LEU KACHENG 15:9 - Khumi Common Language Bible

⁹ Areng ly khumi hawi y naichi i reita lam ai ly paso; na i py leu meitang teaung nai khumichi ai ly khrei nai ne.

LEU KACHENG 15:9 ပူးပေါင်းရင်းမြစ်များ

SAM 1:6

Areng ly khumi kahawichi ai pahawi iy kry ai; na i py khumi hawi y naichi ly tama u ai.

SAM 11:7

Areng ly hawi nai ne i, kahawi sa nai khrei; kahawi sa naichi ly mymy i meimai niu u ai.

SAM 139:24

Kai ly hawi y nai lam mang y abang mo, abang y mo, nanai cham iy kai ai deungtasa lam mang y pahawi ba.

SAM 5:5

Paleung len naichi ly nang i mo y kun ai nai ngo y; nang ly khumi hawi y nai bawibawichi ai niu ngai y bo.

LEU KACHENG 15:10

Hawi y sa nai khumi ly khri pa-rei pajeng naira avum ai; thui parip nai tangai y nai khumi ly dei areu ai.

LEU KACHENG 21:21

Neaung hawi iy pahen reng nai khumi ly heng sau ai. Khumi takhra my tahm khai ai i, hawihai palai my amkawm ai.

LEU KACHENG 21:4

Tahm apasang nai mei, amlyh am-e nai paleung hawi, hawi y nai sai bawibawichi ly kamngo ne.

LEU KACHENG 21:8

Kamngo awm nai khumichi ly lam ka-kawi mang tako u reng; kamngo by y nai khumichi ly kateng sa u reng nai ne.

LEU KACHENG 4:19

Na i py khumi hawi y naichi i tako nai lam ly vum kamta veng nai ne. Nichi ly atlym i py, mychi ati ai pathuikhe iy atlym nai mo, nanai pany u y.

LEU KACHENG 8:13

Areng ai jei kaji naimy tahm khai nai ly hawi y naira ai amso ngai nai py ne. Kai ly paleung len nai hawi amlyh nai, hawi y nai lam y tako nai hawi ka-chawi thui nai leuchi ai niu ngai y nai ne.

ISAIA 26:7

Aw Areng, nang ly khumi kahawichi i lam taw hai bo; nichi i tako nai khuleaung lam py, adyh parai nai ne.

ISAIA 51:1

Areng my, “Nangchi atleu naira nga ai ngai nai khumichi awi, kasabawmra hnei ai nai kai teng y jeu nai khumichi awi, kai i leu tangai u. Nangchi ai thiu nai lengseaung ai khen u. Nangchi ai tai nai lengseaung kho ai khen u.

ISAIA 51:7

“Leu meitang pany nai khumichi awi, kai i patiu pi nai leu ai dawn thleng nai khumichi awi, kai i thui nai leu tangai u. Nangchi ai kangji kangai pei iy, khumichi my thui tamawn nai khala jei u mo?

JEREMIA 44:4

Kai ly kaimy i miseaung amochi ai, nangchi teng y avaw avawrei kang pato pi nai ne. Amochi my py nangchi ai, kai i niu ngai y nai amso ngai naichi so y ai nai ang thui pi.

HOSEA 6:3

Achi ly Areng ai pany ai nai atho so u sina. Khawn khutawi reng nai kamta, nicho neng khala khaileaung salo y kani nai hai reng nai kamta, mymy ly achi teng y ang jeu takengkei ai,” nanai thui u bo.

HABAKKUK 1:13

Na i py nang ly khumi hawi y nai, ka-ym by y nai khumichi tlang tleaung y mana nai kham pi pajau ai mo? Nang i mei ly khri pa-rei chai parai nai ne i, hawi y nai ai khen pajau y. Nang ly khumichi i sa tamang nai py, kham pi pajau y. Hunai deaungkho y amychi tleaung y kabo kaja hawi nai khumichi ai, huni khumichi my taphra nai khala nang ly ati mana nai y awm pypy lawh mo?

MATTHAI 7:13

“Katheu pa-kho kamchei mang y kun u; tama ai naira y tym ai nai lam ly kau i, katheu pa-kho py len parai; huni mang y kun naichi ly nawi parai veng.

Leu Thui Nai 7:13

Mymy ly nangchi ai tamen iy amtheaungra pei nai deaungkho y, nangchi ly peung ai i, cho chanau neangneang sa u ai; mymy ly nangchi i li hlauchi ai amtheaung hai nai deaungkho y, amti amjang, kreip hang hawi olive asitui neangneang nga u ai Mymy ly nangchi ai amtheaung hai nai y, si, beram tawnbawichi py peung ai. Nangchi i amsi pajochi teng adeu nai pri y nangchi tym nai khala, huni amtheaung nairachi ang pei ai.

I TIMOTHEI 6:11

Na i py nang, Tameuh i khumi awi, huni atitichi ai ly angpreng veng! Hawi naira hawi, Tameuh ai dawn ryhryh naira hawi, ym naira hawi, tamen naira hawi, kham pajau naira hawi, leu anui naira ai py hui veangveang.

II TIMOTHEI 2:22

Hunaibaly thawndeang thym khala i ngai phi teng y nairachi ai ly angpreng veng, naibaly paleung kamchym y Areng ai palau nai ngiereichi hawi vanrei hawi naira hawi, ym naira hawi, tamen naira hawi, aly naira py hui jojo.