LEU KACHENG 17:8 - Khumi Common Language Bible

⁸ Un langseaung ly mei amhyp patei pi nai kamta, eaung naira pei reng, nanai khumi phyreichi athang khai u. Un langseaung ly ati mora py sa hai pajau, nanai ym u nai ne.

LEU KACHENG 17:8 ပူးပေါင်းရင်းမြစ်များ

ATITI AWM ANGCHEI NAI 32:21

Mymy ly langseaung syn naichi ai mo mang y pato chum baly huni vum ly anawn nai tai theung y i bo.

ATITI AWM ANGCHEI NAI 43:11

Hunaibaly Ampo my nichi teng y, “Hina nai kamta so u; hini pri i theu nai atiti kahawichi napi nai maicha katli maidenrei, khawi hang maidenrei, mui katuichi, mura katli, tavau athai hawi baden athaichi paiso theung y lum iy, samrang i bangtang kalen i vui langseaung syn pi u.

SAM 18:16

Areng ly kani mang dengdairei kiu jaha iy, kai ai amkhaw i, tui thiu parai nai theung i nai, kai ai atheu kalau bo.

SAM 19:6

Ni ly kani khusang kachawn mang dengdairei amteng iy, takhra kachawn mang y taki nai ne. Ni i bi nai ly ati sai py kham pajau y.

SAM 21:13

Aw Areng, nang ly sa thai naira phum-ang awm nai deaungkho y, nang ai kaichi my kang palo u bo! Nang i nang parai nai ai palo nai khulym thui ai.

SAM 29:4

Areng i raawi ly amsau bo. Huni raawi ly sa thai naira hawi, nang parai naira kawi angym nai ne.

THEU NAI 23:8

Un cha nai khumi ly tara lam kateng niu y i, khumi kahawi ai phra hai pajau deaungkho y, un cho moh.

LEU KACHENG 17:23

Sa nai sai teng y nai ai tara chih nai keungchi ly kangviu y pei nai un langseaungchi talam u reng. Hunai deaungkho y, kateng lam tara chih pi thai y.

LEU KACHENG 18:16

Miteaung keh leaungrei hawi avum ai ngai nai khumi ly langseaung syn ai nai tla; hunaibaly rai y.

LEU KACHENG 21:14

Khumi leaung leaungrei hawi aly akhang y nai awm lawh baly, kangviu y pei nai langseaung ly kado theu naira rym hai vui pajau.

Parip nai leu 7:7

Khumi leaung leaungrei ai li-tapawp nai khumi kacheng ly khumi ka-khum i sa nai kamta sa nai khumi ne.

ISAIA 1:23

Nang i miteaung kehchi py langmeang thau naichi, kangviu ai atho pei naichi lawm u bo. Nangchi ly un langseaungchi la u teu i py, Tara jeungra y nuro nukai chochi ai amo hai u y. Lumai cheaungtichi i ka-jo ka-thuichi ai py, tangai iy chih pi y.

AMOS 5:12

Nangchi ly mana tanrei kamngo sa tamang iy, nangchi i kamngo ly mana tanrei jei ai hawi na mo, nanai kai pany. Nangchi ly khumi kahawichi ai ana iy, un tangka cha u. Khumi kamawnchi ai kateng chih y naimy, nichi ai tara jeung i dengdairei patheu u nai ne.

MIKHA 7:3

Nichi ly hawi y sa ai naira y kawp nai khumichi ne. Miteaung kehchi hawi tara chih nai keungchi ly un langseaung hnei u reng nai ne. Sa thai naira haidau awm nai khumi i kangai abang iy, nichi ly hawi y nai katau vanrei dawn u bo.

Leu Thui Nai 16:19

Nichi ly tara chih nai khala teng y nai hawi meimai khen ai nai tlo y, un tangka py cha ai nai tlo y. Huni un langseaungchi ly khumi kachengchi hawi khumi kahawichi i mei paju hai iy, tara lam tamang hai reng nai ne.

1 SAMUELA 25:35

Naibaly Davida ly Abikaila my syn pi nai langseaungchi talam i ni teng y, “Nang i sa hai ai ngai nai kamta kasa ai; paleung mawn y naimy yhm mang y vawi ba,” napi.