LEU KACHENG 18:19 - Khumi Common Language Bible

¹⁹ Nang i ahawi ka-dawi ai sabawm; naibaly ni ly khaw parai nai mary apai kamta, nang ai ama hai ai. Na i py nang ly ni ai ka-jo hau lawh baly, nang ai katheu akho hai vui ai.

LEU KACHENG 18:19 ပူးပေါင်းရင်းမြစ်များ

ATITI AWM ANGCHEI NAI 37:11

Josepha ai ly amjochi my niu ngai y ra bo; na i py ampo my huni amang niu nai ly paleung theung y pateung me jo.

2 SAMUELA 13:22

Abasalom ly my i tuicho Tamar ai Amanon my pajang nai molam y, Amanon ai pipi niu ngai y i, leu arum hai y naimy awm bo.

2 SAMUELA 13:28

Abasalom ly samrangchi hawi amlau nai cha nei pawi pui angveirym iy miseaungchi teng y, “Amanon ly kreip hang nei nai pavui tleaungleaung nai khala y, kaimy leu kang pei ai. Huna nai khala y nangchi ly ni ai tleh u, jei u moh. Kaimy rara ne sy. Vam parai naimy so u! mynkym u moh! " napi.

1 ARENG KEH 12:16

Mymychi i takeng nai leu ai samrang ly tangai pi y leang bo, nanai pany u nai khala y, khumichi my, “Davida teng y achi i cheng by y! Jese i chapo teng y achi yhmtheaung by y! Aw Israela khumichi awi, amychi saleaung y vawi u sina! Aw Davida, nangmy i yhm ai khen teang cham! Rehoboam ly my i vui phai dawn khyh sy!” nanai aeu u. Hunai deaungkho y Israela khumichi ly tiu u nai ne.

2 NENG SATANG 13:17

Abijah hawi ni i tavaimi kamkawm ly Israela chengchi ai tiu pajau nai deaungkho y, Israela sorai risa leaung 500,000 rei dei nai ne.

LEU KACHENG 16:32

Neaung kham pajau nai khumi ly sa thai naira awm nai khumi tleaung y hawi keh. Amy i paleung ai peang ajau nai khumi ly mary puichi ai peang nai khumi tleaung y hawi keh nai ne.

LEU KACHENG 18:18

Sathai naira awm nai, tara sa nai khumi leaung nyhrei ne lawh baly, tara jeung y nini i tara ai tambe va iy, leu pacheang pi pajau nai ne.

LEU KACHENG 18:20

Nang ly nangmy i leu katheu nai tamang baly, katamanglai nga ai.

AMTAW 15:39

Hunaibaly khrikhri pa-rei aei i amprei hawi iy, Barnaba ly Marka ai mymy teng y hawi i Kupra tlawn y paleaung mang chei hawi.

1 SAMUELA 17:28

Davida i amjo kalen Eliaba ly Davida hawi khumichi i arum nai thai nai khala y kado theu i, “Nang ly ati aly hi y jeu nai mo? Daichi ka-vym theung y nang i beramchi ai ly ami my kry mo? Nang i paleung len nai, nang i paleung akhum nai ly kai pany; nang ly tavai ka-tiu khen ai nai jeu nai ngaw khyh!,” napi.