LEU KACHENG 16:18 - Khumi Common Language Bible

¹⁸ Amlyh am-e parai nai ly phra naira mang py, paleung len naira ly atlym naira mang py, pahawi nai ne.

LEU KACHENG 16:18 ပူးပေါင်းရင်းမြစ်များ

ESTHER 3:5

Hina nai Modekai ly lu meung ai nai ngai y nai satang thai nai khala y Haman ly khrikhri pa-rei kado theu nai ne.

ESTHER 6:6

Hunaibaly Haman ly samrang teng y kun bo; huna nai khala samrang my ni teng y, “Kai ly tahm pasang ai ngai nai khumi leaungrei awm; huni khumi ai ati mana tahm kapasang ai mo?” nanai deng. Haman ly samrang my ami ai tahm pasang ai ngai nai mo, kai ai naini ne ngaw khyh,” nanai adawn.

ESTHER 7:10

Huna nai y Haman ly Modekai i vui leng pi nai akaeura yhmmawmra y my akaeu iy dei nai ne. Huni bo y amran ly kado theu nai rym bo.

LEU KACHENG 11:2

Amlyh am-e nai khumichi ly kra y naimy tahm anem u ai; paleung apanem nai khumichi ly cheng nai khumichi ne.

LEU KACHENG 17:19

Kamngo ai khrei nai khumi ly ka-jo ka-thui ngai nai ne. Avawrei leu ali len nai khumi ly patang naira hau nai khumi ne.

LEU KACHENG 18:12

Paleung apanem nai khumi naini, khumi takhrachi my tahm khai. Paleung len nai khumichi ly phra nai mang y amhi u nai ne.

LEU KACHENG 29:23

Amlyh am-e parai nai khumi ly tahm by y ai. Na i py paleung apanem nai khumi ly tahm asang naira nga ai.

LEU KACHENG 8:13

Areng ai jei kaji naimy tahm khai nai ly hawi y naira ai amso ngai nai py ne. Kai ly paleung len nai hawi amlyh nai, hawi y nai lam y tako nai hawi ka-chawi thui nai leuchi ai niu ngai y nai ne.

ISAIA 37:38

Kanirei nai khala y ni ly my i tameuh Nisaroh i achura yhm y chiu sa; chiu nai thym khala, my i chapo Adrammele hawi Sareza nini ly samrang ai myni i haisau hawi tleh iy, Ararat pri mang y preang hawi veng bo. Takhra chapo leaungrei Esarahadon ly ampo i meingtym y atheng nai ne.

JEREMIA 49:16

Nangchi i amlyh am-e naira my, nangchi ai ang tapawp bo. Nangchi i athang khai nai kamta, ami py nangchi ai jei u y leang. Nangchi ly mawi saleungra i lengseaung ka-sang salo y awm u nai ne. Na i py hunai kamta ahmtlau tanrei ka-sang y awm u teu i py, Areng ly nangchi ai pala kathiu ai. Hini ly Areng i thui nai leu ne.

JEREMIA 50:32

Amlyh am-e nai nangchi i pri ly athei iy atlym ai. Angthau teang ai nai nang ai ami py sabawm ai ny y. Kai ly nangchi i marychi ai mai kang hai ai i, nangchi tengpang sahawi y awm nai ngiereichi ly phra ai,” napi.

Ezekiela 28:17

Nang ly nangmy i mo-cha kahawi ai amlyh iy nangmy i amyn amthang naimy ly khumi ka-khum kamta lawm hai bo. Huna nai y kai ly khaileaung y khrairei tahm panem iy samrang takhrachi pany pa-rei amtiura lawm hai ai.

Ezekiela 29:9

Aikupta pri ly khumi angso savai tlang nai meingtym lawm ai. Huna nai khala kai ly Areng ne, nanai nichi pany u ai. “Naing tavo ly nangmy i peang nai, nangmy i palum nai ne, nanai thui nai deaungkho y,

DANIELA 11:12

Ni ly tavai eaung nai molam y py, tavaimi neangneangchi ai padei pajau nai deaungkho y py, amlyh am-e ai. Na i py ni ly eaung naira nga bi ai ny y.

DANIELA 5:22

“Na i py ni i chapo nang ly huni bawibawichi pany teu i py, amymy ai paleung apanem y lawh.

DANIELA 5:24

Hunai deaungkho y Tameuh ly kiu pato iy, hini cha lam tajiu hai nai ne.

MATTHAI 26:74

Naibaly ni my ly, “Hini khumi ai ly kai pany y,” nanai pasawi iy vaineng abeu amteaung bo. Naibaly a kheaung praw ryp bo.

LUKA 14:9

naibaly nang ly kangji nga naimy atehra hawi y kehkeh naira y ateh makho lawh na.

ROM AVANGCHI TENG Y PAWLA I CHA PA NAI 11:20

Ne khyp; nichi ly ym naira by y nai deaungkho y nichi ai tleu hai veng, nang naini ym naira awm nai deaungkho y angdo nai ne. Am-e moh ly, jei phai jei.

I TIMOTHEI 3:6

ym nai khumi kangtha ly avo y, ti y baly am-e ai i, diabola i sum naira y tym teang lawh na.

TARA CHIH NAI KEUNGCHI 11:28

Na i py Ammon samrang Japheth ly, pathang teang nai leu ai ati sai py tahm pateng pi y.

1 SAMUELA 17:42

Naibaly ni ly Davida ai hawihai palai khen nai khala y, Davida ly khen apu parai nai deaungdi leaungrei teu, nanai niu nai y, ni ai panui hai bo.