LEU KACHENG 18:5 - Khumi Common Language Bible

⁵ Tara chih naira y, kamngo awm nai khumi ai asa hai iy, kamngo by y nai khumi ai, tara pasum nai ly tamang nai ne.

LEU KACHENG 18:5 ပူးပေါင်းရင်းမြစ်များ

JOBA 34:19

Tameuh ly khumi cheng cheaungkhangchi ai sa nai ne i, samrangchi ai meimai khen patleh y. Khumi kanangchi ai khumi kamawnchi tleaung y meimai khen patleh y leang.

SAM 82:2

“Nangchi adyh adawi y ai nai ly tara chih u moh; khumi hawi y naichi ai meimai khen iy tara chih u reng moh.

THEU NAI 23:2

Khumi kanawichi i tamang naira y abang moh; khumi kanawichi mang y abang iy leu meitang ali hai vui ai nai, teng y nai pany hai nai keung lawm moh.

THEU NAI 23:3

Tara chih nai khala y khumi kamawn nai deaungkho y, khumi kamawn mang y teng y nai pany hai nai keung lawm moh.

THEU NAI 23:6

“Khumi kamawn ai tara chih nai khala y, tara lam teng y nai chih pi moh.

LEU KACHENG 17:15

Kamngo by y nai khumichi ai pajeng nai ai py, khumi hawi y naichi ai pajeng y naimy lawi hai vui nai ai py, Areng ly niu ngai y nai ne.

LEU KACHENG 17:26

Kamngo by y nai khumi ai tangka peh hai nai ly tara lam ny y. Khumi kahawichi ai pajeng nai ly tara lam ai athli hai puipa nai ne.

LEU KACHENG 24:23

Khumi kachengchi ly hini parip nai leu hawi, thui parip nai ne. Meimai khen iy tara chih nai ly tamang nai ne.

LEU KACHENG 28:21

Meimai khen nai ly hawi y. Na i py phyrei tara chih nai keungchi ly un langseaung maidenreichy nga ai nai molam, tau hawi y nai sa u nai ne.

LEU KACHENG 31:5

Nichi ly mhm-rah nei cha u nai khala, tara leu reita ai tami vui iy, khumi kamawnchi i nga ai avo naichi ai, dawndan pi y lawh nai ne.

ISAIA 5:23

Na i py nangchi ly un langseaung nga lawh teu baly, sa tamang nai khumichi ai pajeng y naimy patleaung vui iy, tamang y nai khumichi ai ly kataw kateng chih pi u y.

ISAIA 59:14

Adyh adawi naira ly kamlo y paryh nai avum iy, kateng lam py sahawi y ahai pajau y. Tara chih nai meingtymchira y kateng lam by y. Ka-ym awm naira ly khaw pajau y.

Levi 19:15

Ka-jo kahmchi ai leu meitang naimy chih pi ai nai tla. Khumi kamawn ai patleh takhra moh; kanangchi ai ly meimai khen moh.

MIKHA 3:9

Israela chengchi ai peang nai keung miteaung kehchi awi, tangai u. Nangchi ly leu meitang naimy tara chih nai ai niu ngai y iy, kateng lam ai tamang hai u bo.

MIKHA 7:3

Nichi ly hawi y sa ai naira y kawp nai khumichi ne. Miteaung kehchi hawi tara chih nai keungchi ly un langseaung hnei u reng nai ne. Sa thai naira haidau awm nai khumi i kangai abang iy, nichi ly hawi y nai katau vanrei dawn u bo.

MATTHAI 22:16

Naibaly nichi ly mymychi teng y abangnaichi hawi, Heroda i kamkawmchi ai mymy teng y pato i hunichi my ly, “Sara awi, nang ly khumi meitang ne, Tameuh i lam y py leu meitang khyp naimy patiu iy, ami ai py meimai akhen y, nanai kaichi pany: ati mana nai mo nabaly nang ly ami ai py patle takhra lawh nai py by y.

Leu Thui Nai 16:19

Nichi ly tara chih nai khala teng y nai hawi meimai khen ai nai tlo y, un tangka py cha ai nai tlo y. Huni un langseaungchi ly khumi kachengchi hawi khumi kahawichi i mei paju hai iy, tara lam tamang hai reng nai ne.