LEU KACHENG 17:17 - Khumi Common Language Bible

¹⁷ Ahawi ka-dawichi ly avawrei atamen u reng nai ne. Patang naira avum nai khala, asabawm leungtang vai y nai amjo amnauchi ly ati hawira awm ai mo?

LEU KACHENG 17:17 ပူးပေါင်းရင်းမြစ်များ

2 SAMUELA 1:26

“Kai i amnau Jonathan awi, kai ly nang i vui paleung si parai bo; kai ly nang ai khri pa-rei tamen na a! Kai i tlang tleaung y nang i tamen nai ly lyh ai nai hawi parai i, neampachychi i tamen nai tleaung y py ty keh.

2 SAMUELA 15:21

Na i py Itai my, “Samrang awi, kai ly dei ai nai ne teu i py, samrang nang i chei naira tleirei y abang veangveang ai, nanai Areng i amyn y kai ly vaineng abeu bo,” nanai pathang.

ESTHER 4:14

Nang ly vai hini neng y ati sai py so naimy awm pypy vui lawh ai na baly, Juda chengchi ly kani pri mang i dengdairei kasabawmra nga iy atleura nga ai. Na i py nang ai ly ang padei ai i, ngampo i yhmtheaung py tama ai; nang samrangnu lawm nai ly hini neng i vui y ne na a!” napi.

LEU KACHENG 16:28

Khumi hawi y naichi ly ka-cheh leuchi ahei hai reng. Nichi ly ka-jo ka-thui kachyh iy, ado y ai nai sa u reng nai ne.

LEU KACHENG 18:24

Phyrei ahawi ka-dawichi ly kakra amkawm ai nai ngo y. Na i py phyrei ahawi ka-dawichi ly amjo amnau kypkyp tleaung y malawn py, khri pa-rei ka-ym awm nai ne.

LEU KACHENG 19:13

Chapo ka-khum ly ampo ai taham si hai pajau. Josei ham nai aju ly avawrei leaungdau leaungdau nai, kachie tui hawi atawm.

LEU KACHENG 19:7

Khumi kamawn i amjo amnauchi molam py, ni hawi amkawm ai nai ngai u y; huna nai y ni teng y ahawi ka-dawi by y nai ly lyh ai nai by y. Ni ly khri pa-rei atho sa iy, ahawi kamrawi asa teu i py, ahawi leaungrei py ngo y.

HEBRAI 2:11

Pachai nai keung hawi mymy i pachai naichi py sangum vanrei ne; hunai deaungkho y mymy ly nichi ai amjo amnau, nanai amyn pathi ai nai kaji hai y i,

RUTHI 1:16

Na i py Ruthi my, “Ni nang hawi amprei vui ai nai kai ai atho so hai moh! Kai ly nang hawi vanrei abang ai. Kai ly ni nang i chei naira mang y chei ai; ni nang i awm naira y kai py awm teang ai. Ni nang i chengchi ly kai i chengchi ne, nang i Tameuh ly kai i Tameuh ne.

1 SAMUELA 18:3

Jonathan ly Davida ai khri pa-rei tamen nai deaungkho y, deungtasarei ahawi kamrawi asa ai nai vaineng adeu bo.

1 SAMUELA 19:2

Davida teng y, “Kai i ampo ly nang ai padei ai nai khri pa-rei atho sa bo. Khawndam khawn ly adawn ryhpatyh naimy aheu ba.

1 SAMUELA 19:3

Kai ly nang i awm nai li-prang y chei iy, ngaai sahawi y angdo naimy nang i satang thui pi ai. Ni teng i satang ha harei nga baly, nang ai kang thui pi ai,” napi.

1 SAMUELA 20:17

Jonathan ly Davida ai, amymy ai tamen nai kamta tamen nai deaungkho y, mymy ai py tamen teang ai nai adeu hai bo.

1 SAMUELA 23:16

Huna nai thym khala y Jonathan ly Davida teng y tym i, Tameuh i kry nai sai ai ym ai nai atho pei iy,