neng kani khala kanito ly chai pan naimy angvang phang nai kamta py, kai ly kani pri mang dengdairei chymme naimy khen kathiu ai.

DANIELA 5:19

Ni ly khri pa-rei tahm asang nai deaungkho y, cheng leu cheaungkhang katheu nai khumi neangneangchi hawi, pri neangneangchi ra i khumi bawibawichi ly jei hyn u bo. Ni ly mymy padei ai ngai nai khumi ai padei iy, heng hai ai ngai nai khumi ai heng hai bo. Tahm pasang ai ngai nai khumi ai tahm pasang iy, tahm panem ai ngai nai khumi ai tahm panem nai ne.

DANIELA 6:24

Naibaly samrang ly Daniela ai thui tamawn nai khumi bawibawichi ai patiu hai iy, nichi i aju chanauchi hawi vanrei, khrangsi angawm theung y aphi ai nai leu pei bo. Nichi ly khaileaung y tym y rai khala y my, khrangsichi ly achaw iy hiuchi py, taai piupa pawn nai ne.

HOSEA 14:5

Kani tui ly jengha nai khaileaung y suino hai nai kamta, kai ly Israela khumichi ai tlamsa hai ai. Nichi ly kaseaung kamta pau amthym u ai. Lebanon mawi i dengkeaung keung kamta, tangjyn aviu ai.

MIKHA 5:7

Dei kamthum Israela chengchi ly Areng my tla hai nai kadam kamta, pri neangneangchi ai atho awm hai ai. Thengthai keungchi salo y, nai hai nai kanitui kamta lawm ai. Hunichi ly khumichi i leu tangai y i, Tameuh i leu naini tangai khyh nai ne.

Leu Thui Nai 33:28

Hunai deaungkho y Jakob i kangpreangchi ly kani mang dengdairei kadam tla hai nai pri, choh hawi kreip hang nang nai pri y tlamsa naimy awmnem u bo.