LEU KACHENG 15:8 - Khumi Common Language Bible

⁸ Areng ly khumi kahawichi i chiu sa nai ai kawn pi; na i py khumi hawi y naichi i, apathyp nai tawnbawichi ai ly paso nai ne.

LEU KACHENG 15:8 ပူးပေါင်းရင်းမြစ်များ

2 SAMUELA 15:12

Kapathyprachi talam nai thym khala y Abasalom ly Kilo mary y khumi pato i, Davida ai tau pei nai keung, Kilo mary y awm nai Ahithophela ai palau. Abasalom nithun y abang naichi ly nawira nawira nai hawi vanrei, samrang ai tiu ai nai kangviu y dawn pasym nai ly atho awmra nai ne.

1 ARENG KEH 3:10

Areng ly Solomon i hina nai hnei takeng nai ai kawn pi nai deaungkho y,

1 NENG SATANG 29:17

Nang ly khumi lutengchi i paleung khen iy, khumi meitangchi ai nang ly tamen, nanai kaichi pany. Kai ly paleung ka-dawn kahawi hawimy, hini vawnsaichi nang teng y kang talam bo. Hini meingtym y awm achu nai nang i khumichi py, nang teng y talam ai nai nga nai deaungkho y, mana tanrei amo theu u na mo, nanai kai ly niu bo.

SAM 141:2

Kai i chiu sa nai ly dym mang y kapathypra talam nai kamta kawn pi kyh ba.

SAM 17:1

Aw Areng, adyh adawi ai nai molam y, kai i takeng nai tangai pi kyh ba. Kasabawmra nga ai nai kai i aeu nai raawi dawn pi patyp kyh ba! Kai ly neaung hawi parai naimy hnei takeng nai ne i, kai i chiu sa nai tangai pi kyh ba.

LEU KACHENG 10:24

Khumi kahawichi ly mymychi i ngai naichi nga angym reng; nai py khumi hawi y naichi ly khri pa-rei ka-jeirachi avum u ai.

LEU KACHENG 15:29

Areng ly khumi kahawichi i chiu sa nai tangai pi; na i py khumi hawi y naichi i chiu sa nai ai ly dawndan pi y nai ne.

LEU KACHENG 15:7

Tau cheng naira ai ahei hai nai khumichi ly khumi ka-khumchi ny y i, khumi kachengchi ne.

LEU KACHENG 21:27

Areng ly khumi hawi y naichi i, apathyp nai tawnbawichi ai niu ngai y. Chai y nai paleung hawi apathyp nai khala, niu ngai y keh nai ne.

LEU KACHENG 21:3

Areng ly kapathypra talam nai tleaung y ly leu meitang adyh adawi nai ai kawn keh.

LEU KACHENG 28:9

Reita leu pei naichi ai tangai y nai khumi i chiu sa nai ly Tameuh my paso ai.

Parip nai leu 5:1

Nang ly Achura yhm y chei nai khala hawihai adawn ba. Hawi nai hawi y nai khawilang takhra ai pany y nai khumi ka-khum i apathyp nai tleaung y ly huni meingtym y chei iy tangai nai ly hawi keh alam nai ne.

Solomon i khulym 2:14

Nang ly lengseaung sala y abyh nai amprym buhu hawi atawm. Khrei ai hawi parai nai nang i meimai khen kyh rai si; raawi kahawi tangai kyh rai si.

ISAIA 61:8

Areng my, “Kai ly leu meitang adyh adawi nai ai kawn, lawm nai hawi pahyp y naimy ana nai ai ly niu ngai y. Kai i khumichi teng y ka-ym awm nai kawn vang pei ai Nichi hawi py deungtasarei leu maikawm asa ai.

ISAIA 66:3

“Khumichi ly mychi i kangai sa u reng nai ne. Mychi i vui si tleh iy apathyp nai ly khumi ai padei iy apathyp nai hawi atawm. Beram pathyp nai hawi ui pathyp nai py vanrei ne. Amti amjang talam nai ly eu thi talam nai hawi atawm. Mui katui leng patlum iy talam nai ly myn ai chiu nai hawi atawm teang. Nichi ly amso ngai ai hawi chiu sa naichira y amo theu u lawh nai ne.

JEREMIA 6:20

Seba pri i dengdairei nichi syn nai kathan py, pri kamlora i syn nai mui katui py, kai aly ngai y. Nichi i katalamrachi kai ngai y; nichi i kapathyprachi py kai ngai y,” napi.

DANIELA 9:23

Nang ly Tameuh teng y hnei takeng amteaung nai khala, mymy ly nang i chiu sa nai pathang pi bo. Mymy ly nang ai tamen nai deaungkho y, mymy i pathang nai leu nang teng y thui pi ai nai, kai ai pato nai ne. Vai ly amteng hai nai leu thui pi pachai nai thym khala y, hawihai palai tangai ba.

Levi 7:18

Pa-thom kani y khrairei palai nai mawi cha lawh baly, Tameuh my nang i talam nai kawn pi ai ny y; talam nai khumi py hawi naira nga ai ny y. Huni tawnbawi ly chai y i, tawnbawi mawi cha nai khumi py kamngo tla ai.

MIKHA 6:6

Kani pri mang y awm nai Areng Tameuh teng y chiu sa ai nai jeu nai khala y, kai ly ati kapathypra syn ai mo? Veung hawi nai si cho ai leng patlum ai nai kasyn ai a?

MIKHA 6:7

Kai ly beram sang neangneangchi ai py, olive asitui tavo leaung na pa-rei py, kasyn baly Areng my kawn pi na a? Kai i kamngo lawi ai nai nang teng y kai i chapo chalu talam ai a?

HAKAI 2:14

Naibaly Hakai my, “Hunai kamta teang, hini pri i khumichi hawi nichi i sa nai leaungsaichi ly chai y nai deaungkho y, maicham salo y talam nai kapathypra ngierei py chai y, nanai Areng my leu pei bo,” napi.

MALAKHI 1:10

Ati cheaungkhang sa thai nai Areng my, “Kai i maicham salo y, chai y nai maichi teaung y ai nai khumi leaungrei my Achura yhm katheu pa-khochi kho veng nai awm i khyly, mana tanrei hawi ai mo? Kai ly nangchi ai kawn y leang. Kai teng y nangchi syn nai katalamra py, kang kawn pi y leang.

JOHAN 4:24

Tameuh ly Phailo ne; mymy ai chiu nai keungchi ly phailo hawi meitang khyp naimy ni ai chiu ai nai tla,” napi.