LEU KACHENG 15:33 - Khumi Common Language Bible

³³ Areng ai jei kaji naimy tahm khai nai ly cheng naira amtiu nai ne. Tahm asang ai nai ngai nai khumi ly paleung apanem ai nai tla.

LEU KACHENG 15:33 ပူးပေါင်းရင်းမြစ်များ

ESTHER 2:15

Abihaila i chaniu, Modekai i tuicho lengsang, pacho nai chaniu, niu nai ngiereichi my lyh riri nai Esther ly samrang teng y kun ai nai neng tym nai khala y, anglo i-savang kry nai keung tli chum nai Hekai my pateaung pi nai ateaungchi amthyp iy chei bo.

JOBA 28:28

Tameuh my khumichi teng y, “Tau cheng naira awm ai nai Areng ai jei naimy tahm khai ai nai tla. Tau cheng naira nga ai nai, hawi y nai asyn vui ai nai tla,” nanai leu pei bo.

SAM 111:10

Areng ai jei kaji thai nai ka-dawn ly cheng naira i pakeung sangum ne; Reita leu patawm nai khumi bawibawichi teng y meitang naimy leu pacheang pajau ai nai, mymy ly pei bo. Mymy ai ly deungtasarei palo u jojo sy.

SAM 34:11

Deaungdi ahawichi awi, kai teng y jeu iy kai i leu tangai u; Areng ai tahm khai thai ai nai, nangchi ai kaimy kang patiu pi ai.

LEU KACHENG 1:2

Hini leu kachengchi ly nang ai cheng naira hawi tau kahawichi nga hai iy, thiu parai nai leuchi pany praw thai ai nai ang sabawm ai mang.

LEU KACHENG 1:7

Areng ai jei kaji naimy tahm khai nai ka-dawn ly tau cheng naira i pakeung sangum ne. Khumi hawi y naichi ly cheng naira ai tahm khai u y; amtiu ai nai py ngai u y.

LEU KACHENG 15:32

Patiu pi nai ai tangai y nai khumi ly amy ai sum hai nai khumi ne. Thui parip nai ai tangai reng nai khumi ly cheng tleaung chengra ai.

LEU KACHENG 16:1

Khumi ly amy i paleung y dawn tau naichi sa pajau; na i py kangkhym y ly Tameuh i kangai naini lawm ai nai tla.

LEU KACHENG 18:12

Paleung apanem nai khumi naini, khumi takhrachi my tahm khai. Paleung len nai khumichi ly phra nai mang y amhi u nai ne.

LEU KACHENG 29:23

Amlyh am-e parai nai khumi ly tahm by y ai. Na i py paleung apanem nai khumi ly tahm asang naira nga ai.

LEU KACHENG 8:13

Areng ai jei kaji naimy tahm khai nai ly hawi y naira ai amso ngai nai py ne. Kai ly paleung len nai hawi amlyh nai, hawi y nai lam y tako nai hawi ka-chawi thui nai leuchi ai niu ngai y nai ne.

LUKA 14:11

Ami py tahm apasang nai ngierei ai ly tahm panem ai; tahm apanem nai ai ly tahm pasang ai,” napi.

JAKOB 4:10

Areng i mei ka-niu y ly tahm apanem u, hunaibaly ni my ang palo ai.

I PETERA 5:5

Hunai kamta ly nangchi cheangthli nangchi awi, miteaung kehchi teng y aau u. Ne, nangchi bawibawi ly asabawm u leungtang ai nai leu anui naira amthyp u; Tameuh my am-e naichi ai ly paka iy, tahm apanem naichi ai ly pahenra nga hai lawh reng.