LEU KACHENG 16:32 - Khumi Common Language Bible

³² Neaung kham pajau nai khumi ly sa thai naira awm nai khumi tleaung y hawi keh. Amy i paleung ai peang ajau nai khumi ly mary puichi ai peang nai khumi tleaung y hawi keh nai ne.

LEU KACHENG 16:32 ပူးပေါင်းရင်းမြစ်များ

2 ARENG KEH 5:12

Naibaly Damaska mary y awm nai Abana tavo hawi Pharpa tavochi ly Israela pri i tavochi tleaung y hawi keh nai ny y a? Huni tavochira y tui ahiu baly no roka hawi pajau nai ne!” nanai thui iy vawi vui bo.

SAM 103:8

Areng ly tamen nai hawi pahen nai keung ne iy, paleung sau neaung hawi nai deaungkho y, khaw parai nai tamen naira hawimy kawi angym nai ne.

LEU KACHENG 14:29

Paleung amkyn thai reng nai khumi ly kacheng ne; na i py paleung dawi nai khumi ly mymy i hawi y nai sai patei nai ne.

LEU KACHENG 15:18

Paleung dawi nai ly leu ka-eichi lawm hai reng; na i py paleung sau nai ly aly naira lawm hai reng nai ne.

LEU KACHENG 16:19

Paleung apanem nai hawi kamawn lawm nai ly paleung len nai khumichi hawi amkawm iy, lawmra i vawnsai phy nga nai khumi leaungrei tleaung y hawi keh.

LEU KACHENG 16:31

Heng sau nai ly khumi kahawichi i, nga reng nai kawn vang ne. Sam pau nai ly tahm awm nai areng lukhym ne.

LEU KACHENG 16:33

Khumichi ly Tameuh i kangai pany pajau ai nai tambe va iy, khen u reng. na i py pathang pi pajau nai keung ly Tameuh ne.

LEU KACHENG 19:11

Pany thai naira awm nai khumi ly my i kado theu nai amkyn ai. Ami my kado theu hai nai ai dawndan pi y nai ly khumi kahawi i kaja ne.

LEU KACHENG 25:15

Paleung sau parai naimy thui pi rypsy nai leu ly paleung tang nai khumi ai paleung nau hai pajau. Samrangchi ai malawn py, pany hai pajau nai ne.

LEU KACHENG 25:28

Amy i kado theu nai ai am-yh pajau y nai khumi ly mary apai by y nai deaungkho y, daihaulau nai mary hawi atawm nai ne.

Parip nai leu 7:8

Ati mo sai sairei ai patem vui nai ly amteaung nai tleaung y hawi keh; paleung amnym nai ly amlyh am-e nai tleaung y hawikeh.

Parip nai leu 7:9

Nang i kado theu nai ly am-yh vui; paleung ka-e khai nai ly akhum nai ne.

ROM AVANGCHI TENG Y PAWLA I CHA PA NAI 12:21

Kamngo my ly nang ai pajau ai nai pei moh, hawi sa naimy naini kamngo ai pajau.

EPHESI 5:1

Hunaibaly mymy i chanau ngai parai naichi kamta Tameuh i amtiu nai khumichi lawn u.

JAKOB 1:19

Amjo amnau ngai parai naichi awi, huna nai nangchi pany. Na i py khumi leaung leaungrei tangai akaneu sy, leu thui ai nai awn moh sy, kado theu ryp moh sy;

AMTENG HAI NAI 3:21

Kai ly pajau i Ngaai teng y ni i areng atehra y ka-teh nai kamta ly, pajau nai keung ai ly kai teng y kai i areng atehra y ka-teh hai ai.