LEU KACHENG 16:21 - Khumi Common Language Bible

²¹ Tau cheng naira angym nai khumi ly cheng naira awm nai khumi, nanai amthang reng. Ni ly leu tui nai hawimy ami i paleung ai parawi pajau nai ne.

LEU KACHENG 16:21 ပူးပေါင်းရင်းမြစ်များ

1 ARENG KEH 3:12

nang i hnei nai kamta kang sa pi ai. Nang ny y rai khala i ami py ngo vai y nai, nang i bo y py nga ai ny y nai cheng naira hawi pany thai naira ly nang ai kaimy kang pei ai.

SAM 45:2

Nang ly khumi neangneangchi tleaung y mo-cha hawi nai ne. Vang teng nai leu katheu reng. Hunai deaungkho y Tameuh teng i amtheaung naira nga jojo nai ne.

LEU KACHENG 10:13

Tau cheng nai khumichi ly vang teng nai leuchi katheu reng; na i py khumi hawi y naichi ly pajeng naira avum ai ataing nai khumichi ne.

LEU KACHENG 10:23

Khumi ka-khum ly kamngo sa naira y amo theu reng; tau cheng nai khumi ly cheng naira y paleung ano reng.

LEU KACHENG 10:8

Tau kacheng awm nai khumichi ly tau kahawichi ngai u reng; ka-khum leu katheu reng nai khumichi ly phra u ai.

LEU KACHENG 15:7

Tau cheng naira ai ahei hai nai khumichi ly khumi ka-khumchi ny y i, khumi kachengchi ne.

LEU KACHENG 16:22

Tau cheng naira ly khumi kacheng i vui y, hengra tuino ne; na i py khumi hawi y nai ai thui parip nai ly neng pasum atyhtyh nai ne.

LEU KACHENG 23:15

Deang awi, nang ly cheng naira amtiu nai kawp baly, kai ly khri pa-rei amo theu ai.

LEU KACHENG 27:9

Rimiu hawi mui katuichi ly khumi i paleung ai amo theu hai. Na i py ngari kamtang ly paleung awmnemra ai phra hai vui nai ne.

Parip nai leu 12:10

Leu kathiu dawn pasym kawp nai khumi kacheng ly paleung awm hai nem nai leuchi ai atho sa iy hau bo. Na i py ni i tajiu nai leaungsaichi ly ka-ym awm nai leuchi ne.

ISAIA 50:4

Atho bai nai khumi ai atho awm teang ai nai mana atho pei ai mo, nanai kai Areng my leu pei nai ne. Mymy thui pi ai naichi tangai ai nai mymy ly kai ai khawn tleirei, awn hai na bo.

HOSEA 14:9

Tau cheng nai khumi hawi dawn pasym thai nai khumichi ly hini cha-iura tajiu nai ngiereichi ai dawn pany thai iy, paleung theung y pateung u me na sy. Areng my khai pi nai reitachi ly teng nai deaungkho y khumi kahawichi ly huni reita lamchi kamta tangai iy, heng u bo. Na i py kamngo sa nai khumichi ly huni reita lamchira y tako u y nai deaungkho y, athei thleaung iy atlym u nai ne.

MATTHAI 11:25

Hunai thym khala y Isu ly pathang i, “Aw Ngaai, kani khaileaung Areng awi! Nang ly khumi kacheng hawi paleung ha naichi teng y hini leu payh iy, deaungdi chymplei naichi teng y amteng hai nai deaungkho y kang palo mang.

LUKA 4:22

Naibaly nichi bawibawi ly mymy ai kawn iy ni i labeaung i theu nai tamen nai leu ly lyh parai na i, “Hini khumi ly Josepha i chapo ny y lawh kha?” napi.

JOHAN 7:46

Miseaung luchi my ly, “Hunai kamta khumi ami py tlen py leu thui vai y leang,” nanai pathang.

ROM AVANGCHI TENG Y PAWLA I CHA PA NAI 16:19

Nangchi i leu tangai nai sai ly khumi bawibawichi theung y amthang veng bo. Hunai deaungkho y kai ly nangchi i tlang tleaung y kakawn; na i py nangchi ly atiti kahawi mang y ly cheng u iy, kamngo mang y ly cheng u y ai nai kang ngai.

JAKOB 3:17

Na i py salo mang i dengdairei cheng naira theu nai ly angchei y chai vui rai, hunai bo y ly aly ai nai ngai i neaung py hawi parai, ado ai nai py ngai, pahen naira hawi athai kahawi my kawi, naibaly patle takhra y i tapawp nai py by y.