LEU KACHENG 17:13 - Khumi Common Language Bible

¹³ Hawi naira ai hawi y naira hawi, patlai teang reng nai khumi i yhm ly hawi naira awm ai ny y.

LEU KACHENG 17:13 ပူးပေါင်းရင်းမြစ်များ

2 SAMUELA 12:10

Nang ly kai i leu pei nai tangai y naimy, Uriah i aju ai la veng nai deaungkho y, nang i kangpreangchi teng y ka-jei hawi parai naimy dei naichi awm ai.

1 ARENG KEH 21:22

Nang ly Israela mipuichi ai kamngo sa ai nai pahawi nai ne iy, nang i yhm dengtheungchi ly Neba i chapo samrang Jeroboam i yhm dengtheungchi hawi, Ahija i chapo samrang Baasa i yhm dengtheungchi kamta lawm ai.’

SAM 35:12

Nichi ly kai ai kahawi palawn u y bo. Hunai deaungkho y kai ly khri pa-rei paleung phra nai ne.

SAM 38:20

Kai ly kateng sa ai nai atho sa nai deaungkho y, hawi naira ai hawi y naira hawimy patlai reng nai khumichi ly kai ai ka-awi sa u bo.

LEU KACHENG 13:21

Kamngo sa nai khumichi chei naira y, taham kasi abang reng; na i py khumi kahawichi ly hawi naira nga u ai.

MATTHAI 27:25

Naibaly khumi humchi bawibawi ly, “Ni i thi ly kaimychi i tlang tleaung y hawi, kaichi i chanauchi i tlang tleaung y py awm sy,” napi nai pathang.

MATTHAI 27:5

Naibaly ni ly tangka ai ly meingtym kachai y aphi vui iy leh veng i akaeu veng bo.

ROM AVANGCHI TENG Y PAWLA I CHA PA NAI 12:17

Ami i kamngo py kamngo nai vawitheung tha u moh. Khumi bawibawichi i mei ka-niu y atiti apu ai naira dawn u rym.

I THESALONIKA 5:15

Ami i hawi y sa nai py hawi y sa nai vawitheung tha y ai nai amkym u; nangchi i atiti sa pi leungtang naira y hawi, khumi bawibawichi i tlang tleaung y sa pi naira y py hawi nai ngierei ai phai hui u jojo.

I PETERA 3:9

hawi y sa nai ly hawi y sa nai vawitheung tha u moh ly, jo sei nai py jo sei nai vawitheung tha u moh; hunai kamta ny y naimy amtheaung hai:ati mana nai mo nabaly nangchi ai ly amtheaung naira amtym ai nai ang palau veng bo.

1 SAMUELA 19:4

Jonathan ly ampo Sawla teng y, Davida ai palo naimy thui pi nai ly “Samrang awi, nang i miseaung Davida i tlang tleaung y tamang naira so moh; ni ly nang ai mana khala py, tamang vai y leaung; nang ai py tiu vai y leang. Ni i sa nai ngiereichi ly nang i vui kasabawmra lawm nai ne.

1 SAMUELA 24:17

Naibaly ni ly Davida teng y, “Nang ly teng iy kai ly tamang bo; kai ly nang ai hawi y parai nai sa i py, nang ly kai ai pahen lawh ly!

1 SAMUELA 25:21

Hina nai avum tlui y rai khala y, Davida my hina nai thui; “Ati mana nai daichi ka-vym theung y huni khumi i vawnsaichi ai kakry pi law mo? Huna nai ni ai sabawm pi nai deaungkho y, kahawi sa nai ai ly kahawi palawn pi y lawh ly!